١٧ ب
يمشون بسرعة ويدورون مكان التذاكر
اعطت تذكرتها للموظفه
و كان كل شي تمام ووقت الرحلة قرب
تنهد وهو يقول : يعني ما بتحضرين فرحتي ؟
نوير : يا قلبي انت بعوضك بالزواج بردح ردح
ضحك معن وقعد يسولف معها لين وقت الاقلاع
كان يناظرهم من بعيد و كل الافكار اللي براسه افكار شر
مشك بخطوات بطيئه للموظفة يسالها رحلتها على وين
الموظفه : لندن
تركي : يعطيك العافيه بس ممكن تقصين لي تذكره
الموظفة اخذت كل بياناته وبحكم انه مو موسم سفر كانت الطيارة فاضيه
اخذ التذكره وقعد ينتظر الرحلة
وعينه عليهم لين وقت ما اقلعو
كان يراقب مكان جلوسها والمرافقه اللي معها
حياكم الله على طبختييييي
ام خالد : تراني مامسكت شي كله هي سوته انا بس علمتها
ساره : ماقصرتييي يا خاله ، احس بانجاز
نهى : يالخايسه والله انه لذيذ
ساره : حبيبي ما تخضع الروس دام عتابه اللابه
نهى : يامال العزززز
ام خالد غرفت للعيال وحطته لهم وكانت ريحة الاكل تشهييي
سالم : يوووه بوقتها
فيّاض : مب هينه والله
جلسو كلهم حول الصحن
وقعدو ياكلون وهم يمدحون بالاكل
ماهر : انا اقول كلو تراه مب ذاك الزود
اما ساره كانت تحارش نهى بـ اكلها اللذيذ
خلصو الاكل وبخرو البيت وحطو القهوه
نهى : مافي حلى
ساره : امشي البقاله نجيب
نهى : يمه صاحيه انتي تبين اخواني يقصون رجلي
ساره : وش فيها يعني بعدين اغراض حريم مايعرفونها
نهى : ترا كله حلى
ساره : طيب شوفي واحد من اخوانتس يروح معها
نهى : فكره والله تصدقين
راحت نهى بخطوات سريعه للمجلس
وقعدت تمدح باخوانها عشان واحد فيهم يخاويهم
نهى : نبي نروح انا وسوير البقاله ونبي احد فيكم يخاوينا
فيصل : وش عندكم بالبقاله قولي لسالم ويجيبها
نهى : لا سوير تبي اغراض خاصه لها
فيصل انحرج : زين زين قم سالم رح معهم
ماهر : خلك انا بروح
فياض : غمز له وش عندك
ماهر : دخاني خلص اسكت
قام ماهر بيروح غرفته يلبس
وكان بياخذ اغراضه من فوق الطاوله
لمح سلسال ومن اول نظره عرف انه لساره لانها كانت تنام هنا
حط السلسال بجيبه وطلع من الغرفه
لبسو البنات وطلعو
وكان هو يمشي قدامهم
اما نهى وسوير كانو قالبينها سوالف وضحك
وصلو البقاله
وتوزعو اللي راح للكاشير ياخذ دخان واللي تبي حلى واللي تبي عصير
اخذ الدخان و ولعه
لمحها عند الشيبسات
مشى صوبها وحط السلسال فوق الرف اللي جنب الشيبسات
ضحكت ساره اول ماشافت سلسالها وهي تقول ؛ وين لقيته
لف ماهر : بغرفتي ، ثاني مره تاكدي ان اغراضك كلها معك
ساره : مره شكرررا الصدق ادوره لي فتره ياروحي يا ماما لو درت انه ضاع ما بتسامحني
تنهد ماهر بحزن ومشى برا البقاله يكمل الدخان
خلصو البنات وطلعو وهم يمشون بالطريق
نهى : ماهر تكفى خلينا نتسابق
ماهر : امشي بس وش اللي نتسابق قدام الناس
ساره : الله واكبر مافي احد ترا الا الزبايل
نهى تنحنحت بصوت عالي تبيها تسكت
مشو وكلعاده ساره تسولف عن اهلها لنهى وكان هو مستمع جيد لكل كلمه قالتها
وصلو البيت وكل واحد واح مكانه
رجع غرفته وحط راسه على المخده وهو يفكر بكلام خالد وانه ناوي يزوجه ساره وهو مايحبها ولا يبيها ولا هي من نوعه
تعب من التفكير و حط راسه ونام
أنت تقرأ
بحارب حتى تعود املاكي حره
Художественная прозаنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
