بعد شهر و نص
على فراشها تناظر بعلاجاتها شالت عيونها وهي ترمي اللحاف على وجهها
معن وهو يدق الباب : نوير ياويخيتي وش فيتس؟
نوير فزت : بابتسامه ولا شي وش فيني
معن : تحسين بألم؟
نوير لا يابعدي بعدين بدري الحين صاحي في شي يوجعك ؟
معن : نوير انا احاتيتس تبين نروح المستشفى
نوير : صدقني مافيني الا كل خير لو حسيت اكيد بروح
*نوير معها مرض قلب*
معن : زين قومي خلينا نصلي نسوي الفطور
نوير قامت معه
وهم بالمطبخ دخل نايف صباح الخير
نوير و معن : صباح النور
نايف وين محسن : نوير ما صحى
معن لنوير : كيف عهد عساها بخير ؟
نوير بخير بخير الا معن
معن : لبيه
ونايف قاعده يشرب مويه بفضول يناظر نوير شبتقول
نوير : ودي اني اروح الاسطبل اشتقت لرعد و ابي اغير جو
نايف ومعن منصدمين لان ماينفع تركب الخيل وهي معها القلب
معن بعدم تأييد : ي بعدي انتي وهو يمسك وجهها انا مستحيل احرمك لكن اني تعبانه ماينفع تركبين الخيل
نوير بزعل : عندي علاجي اخذه قبل اروح عادي وين المشكلة ؟
محسن وهو عارف ان بخاطرها تروح
ابشري انا بوديتس واكون معتس
معن ناظر ب محسن ومحسن عطاه نظرة اللي لا تخاف
دخلت عهد : وين رايحين بروح
معن وهو متجه لها بيحضنها مافي صباح الخير ولا شي
عهد : صباح الخير يا احلى اخ بالدنيا وهو يبتسم ويضمها
نوير : رايحين للاسطبل تخاوينا نتسابق على الفين ريال من معن
معن : وانا وش دخلني
ضحكو البنات
انا تعبت والله مو حالة ذي زهقتتتت من هالوضع
ماهر : صلي عالنبي يا سهام هذا ابوتس ان شاء الله بس تخشين ال عشرين اخطبتس
سهام بتوتر وهي ما تفكر اصلا تتزوج ماهر : الله يعين انا لازم اقفل وقفلت بدون يرد عليها ماهر
ماهر استغرب : بكل مره يجيب فيها الزواج تتهرب من الموضوع بس قال يمكن انها خايفه
فياض دخل عليه : وش تسوي ؟
ماهر : ولا شي
فياض امش طيب خلنا نروح نتمشى فحايل طفشان
ماهر : مشينا
جاء العصر الا عهد و محسن و نوير فالاسطبل
اول ما دخلو البنات قال محسن للعمال يطلعون عشان البنات ياخذون راحتهم اول ما طلعو فصخو البنات عباياتهم وراحو للخيول نوير وهي تدور رعد وهي تناديه الا تسمع صوته يصهل بشووووق
نويررر : يا هلااااا بوليدييييي يا هلااااا وهي تمسح عليه وتبوسه وطلعته من غرفته وهي فوقه وتقابل محسن و عهد وشو مانتو مسابقيني؟ ولا خايفين من ولدي
محسن بتحدي اجيبلتس الحين هتان يقفل ملفتس انتي والسهتتان ذا
نوير : عن الغلطططط
محسن ضحك وراح يجيب خيله وكذلك عهد
وصلو للمضمار انطلقو كلهم
وكلعاده رعد ما خلاهم يمشون من جنبه حتى
محسن تورط والخيل انطلق فيه وهو ماهو خيال : ياويلي ذا وشبهههه
وعهد و نوير يجرووووون بكل قوة وهم يضحكون عليه
وصلو عهد و نوير ياويلي مت عليه نزلو من احصنتهم وجلسو على الطاوله يسولفون وينتظرون محسن
وصل محسن وهو يتنفس بسرعه الله ياخذه تعبني
عهد : محد قالك تهايط
نوير بشماتة : هذا هتان اللي تهايط فيه ههههههه
محسن وهو يدور شي يرميه عليها
وعهد تضحك
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
