بحارب حتى تعود املاكي حره

P 22

يوم الشوفة و الملكة |
الكل كان حاضر اهل معن و اهل فيصل بالاضافة لبنات ابو سليمان
نهى : جهزتي؟
ساره ببرود : اي
نهى قفلت الباب : ساره ترا ماهر طيب و حنون وقلبه رهيف مايرضى علينا انا وحياة نزعل ولو زعلنا راضانا لا تخافين انتي بأيدي امينه
بكت ساره وهي تقول : بس هو قال لي ما بيحبني ولا يبي مني اطفال ولا شي بس بيحميني من اخواني
نهى توسعت عيونها : هو قال كذا !
ساره مسكت يد نهى : تكفين لا تعلمينه
نهى : ساره ! كيف تطلبين مني شي زي كذا
انتي امانه عند خالد معناته امانه عندنا
مستحيل اسمح له يجرحك كذا ويكسر فرحتك ! امسحي دموعك الميكب لا يخرب
ساره مسحت دموعها
وقت الشوفة |
دخلت ساره وملامح العبوس و الزعل مرتسمه عليها
حط عينه عليها وهو يقول : بخصوص شروطك؟
ساره : اسكن هنا
ماهر عقد حواجبه : هنا وين؟ لاتنسين اخواني فالبيت بعد
ساره : تبني لي شقة جنب بيت امي منيره ( ام خالد )
ماهر : زين وش بعد ، مهرتس كم؟
ساره سكتت
ماهر : زين اجل مهرتس 75
ساره بفهاوه : 75 وش؟
ماهر بنظره استغراب : الف
ساره عقدت حواجبها : بس احنا عندنا المهر 50 الف و ابوي كان يقول لي لا تطلبين اكثر ولا اقل ظروف الرجال ماتسمح يمكن
ماهر بضحكة : ساره تعرفين وش اشتغل ؟
ساره : طيار
ماهر ابتسم ابتسامه جانبيه : اجل خلاص بيت جنب ام خالد و مهرتس 75 الف
ساره بتردد : وماتتزوج علي
ماهر وسع عيونه : كيف يعني!
ساره : يعني مو انت بتتزوجني عشان تحميني من اخواني؟
ماهر : ايه
ساره : خلاص تبقى متزوجني انا بس لين تطلقني وتاخذ اللي تبي
ماهر بتنهيده : زين
ساره وقفت : تم اجل
مشت ساره بخطوات سريعه لين حست يد تمسك معصمها
لفت ساره والتقت عينها بعينه : لا عاد تربطين شعرتس وهو مفكوك احلى
استغربت ساره من اطراءه و ابتسمت بمجاملة وهي تقول شكرا
طلعت برا الغرفه على طول وقلبها يدق
كان مجلس الرجال مليان
بدأ المؤذن ياخذ موافقة ماهر و موافقة ساره
وتم الزواج ولله الحمد وكان ماهر يستقبل تباريكهم
فيصل بهمس ل سالم : بروح دورة المياه واجي
سالم : زين
بعد 15 دقيقه |
اندق باب البيت بقوه
استغربو الرجال
قام سالم وفتح الباب
بندر : لو بيننا وبينكم الجنه ماتاخذونها
دخل بندر ووراه ماهر و ممدوح المجلس
وقف خالد وماهر بغضب
بندر وعينه على خالد : تحسب نفسك ابوها يوم تزوجها بدون اذننا
خالد : وش جابك هنا ، اطلع برا
مازن : على جثثنا ماتاخذونها
كانت تسمع ساره النقاش بخوف وتوتر
لين اشتدت بين الرجال و طاحو في بعض ضرب
كان فياض و سالم يفكونهم عن بعض
انجرح فك ماهر بسكين
ناظر بندر بحقد
نقز عليه وجلس يضرب فيه لين صب دم من خشمه
الحريم كانو منهارين
طلعت عهد بخوف تبي تستنجد
مشت بطريقها للشارع بدون عباه ولا شيله
وصلت للحوش وهي تنادي على محسن و نايف
اللي قاعدين يفزعون لاخوياهم
طلع فيصل على صوتها
ناظرها بصدمه وهي مافي شي يغطيها
قربت منه وهي تمسك يده
تكفى ادخل شف اخواني تكفى
فيصل نزل عيونه وبتوتر : شسالفه
عهد ببكاء : اخواني محسن ونايف تكفى شوفهم
يارب مايصير لهم شي
عطته ظهرها واتصلت بمعن
اما فالمجلس ما فكهم غير خالد بنبره : الامن جاي اقسم بالله ماتعدون
مازن : مب رجال اللي يهايط
خالد : اقول سد حلقك
طلعو اخوان ساره بانتظار الامن
اما ماهر كان فكه ينزف بغزاره واثر شخطة سكين على رقبته
دخلو البنات على اخوانهم وهم مفجوعين اما ام خالد ضغطها نزل
وكانت ساره تقيس لها الضغط بصياح وتحاول تهديها
ماهر لنهى : في احد جوا ؟؟
نهى بخوف : لا بس امي و ساره
ركض ماهر على الغرفه وشاف انهيار ساره و ام خالد اللي طايحه بالارض تون
ماهر : ام خالد فيتس شي مسك يدها وهو يحاول يجلسها
اما ساره قالت : سو..يت له..ا قياس الض..الضغط
ماهر مسكت كتف ساره : معليه معليه امسحي دموعك مايستاهلون
ناظرت ساره في فكه وهي تمسكه : دقيقه
ركضت لصندوق الاسعافات وهي بتضمده له عالسريع
ضمدت الجرح له و حطت لزقه
دخلت نهى : ياويلي ماهر يبونك
ماهر : خليتس عند ام خالد وساره لا يجيهم شي
نهى : زين
طلع ماهر بغضب
زياد : ماهر لازم تجي معنا القسم
ماهر : زين
ركبو سياراتهم وبعد مرور 3 ساعات على الحادثه
انتصر ماهر لان ساره صارت زوجته و حلاله
رجع ماهر البيت وكله فخر
دخلو كلهم ينامون اما ساره كانت منهاره وكأنها طفله
دخل ماهر على ام خالد : باخذها وامشي
ام خالد : من يوم صار اللي صار وهي تبكي ولا طلعت من غرفتها
ماهر : باخذها تغير جو
راح ماهر لباب ساره تنتح وهو يدقه : ساره
ماسمع حس لها
دق الباب ثاني مره : ولا ردت
ساره : وش بك؟
لف ماهر عليها : احسبك بالغرفه وين كنتي
ساره : اسويلي قهوه
سحب ماهر القهوه من يدها
امشي بنطلع
ساره : وين ! في ذا الوقت
ماهر : عادي
ساره : الساعه 2 وين نروح!
ماهر : البسي عباتك وامشي
ساره : مالي خلق بقعد بغرفتي
ماهر : قلتلتس البسي ، انتظر بالسياره
مشى واعطاها ظهره ولا قدرت ترفض