بعد شهرين |
كان البيت هادي وثبتت العلاقة بين ساره و بين اخوان خالد ، رغم الفراغ اللي فيها الا انها مبسوطة معهم
ومرتاحه وتعدهم مثل اهلها
نهى : طفش
ساره : اي والله نفسيتي زفت
حياة : ليه؟
نهى طالعت بحياة : انتي من بعد ما تخرجتي ماعندك جدول
حياة : الصدق الا بس اخواني ما بيوافقون
ساره : وش جدولس
حياة : صحباتي اليوم عزموني على جمعة لهم بمناسبة تخرجنا بس ماظن اهلي بيوافقون
ساره : معليتس انا بكلم ام خالد
نهى : وانا بكلم فيصل
حياة فزت : والله صدق تساعدوني!!!
نهى ناظرت بساره وهي تقول : ايه بس تاخذينا معتس
حياة : تم يبوي
قامت ساره لام خالد تقنعها
وبعد عناء اقتنعت وحددت لهم وقت
اما فيصل كان قاعد يقرا كتاب
جلست نهى عنده : ابو الفص
فيصل : وش عندتس
نهى : ياخي اليوم صحبات حياة مسوين تخرج ببيت وحده من صديقاتها وودها تروح وانا وساره بنموت طفش خلنا نروح تكفى امي حددت لنا وقت ونرجع
فيصل : تعرفين اني ماحب ذي السوالف وناس مانعرفهم
نهى : الا الا تعرفهم بيت ابو راضي
فيصل : متى قالت ام خالد ترجعون
نهى : ١٢
فيصل : يا وجه الله ، ١١ وانتو بالبيت
نهى : فيصل ياخي ذي سهره بنات
فيصل : علمتس ١١ ترجعون غيرها ماعندي
نهى بزعل : سم
راحت نهى للبنات تبشرهم وكانو مبسوطين مره
تجهزو البنات وجاء المغرب وكانو حريصين يروحون بدري عشان يعيشون اجواء الحفله
ساره : كيييف شكلي!
نهى : تهبلين بسم الله عليتس شعرتس طولان
ساره : مو مني والله من ام خالد كلشوي تحط لي حنه
حياة : يوه عاد امي تموت بالحنه المهم تجهزو بسرعه
ساره : حياة جسمك زيي عطيني فستان غير ذا
حياة : ليه!! يجننن عليك
ساره : احسه ضيق مره
حياة : الله يرحم بملكة اماني
ساره : انطمي
خلصو كل شي وصار وقت انهم يروحون الحفل واللي بيوصلهم سالم
وصلو للحفل ودخلو
سلمو على البنات ونهى وساره كانو حرفيا مايعرفون احد
اما حياة كانت فالتها معهم ضحك وسوالف و رقص
ساره لنهى : جيعانه قومي خلينا نبلع
فرستها نهى : اسكتي بيسمعون
ساره : وش هالحفل اللي مافيه احد يباشر
نهى : صوتس عالي الله يفضحتس
جات لعندهم وحده : تبون احطلكم شي؟
نهى ببتسامه : ههههه تسلمين يقلبي مانبي
ساره دقت نهى : اي بالله اذا ماعليتس امر
راحت البنت ببتسامه تحط لها
اما نهى كانت تهاوش ساره بهمس
جات البنت وحطت الصحن عند ساره وشكرتها ساره
اول ماراحت البنت على طول ساره اكلت
نهى : يالمفشوحهه
ساره وبفمها الاكل : ماتعشيتتت انطمي
خلصت الاكل ساره وكانت رايحة تغسل
راحت لدورة المياه وهي تزبط شعرها والروج وترتب شكلها
طلعت من دورة المياه
وشافت بنتين واقفين عند نهى
كانت تمشي لجهتهم
مشت لنهى ووففت جنبها
رفعت عيونها على سهام و نوره
سلمت ساره على نوره
كيفك نوره شخبارك
نوره باحراج : الحمدلله بخير ، ماتوقعت بنشوفكم هنا
سهام : اكيد بتتلزق فيهم وين ماكانو
رصت على اسنانها ساره بقهر وهي تقول لنوره : عاد
لازم تجين خطبتي بعد اسبوعين
سهام ونهى توسعت عيونهم
نوره : ما شاء الله تبارك الله الله يوفقتس يارب
ساره : امينن
نهى ضحكت وهي ودها ترقع : امشو خلونا نجلس
جلسو وكانو يسولفون وكانت ساره تاركه سهام بحيره مين اللي بتتزوجه هو ماهر ولا لا
قطعت سوالفهموهي تقول بحرقه : بتتزوجين مين ؟
ساره ضحكت بصوت عالي : من اول ساكته تخمنين مين ؟
سهام ببرود : لا قاعده افكر مين هذا اللي بيرضى فوحده زيك
ساره : غريبه وهي تطالع بنهى ، معقول ماهر مو راضي فيني؟
سهام توسعت عيونها قامت وهي رافعه اصباعها تجاه ساره : والله لو تزوجتيه ما يصيرلك طيب والله مايصيرلك طيب تسمعينن؟
كل بنات الحفل لفو عليها بفضول
قامت ساره ببتسامه بارده ومستفزه وبهمس لسهام : فضحتي نفسك يا حبيبة ماهر
فقدت اعصابها سهام وهي تسحب شعر ساره
ردت لها ساره الحركه وضربتها بكوعها وقعدو يتهاوشون والبنات يفكون بينهم
لين قدرو انهم يفكونهم عن بعض
سهام : ماتاخذينه لو تنطبق الارض عن السماء
ساره : بتخربين بيتي وزوجي علي وبصوت عالي سمعتوو وش قالتتت تبي تخرب بيتي ومستقبلي ، حسبي الله عليييك
نهى كانت منصدمه من ساره بس عرفت انها بتاخذ حقها من يوم ملكة اماني
نبت الحقد بقلب سهام وصار انتقامها ل ساره اشد واشد
لبست عبايتها هي ونوره وراحو البيت
اما ساره راحت الحمام بكل برود وقعدت ترتب شعرها
رجعت لنهى وهي تقولها : تبين قهوه؟
نهى وقفت بعصبيه : تسهبلين انتي!!! خطبة وش وانتي ماوافقتي عليه ! وش هالكلام اللي قلتيه؟ وسهام وش بينها وبين ماهر!!
ساره : اسالي اخوك ، كان واجبي اني اخذ حقي لان اللي صارلي وقت الملكه ماهو عادي ي نهى
نهى : ادري بس الحين لو عرفو ان الخطبه ماتمت بتتشمت فيك
ساره : يصير للموضوع الف حلّال وقتها
حياة بضحك : والله كل صحباتي يضحكون على سهام وضعفها قدام ساره
ساره : مو انا اللي تهيني بموت اهلي
حياة راحت الابتسامه منها : شرايكم نمشي؟
ساره : ليييه! الساعه ١٠ بدري
حياة : اغلبهم بيروحون
نهى : امشو اجل خلينا نتصل على سالم
اتصلو عليه واخذهم
رجعو البيت وكملو السهره بالحوش
سمعت نهى صوت ماهر
ركضت لغرفته وقفلت الباب
لف مار ببرود لها وهو يناظرها : ممكن تطلعين بلبس
نهى : مابطلع لين تعلمني سالفتك مع سهام
توسعت عيون ماهر وحاول انه يتمالك نفسه : وشبها
نهى : وش بينك وبينها!
ماهر بفضول : وش اللي خلاك تعرفين ان بيننا شي
نهى شهقت : يعني بينكم!!!
ماهر بحدّه : نهى بتقولين وش اللي عارفته ولالا
حكت له نهى كل اللي صار بالحفله بالتفصيل
ماهر بضحكه : حلوه ذي رافضتني وتقول خطبتنا بعد اسبوعين
نهى : غبية قلتلها شلون بتصرفين الموضوع
ماهر : معليه خلي الموضوع ذا علي
نهى : وش بينكم طيب!!!!
ماهر : علاقة قديمة يبنت الحلال حب طفوله
نهى : مب هين والله يتهاوشون عليك بنات
ماهر : ما اخس من ذي الا ذي
ضربت نهى على كتفه : الا سوير
ماهر : زين اطلعي خليني البس
طلعت نهى وبقى ماهر
اللي جلس على السرير وهو يقلب الموضوع بباله ويفكر بطريقة ينهي فيها سهام ونشبتها له
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
