نبتدي روايتنا قبل 5 سنوات :
فيصل : ياولد انت وياه قم لا بارك الله فيكم وذا النوم وهو طالع من غرفة العيال يسبسب فيهم
ام خالد (زوجة ابوهم) : ياوليدي يا فيصل امس العيال سهرانين ولا نامو خلهم يا ابوي
فيصل : وشهو ويوم انتس تدرين ان جايين متاخر ورا ماعلمتين اتوطى بهم
ام خالد وهي عارفه انها جابت العيد : ياولدي ذول وغدان خلهم الله يهديهم وهي تصرف السالفه يا بنت يا نهاوي (نهى) وين الفطور
نهى وهي تتحلطم : وانا مافي غيري اسوي الفطور ورا ماتقومن ذول العجايز يحضرن معي
ام خالد : معليه يبنيتي انا واخوانتس نحب اكلتس
**
فيصل و فيّاض و ماهر هم اللي لحقو على امهم وابوهم اما اللي تحتهم كلهم يشوفون الابوه والامومه في ام خالد
**
حياة : وهي تجري لامها يمههه يمههه
ام خالد وش فيتس انتي تنابحين مع ذا الصبح : يمه اماني راجعة الديره
**
اماني تدرس في جده من وهي عمرها ١٦ قبل لا يموتون امها وابوها زوجوها وعمرها ٢٠ وخلصت الدراسه وتخصصت محاماة وتمارسها بجده وبحكم انها عاشت هناك سنوات طويلة كانت لهجتها جداوية بحت
**
قامو العيال على صراخ اختهم بفجعه
لعنة تلعنتس وراتس انتي
حياة بفرحة : اماني راجعة الديرة شوي و توصل
تعالت اصوات بيت ابو فيصل ب ماشاء الله ، هاذي الساعة المباركة ، توصل بالسلامة
نط خالد بضحكة وهو يقول : يليل بتجي وتقول ايش دا وحشتونييي مره
فيصل : حذف خالد بنعاله وهو يضحك والابتسامه ما فارقته وهو يشم ريحة امه وابوه في اخته اماني
كل بيت ابو فيصل
بدو يحضرون لاستقبال اختهم الكبيره بفرحة
عند البنات :
حياة : ياظهري حسبي الله عليتس يا اميره
نهى : خلاص وقفي يالدبه بس تاكلين اكلوتس حيتان
اميره بصدمة واللقمة بحلقها : وشو اتسلتن من حلالتس انا ماكملت اكلها الا غصت وحياة ونهى ميتين ضحك
عند العيال
خالد وهو متقمص شخصية اماني طول التجهيزات : اشبك انتا عليا بلا في شكلك
فيّاض وهو يهبد خالد : خلاص لعنبو دارك ازعجتنا
ماهر : خلّه بيجيه فيصل يعلمه كيف يطقطق على حبيبة قلبه
سالم : فيصل متعلق في ذا الاماني ماشفته يحب واحدٍ منا كثر حبه لها
فياض : ما استغرب وهي اول اخت له
ماهر ساكت وسرحان في معشوقته وهو يتخيلها
فياض : وهو يهمس لخالد شعنده يتبوسم ذا الوغد
خالد : ماهر وربي لو ما تركز معايا حعورك باظافيري
ماهر : تتلاشى منه الابتسامه وهو يطالع في خالد ببرود وجمود
خالد : وي امزح معاك
فياض و سالم ماتو ضحك من خالد
عند البنات
كانو يسولفون فجاه تدق اماني على حياة
حياة : اماني تدق شكلها وصلت
نهى : ردي ردي
حياة : هلا بمعشوقة فيصل **كل البيت ينادونها كذا**
اماني بضحكه : تعطلت سيارة ماجد ورجعنا جده ان شاء الله يومين وجايه
حياة بقهر : يوه ، يلا على مهلكم
نهى : وش فيتس؟
حياة : تقول بتجي بعد يومين سيارة رجلها خربت
نهى : يا فرحة ما تمت خلني اعلم امي و فيصل بس
حياة : يلا بروح ارقد انا
نهى : راحت الا تشوف اخوها و ام خالد واخوانها جالسين يتقهوون ، يمه ترا اماني بتجي بعد يومين
فيصل فز : ليه وشبها اختس؟ فيها شي
نهى : لا بس تقول سيارة رجلها خربت ورجعو جده
فيصل : اهمشي انها بخير
نهى : اي الحمدلله
حمسوني بنجمة و كومنت يا اهل حايل😂🤍
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
