-لاتنسون النجمة
اليوم الثاني | الصبح | تحديداً يوم الثلاثاء
فيصل وقع اوراق عمه عشان يطلعه من المستشفى
التفت لسالم
سالم : وش بتسوي الحين؟
فيصل بضيقة : اكيد ما بخليه وبسكنه معنا
سالم : و امي طيب؟ اكيد بتتضايق من وجوده ولا بتاخذ راحتها
فيصل وهو يتنهد : الله ييسرها
مشو لين وصلو لعمهم
فيصل : يا عم من اليوم بتسكن عندنا
ابو سليمان وهو ساكت ومنزل وجهه للارض نزل فيصل لمستواه وهو يقوله لا تنزل راسك يا عم بنشوف وينهم و بيرجعون لك ان شاء الله
نزلت دموع ابو سليمان وهو يردد بهمس : انا السبب .. انا السبب
فيصل زفر بضيق وهو يوقف حط يده على مسكة العربيه وقاعد يدفه وسالم وراه
اصبر اصبر وين السكر
نايف : راع السكر هناك
محسن بضحكة : قرب من نايف وهو يمسك صباعه وبيحطه بـ البرادي
نايف ناضره بفهاوه : وش فيك
محسن بتكشيره : ياخي حمار
نايف عقد حواجبه باستغراب وراح يجيب السكر حطه بالبرادي
محسن وهو يغسل النعناع جاه اتصال
نايف لف عليه
محسن : الو
ماهر : السلام عليكم
محسن : وعليكم السلام
ماهر : انا ماهر
محسن بابتسامه حييي والله
ماهر بكل رسمية : الله يحييك ، اعذرني ع الازعاج بس حصل معنا ظرف وعمي تعب والجايات اكثر
محسن : الله يقومه بالسلامه ابد براحتكم الجمعة الجايه يناسبكم؟
ماهر : بشوف الاهل وارد
محسن : ابد يا هلا
تقفل الخط محسن لف على نايف : كنسلو جيتهم اليوم
نايف : ليه ؟
محسن : عمهم تعب
نايف شيل الصحون حطها بالطاوله وانا جايب الشاهي صح الباقيين
محسن : سم
قامت على الجرس وهو يرن طلعت وشعرها منكوش وحالتها حالة : مين
مشعل : انا مشعل
منال من ورا الباب : سم وش بغيت
مشعل : ابي اكلمك بموضوع العمل
منال : سم
مشعل : لو تبدين دوامك بعد ٣ ايام يناسبك؟؟
منال تنهدت : لا
مشعل : طيب انا كلمت مديري فالمستشفى و شاف اوراقك ووافق بس نحتاج انك تجين عشان تتعرفين ع المستشفى اكثر
منال بفرح : صدق والله؟ منجدك تتكلم ؟
مشعل بابتسامه : معك مرتبة الشرف ليه مستغربه من قبولك ؟
منال : ردة فعل طبيعيه ياغبي
مشعل : وهو يضحك على ميانتها
منال بخوف : نفس المستشفى اللي انت فيها؟
مشعل : ايه
منال فرحت بس بنفس الوقت تذكرت سهام اللي تحبه : طيب والعماره مين موجود فيها ؟
مشعل : الدور الثاني فيه اخواني كلهم موظفين نادر يجوون والدور الثالث انا فيه والرابع فيه عائلة
منال : طيب بخصوص الايجار انا قايلة لسهام تعلمك ان بمجرد ما اتوظف بعطيك دبله
مشعل : ما يحتاج بس بسالك
منال وهي تنتظره يسال
مشعل : ليش جيتو بدون ابوكم ؟
منال وعت على نفسها : ما يخصك
مشعل توسعت عيونه توها تضحك وتسولف معه : بكيفك
منال حست ان في احد وراها يتسمع ع النقاش
منال : المهم قلتلك الايجار بيجيك دبلة ولاهنت نبي رقم سواق موثوق فيه
مشعل : ليه ما يحتاج انا موجود
منال : ما يحتاج ، اذا تعرف سواق علم سهام وهي تعلمني
مشعل : كم عمرها
منال : مين؟
مشعل ببرود : سهام
سهام داهمت نقاشهم عشان اختها ما تفضحها
وش عندكم انتو ؟
مشعل : وعليكم السلام ، المهم يا منال السواق عندي بجيب لك رقمه وبخصوص عملك راح اتكلم مع المدير لين وضعك يتعدل واذا حسيتي انك جاهزه كلميني
سهام قاطعت كلام مشعل : طيب انا قاعده اسال !
مشعل طنشها : ومد يده من الباب يعطيهم الفطور
منال : شكرا ما نبي
مشعل : ترا ذا بيتي وادري ان المطبخ فاضي خذوه وبعدين تعوضوني
منال : مدت يدها على الاكياس تبي تتحسسها لين جات يدها عليها واخذتها
مشعل : انا رايح الدوام اذا صار شي كلموني
سهام : يصير خير وقفلت الباب بوجهه
منال : وش فيتس انتي ؟؟؟
سهام بغيرة : مره ثانية لا اشوفك تكلمينة انا اعلمه بكل شي
منال : صدق والله حتى بالمستشفى ما بتخليني اكلمك؟
سهام وسعت عيونها : وظفك بالمستشفى اللي هو فيها؟
منال ببرود وهي رايحة الصالة بتاكل جات وراها سهام :
هيييي اكلمك انا
منال : يقول انه كلم مديره ووافق يعني اكيد معه
سهام بقهر : اسمعيني زين حتى لو انك اختي ما اضمنك اكيد بتحطين عينك عليه عشان كذا لا اشوفك تكلمينه تسمعين؟
منال وقفت بعصبية وصراخ : هذا اللي باقي بزر وتعلمني تراك غاشه الولد وقايلة عمرك ٢٨ ومعك فلوس والحين قاعد يصرف عليك من فلوسه و حطنا ببيته ترا نهايته يعرف الحقيقه ويتركك بحزنك وألمك بدل ذي المصخره اللي انتي فيها والغيره الخايسه دوريلك وظيفه وشيلي نفسك مب تستقوين علي وعلى واحد كاذبه عليه
سهام انقهرت من كلامها سكتت وراحت الغرفه وهي تتصل على مشعل
رد مشعل بكل برود رد وش فيك؟
سهام : وش وضعك انت تسولف معها وتاخذ وتعطي وين عايشين ترا انا موجوده كان اتصلت علي وانا اعلمها ما يحتاج ذا كله !!
مشعل : سهام كم عمرك
سهام تلعثمت وهي تصرف الموضوع : انا اكلمك بشي وانت بشي ثاني !!! لا عاد اشوفك تكلم منال اي شي عندك ارسله لي
مشعل بضحكة : ما يحق لك تعلميني مع مين ما اتكلم
سهام وهي منصدمه : كيف يعني انا حبيبتك اكيد يحق لي !!!
مشعل بشماتة : يعني بكذبك علي بخصوص عمرك وخصوص ان عايلتك مثالية
سهام : نقول اني كذبت ، بتتركني عشان كم كذبه !!!
مشعل : ولا يشرفني اقعد مع وحده تكذ علي بنفسها قبل لا يكون علي تنهد مشعل وقال ببرود ، عشانك قاصر بسكت
سهام تنرفزت وبصراخ قالت : عمري ١٩ مانب قاصر
مشعل ضحك : اها يعني توك طالعه من مرحلة المراهقه
سهام وهي تبكي : بتتركني وتخليني بعد ما حبيتك وتعلقت فيك ؟ بعد ما اعتبرتك الشخص الوحيد اللي يفكر فيني وفمشاعري ؟
مشعل بجمود وعدم اهتمام : الحين بتسوين دور البريئه ؟
سهام ببكاء : لا تخليني انا احبك
مشعل : ما للكذاببن عندي فرصة ثانية
سهام انهارت من كلامة : مشعل اسمعني والله ...
مشعل قفل الخط وهو يتنهد ولا ينكر انه عاش معها ايام حلوه ومشاعر احلى
سهام تركت الجوال وقعدت تبكي بكل قوتها على حبيب قلبها اللي تركها
منال سمعت كل كلامها مع مشعل وتنهدت على حال اختها وحقدت على مشعل وعلى انه ترك اختها بهالشكل
دخلت منال على سهام نزلت لها وحضنتها وسهام بادلتها الحضن وهي تبكي
والله قال لي كذا عاد مدري
معن : الله يشفيه يارب
محسن : ترا قلتلهم الجمعة اللي تجي
معن : ايه زين يصير احنا نرجع البيت نريح ثم نجي هنا
نوير : معن ابي اقعد هنا
معن : ماتبين تاخذين لتس ملابس واغراض ؟
نوير : يوه صح
معن يلا افطرو وخلونا نرجع
عهد بنحنحه : معن
نايف : نعرفها ذي النحنحه زين
ضحكو محسن ونوير وعهد تخز نايف
معن باستغراب : وش فيتس
عهد : دام اني متخرجه يعني ومعي شهادتي ابي اتوظف
معن وهو ماوده : ليه تتوظفين مقصر معك بشي ؟
عهد : لا والله يا اخوي بس ابي اغير من جو البيت واصير مستقله
معن : زين مو مشكلة اللي يريحتس انا واثق فيتس وفي قراراتتس
عهد : الله يخليك لنا
كان ينادي بصوت عالي
اميره طلعت تشوف ان عمها بالعربيه وفيصل على راسه راحت تجري لامها
اميره : يمه ادخلي عمي جا
ام خالد قامت ودخلت الغرفه
دخل فيصل عمه وقاله ثواني ويجهز الفطور
ابو سليمان بصوت مبحوح : وين غرفتي
فيصل : تبي اوديك لها ؟
ابو سليمان : ايه
فيصل وداه للغرفه وخلاه ينسدح على سريره وهو منقهر ان عمه كذا
راح فيصل عند ام خالد وجلس
يمه ابو سليمان بيتكي عندنا فتره
ام خالد ايه مو مشكلة يا وليدي بس انا وين اروح
فيصل : يا يمه مقدر اخليه كذا وانتي عارفه وضعه
ام خالد بتفكير : وش رايك ياوليدي تاخذ جناح امك وابوك له
فيصل وهو كان يفكر كذا لكن خايف من ردة فعل ام خالد
فيصل : والله كنت بقولتس بس زين جات منتس
ام خالد وهي تتنهد : راحو عند ارحم الراحمين والمكان خالي ودامه عمك لازم يكون موجود لين نشوف بناته وين خله في جناحهم
فيصل : زين يمه وش صار على عزومة اهل الشملي؟
ام خالد : فياض يقول ان ماهر اعتذر منهم واتفقو على الجمعة
فيصل : زين
وهو ينتظر رسالة او اتصال منها زفر وهو تتردد بباله ( عندي اللي احبه و يحبني وزواجي بيكون منه بس ) وهو ضايق بالحيل ويدور فالغرفة ينتظر منها ماهي ثواني الا تذكر انه يقدر يطلع موقعها
مسك جواله بسرعه وبيشيك هل موقعها للحين موجود ولالا زفر بضيق يوم شافه مو طالع له وهو يقول بينه وبين نفسه
" لملم جروحك وانسحب مالك نصيب باللي تحب "
دخل فيّاض وقعد عنده : وش رايك نطلع على حايل؟ نغير جو
ماهر طالع فيّاض وعيونه حمراء من السهر والضيق : ماترد علي يا فيّاض تقول انها تحب غيري
فيّاض تنهد : في بيت شعر قريته وعجبني
ماهر ناظره بفضول
فيّاض : يقول
" القلب من فرقاك يا غايتيّ ذاب "
" اعيش بغربة وقسوة زماني "
**
"اياك تحسب حبي لك كذاب"
"انت رحت وانا ثابت مكاني"
ماهر زفر وهو يطالع فيه وانا احسبك بتواسيني
فيّاض ضحك : اسمعني يا ماهر انا ماراح اقولك الا بيتين ولا اني بواسيك مثل العادة
"لا تشييّد بيت بقلبك و تعمّره"
"لا تخيّره لانك والله بتندم انك ميزته"
راح فيّاض وبقى ماهر واحزانه
دمع ماهر من حاله ومن حبة لها و كيف بينساها؟ ويمسح ذكرياتها ؟ كيف ينساها وهو لا حزن ارتمى لها ؟ كيف ينساها وهو حرم بنات حواء عليه من بعدها ؟
قام ومسح دموعه وغسل وجهه وهو يطالع بالمراية ويقول لنفسة " وش اخطيت فيه يا ماهر ؟ وش اخطيت فيه ؟
غمض عيونه بألم وبقهر رجع سريره حط راسه لعله ينام وقلبة يرتاح
- نجمة و كومنت يسعدني 🤍
- البارت الجاي راح يكون دخول للواقع
- رايكم بالبارت؟
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
