صحيت من النوم بعد ما كانت طول اليوم مع رعد تمغطت وقعدت تناظر الفراغ بطفش لين قررت تاخذلها شاور تصحصح فيه بعد تعب امس
بعد الشاور طلعت مشطت شعرها وحطت عطرها ولبست فستان واسع وربطته بحزام مع الخصر الا تخش عهد : صباح الخيييررر
نوير لفت عليها بابتسامه : يا صباح النور ، احس اليوم منعش ولا يتخيل لي ؟
عهد : ايه الله يعين
نوير : وش صاير
عهد : بكرا بيجونا ضيوف
نوير بصدمه : تمزحيييين!!
عهد : اي والله العمال بكل مكان ينظفون
نوير : مين هم ؟ مو من زين جماعتنا
عهد : اللي ساعدونا بالحادث
نوير قلبها دق وتذكرت نظرات فيّاض لها : اها
عهد يلا خلينا نفطر محسن و نايف خلصوه
طلعت هي ونوير لاخوانهم صبحو على بعض وجلسو يفطرون
وهم يجرون بسرعة ومعهم شناطهم ومتوترات ولا قد اقدمو على خطوه كذا
نورة : تكفون تعبت اصبرو
منال : مافي وقت امشي
سهام اكثر وحده مبسوطه انها رايحة حايل ولا هي خايفة
ركبو الباص ومن وقتها ومنال تقرا قران وتدعي ابوهم ما يلحق عليهم
نوره تقول لسهام : الحين وين نروح ؟ منال وش براسها اخاف تورطنا
سهام : حتى لو منال ماعندها خطه انا عندي
نوره بخوف : وش عندتس؟
سهام طلعت الجوال : هذا اللي عندي
نورة بخوف : وش جابهههه ذا لتس؟؟؟؟ وهي تضربها مع يدها
سهام : اوففف ما ينقال لك شي انتي لاوصلنا اعلمك
صحى من النوم وغسل وجهه وهو ما يحس في حركة بالبيت دخل غرف بناته يبي يهاوش عصب انهم مو فيه
راح لبيت ابو فيصل وهو يحسب ان بناته عندهم
دق الباب اول مره محد رد وثاني مره انفتح
اميرة : ميييين
ابو سليمان : انا انا
اميرة : حياك الله يا عمي
ابو سليمان : ناديلي بناتي
اميرة باستغراب : مو عندنا
ابو سليمان : كيف يعني ؟ وين نهى و اماني
جت نهى وهي ترحب بعمها : هلا يا عم
ابو سليمان : بناتي مو عندكم ؟
نهى : لا والله يا عم ما جو
ابو سليمان بخوف و توتر خايف انهم راحو الشرطه طيب يلا مع السلامه
قعد يدورهم زي المجنون ولا حصلهم دخل بيته الا يلقى ورقه مكتوب فيها
"ليتك يا يبه كنت الامان والحنان لنا"
"ليتك ما خليتنا نهرب منك ومن سواياك فينا"
ابو سليمان انجلط وطلع على بيت ابو فيصل وهو يسال عن فيصل بصراخ
طلعو كل البيت للحوش بفجعه مع ذا الصبح صراخ
فيصل طلع : وش فيك يا عممم؟؟
ابو سليمان : بناتي يا فيصل بناتي
فيصل : وش بهم
ابو سليمان بصوت متقطع خلو ذي الورقة وهربو مني
راحو ما بيرجعون
ماهر انصدم
والبنات طالعو ببعض بصدمة وام خالد من ورا الباب تسمع وانفجعت
ماهي ثواني الا ابو سليمان يطيح ع الارض وعيال ابو فيصل شالوه بسرعة والبيت توتر ودوه المستشفى طيران
وصلو حايل ونزلو شنطهم وهم مو عارفين وين يروحون او وش يسوون
نورة : ها منال وين نروح
منال بورطه : ما ادري
سهام : كيف ماتدرين ! وش نسوي الحين وين نروح
نورة : طلعي طلعي بس
سهام بورطه : طلعت منال شافته ولا اعطت ردة فعل
منال : تعرفين احد يقدر يساعدنا ؟
سهام : ايه بس قولي والله ماسويلك شي
منال : اخلصي
سهام : اعرف دكتور عمره ٣٠ ويحسب عمري ٢٨
منال : سحبت الجوال وجع بزر وتعرف هالسوالف
طبعا قلتلكم هذا كله قبل ٥ سنوات من الان كان عمر سهام وقتها ١٩
نورة بصدمة : انتي كيف كذا عادي عندك ؟
سهام وش يعني اصلا هو يحبني وعلاقتنا لها الحين ٨ شهور
منال : قلتي انك جايه؟
سهام : اي
اعطتها الجوال وقالت اتصلي عليه خليه يدبر لنا مكان
نورة : شوضعكم ترمونا ع الناس !!!
منال : لا تنسين اني متخرجه من الطب بعوضه اذا لقيت وظيفة هنا
سهام تتنحنح و بصوت ناعم : الو
مشعل : هلا بهالصوت وحشتيني
سهام : وهي تبعد عن اخواتها هلا حبيبي كيفك؟
مشعل : اسمع صوتتس ولا اصير بخير؟
سهام بانحراج : يروحي انت ، اسمع انا وخواتي فالمطار والسواق سحب علينا ولا نعرف وين نروح
مشعل بفرح : اجيتس؟
سهام : اي لاهنت بتعبك معي
مشعل : ابد شوي وجاي
بشر يا دكتور كيفه ؟
الدكتور : تعرض لصدمة شديدة وحالته ماهي تمام
فيصل : يالطيف
ماهر منزل راسه ولا هز كلام الدكتور فيه اي شي وفي باله شي واحد ( كيف سهام ما علمته ؟ )
قام ماهر وهو مسرع : مسك جواله ويدق للمره المليون ماترد عليه ! مسك قلبة وهو يفك ازراره ويحاول يتنفس
فيّاض : ردت ؟
ماهر : بصراخ ماترد ماترد ليش ما تردددد
فياض مسك كتوف اخوه وهو يهديه ويقوله امسك نفسك لا يصيبك شي
ماهر : كيف كيف وهم ٣ بنات ماندري وش صارلهم الحين !!
فيّاض : ان شاء الله انهم بخير تفاول خير
يلا امشو وصل
فتح لهم الشنطه حطو شناطهم و ركبو
سهام بصوت ناعم كيفك مشعل
مشعل : بخ..
منال : مايحتاج نعرف شكراً
مشعل انصدم
سهام دقت منال وبهمس : شفيتس انتي ابي يحطنا ببيته
نورة بصدمة : صاحية انتي؟؟؟
سهام : عنده شقق يأجرها
منال ببجاحه : لو سمحت تعرف مكان نسكن فيه ببلاش موقت واتوقع تدري ان مامعنا فلوس
مشعل منصدم ويحسبهم اغنياء على حسب كلام سهام
سهام بفشلة : تقصد ان بناخذ فتره فيه نشوف يناسبنا او لا وندفع
مشعل وهو حس ان انلعب عليه : ايه فيه
كان الصمت هو سيد الطريق
لين وصلو ونزل هو قبلهم وللحين ما حط عينه بعين وحده منهم
طلع الشقة وفتح الباب
نزل عندهم وعيونه ع الارض : فتحت لكم الباب وهذا المفتاح اقعدو فيه لين تستقرون مو لازم تدفعون الحين
منال : شكراً ماقصرت دخلو كلهم وسهام تبطء خطواتها
مشعل : شفيها اختتس؟
سهام معليك منها : شكرا والله ماقصرت اتصل علي اليوم بقولك شي
مشعل بعد اهتمام : تمام
دخلو البيت وانبهرو من الاثاث والبيت المرتب
منال طلعت مسرعه تبي تلحقه : مشعل لين حست على نفسها انها تمون مره قالت معليش بس ابسالك
سهام بغيره : راحت تشوف وش بتقوله
منال : انا متخرجه من الطب بمرتبة الشرف الثانيه احتاج وظيفه بمكان حكومي تعرف احد اقدر اتواصل معه؟
مشعل انصدم رفع عيونه وجات بعيونها وهو يتامل سهام جات : اي بالله مشعل لاهنت
مشعل طنشها : كم عمرك ؟
منال بانحراج : ٢٩
مشعل وعيونه شرار من سهام وكذبها ابشري عطيني شهادتك و بشوف لتس
منال : شكراً بتعبك معي رجع طالع عيونها بابتسامه العفو
سهام ماتت غيره وطنشتهم ومشت
منال دخلت البيت وشالت عبايتها وهي تتنهد
يارب يلقى لي يارب يبنات والله بنرتاح لو لقيت بينزل لي ١٥ الف كل شهر بنعيش براحة
سهام قربت منها : وش هالدلع؟
منال باستغراب : دلع وش؟
سهام بعصبيه : ما كاني شفتك تتدلعين له عشان يوظفك
منال بصدمة مسكت شعرها : وش تقولين انتي هذا جزاتي ابي اتوظف عشان اشيلك ونستقر براحة!!
سهام وهي تدمع : مافي فرق بينك وبين ابوي الله ياخذه وياخذك زيه وراحت الغرفه تبكي
منال انصدمت والكلام جاها زي الصاعقه ونوره كمان
تنهدت منال وقامت تشيك على البيت
سهام وهي تبكي فتحت رسايل ماهر واتصلت عليه
ماهر رد على طول : وينتس انتي وين رحتو ؟ صاحيين انتو
سهام باسلوب وقح : وش تبي؟
ماهر : وش اللي وش تبي اتصل فيتس ماتردين خليتيني لاني مقيد ولا مفكوك !
سهام : تحسب بعلمك عشان تجيب ابوي ونرجع للقفص؟
ماهر بصدمه وهو يسمع هالكلام يطلع من فم حبيبته : انتي بعقلتس ولا وش!!! تتوقعين مني انا اسوي فيتس كذا؟
سهام : كيف اصارحك اني مبسوطه اخيرا صار اقدر افتك منك ماعاد ابيك وطول الوقت ماخذتك على اساس فلوسك طول هالفتره كنت اعيش على فلوسك ولا اني احبك اصلا مو طبيعي كيف انت مصدق نفسك ! ههههه تدري وش يضحك ؟ اني طول هالوقت العب عليك ولا حسيت وابشرك ، عندي اللي احبه ويحبني وزواجي بيكون منه بس لا عاد اشوف اتصالاتك ورسايلك !!!
ماهر وهو ساكت ومنصدم وقلبة يرجف ويحاول مايصدق ان ذي حبيبته : سها... (تقفل الخط)
طالع بجواله وهو للحين منصدم
بكمل اذا شفت تفاعل
نجمة و كومنت
انتهى
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
