يوم الجُمعة |
صباح اليوم المُنتظر عزيمة بيت " ابو معن "
الساعة 6:00AM
وهي تجهز الفطور لاخوانها وناثره شعرها الاسود
صباح الخير
لفت بابتسامه : صباح النور
محسن : عهد تسوي الفطور معجزززه !
عهد : ماقدرت انام طول الليل و قعدت ارتب غرفتي ، قلت خليني اسوي دامني صاحيه إلا وين نويّر من امس ما شفتها
محسن : من يوم رحنا الاسطبل وهي متمسكه في ذا الرعد رجعت ونامت
عهد : الحين هي ليه ما تدخل بطولات دامها تموت في الخيول؟
محسن : مدري عنها بس تصدقين فكرة مو شينة لو قلنا لها يمكن تصمل
عهد : نجرب ليش لا
سكتو وقعدو يجهزون الفطور لين دخل معن
صباح الخير يا وجيه الخير
عهد : هلا حبيبي هلا يروحي صح النوم
محسن ناظرها بصدمه : وانا يوم صحيت ماقلتي لي كذا
عهد : كذاب قلتلك صباح النور
محسن : لا دلعيني زيه وش ذا
معن قعد يقهر محسن
عهد بحط الفطور على الطاوله اللي برا الجو حلو
معن : لا العمال برا ينظفون اليوم العزيمه ولا ناسيين؟
محسن : يووووه ثوبي ماوديته للمغسله
معن : يلا وده حتى حقي وحق نايف
تطالع السقف بملل وحزن وكأن الدنيا كلها ضدها سمعت رنة الجوال فز قلبها مسكت الجوال على طول وكان الاسم " مشعل "
تنحنحت ومسكت الجوال على طول : الو
مشعل : اعطي الجوال لمنال
سهام بقهر : خير !
مشعل : ماتسمعين ؟ عطي الجوال لمنال
سهام بعناد : ماني معطيتها
مشعل : هاتي رقمها طيب
سهام ضحكت : ماعندها جوال اصلاً
مشعل توسعت عيونه بصدمة : ليه
سهام : مافي الا جوالي ذا ، خواتي ماعندهم
مشعل فهم ان هاذي عاداتهم : طيب خلاص انا شوي وجاي اصلاً
فرحت سهام وهي تبيه يشوفها عشان مايبعد عنها
قامت تعطرت ونثرت شعرها على ظهرها ولبست فستان ناعم مره وهادي
الا رن الجرس
راحت تركض وهي تزبط شكلها وكانت هي قدام الباب بالضبط
فتحت الباب
طالع فيها بذهول ومنصدم من المنظر هذا !
سهام : جات عيونها بعيونه وشهقت وقفلت الباب
و ركضت لغرفتها ولبست طرحتها وفتحت الباب
سهام باحراج : سم شبغيت ؟
عزيز وهو مرتبك : مدري سمعت صوت واللي اعرفه انا الشقه ذي مافيها احد
سهام : مالنا اسبوع ساكنين
عزيز : حياكم الله انا بالدور الثاني ان احتجتم شي
سهام وهي تبي تفتك منه : شكرا وقفلت الباب
فكت طرحتها بقهر وبغبنه هففف وينه طول
انتظرته كثير ولا جاء فقدت الامل وراحت دورة المياة
الا يدق الجرس
طلعت من غرفتها وهي توزع عيونها على البيت راحت قدام الباب
مييين؟
مشعل من يوم سمع صوتها تبسّم : انا
منال فتحت الباب : وش بغيت؟
طلعت سهام مسرعة وتعطي اختها اشارات تبعد عن الباب
منال منصدمة من منظر اختها تبي تطلع كذا قدامة !
منال سحبتها مع شعرها وقفلت الباب
سهام : تتأوه وهي تقولها فكيني
ما توقعتك هالكثر رخيصه ناويه تطلعين قدامه بهالشكل؟ ترا سكت لك كثير بخصوص علاقتك معه اقسم بالله ان شفتك بهالمنظر ثاني مره مابيصيرلك طيب تفهمين!!!
سهام بصدمة من كلام اختها عليها : انا تقولين لي رخيصة؟
نورة طلعت تركض لهم وش فيكم اصواتكم عالية
مشعل رغم انه برا البيت الا انه سمع كل شي من صراخ منال
زفر وطلع لدوامة
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
