يابنت الناس انا شايف اوراقهم ومتاكد انهم اخوانتس
ساره : كيف يعني ابوي كان يكذب علينا !
خالد من ورا الباب : صلي عالنبي وجهزي اغراضتس عشان تروحين معهم
ام خالد ببتسامه : دايم اسمعتس تقولين لنهاوي ( نهى) انتس تتمنين احد من اهلتس عايش هذول هم جوك
ساره : اي ياخاله بس ماعرفهم ولا اعرف من وين طلعو فجاه كذا !
خالد : جهزي نفستس ياخوك
دخلت نهى وهي تبكي
انصدمت ام خالد : وش فيتس؟؟؟
نهى بصياح : نوير راحت لعمليتها و ساره بتتركني
ام خالد بضحكه : اتركي الدلع اكيد انها بتزورنا وتكلمنا
ساره حضنت نهى وبكت معها : مستحيل اتركس
بعدت عن نهى وكانت قاعده تجهز اغراضها عشان تروح
في الجانب الثاني |
كان يشرب شايّ وبراسه الف سؤال
هي صدق بتروح عنهم؟ صدق بتتركهم ؟
تعوّد على حسّها واكلها على ضحكتها اللي ماتمسكها
تنهد وهو يفرك جبينه بقلة حيّلة
جلس جنبه وهو يولع دخانه : وشبك قاعد لحالك
ماهر : اخطبها من اخوانها؟
فيّاض : منهي سوير
ماهر : ايه
فيّاض : والله كانك تبيها اخطبها
وقف ماهر وكان ينتظر اللي يأيده عشان يقدم على الخطوه
دخل المجلس ونظره على مدّاح
جلس وهو يتنحنح : يبو سعد انا بخطب اختك على سنة الله ورسوله
مداح توسعت عيونه وبندر و مازن عقدو حواجبهم
مداح : كان بينكم خطبه !
ماهر : لا بس كنت ناوي
وقف بندر بعصبية : الخطبه ذي ماراح تتم
ماهر ببرود : اظن اني اخذت شور الكبير
مداح : رايي من راي اخوي
مالك نصيب عندنا
ماهر : اسالو البنت طيب على اي اساس ترفضون؟
مازن بحده قلنا لك مافي نصيب
فيصل وقف ورجع ماهر لورا وهو يهديه
طلع ماهر من المجلس بخطوات سريعه
كان ينادي نهى لين ردت عليه
جات نهى بخوف : وش فيك؟
ماهر بهمس : ناديلي ساره ورا الحوش وخليها تتغطى
نهى شهقت : صاحي انت تبي تفضحنا اخوانها فيه
ماهر : مو شغلتس ناديها
راحت نهى تنادي ساره بخوف
كان بالحوش ينتظر لين طلعت له
ساره : جيت بشوف وش اللي خلاك تناديني واخواني بالبيت
ماهر : انا خطبتك منهم ولا وافقو
اخوانتس ذول ماني مرتاح لهم
ساره : ماشاء الله اشوفك صامل تخطبني
المهم ولا انا مرتاحه لهم لكن الشكوى لله
ماهر : حط ورقه فوق الدكه
هذا رقمي خذيه عندتس وقت تحتاجين شي كلميني
ساره : بس عشان كذا ناديتني؟
ماهر : يعني وش بالله بناديتس فيه خلاص روحي
لقطت ساره رقمه وراحت
وكان احساس ساره غير في اخوانها
رسمت خيالها معهم
جهزت شنطتها وحطتها برا وطلعت
طلعو الاخوان وودعو خالد
ركبت ساره ومشت السياره
كان الوضع صمت
وهدوء
وكان مازن الصغير جالس جنب ساره ولكن ماسولف معها ولا شي
ساره بجراءه : مو ناويين تعرفوني عليكم
مداح ببتسامه : انا مداح الكبير متزوج وعندي سعد
وبعدي بندر شغال في شركه اما مازن عنده محليين يبيع ويشتري فيهم
ساره : ما شاء الله
الله يرحمه ابوي ماجاب لنا سيره عنكم وانصدمت لما عرفت انكم فيه
كان ابوي يحبنا مره ويحب امي ومايرضى علينا وحريص مره وكان... قطعها بندر وهو يقول
مايحتاج نعرف هالتفاصيل
ساره كشرت من اسلوبه وسكتت
أنت تقرأ
بحارب حتى تعود املاكي حره
Fiksi Umumنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
