لم أعلم ماذا كانت تريد مني. فسألتها
" أعمل ايه ؟ "
" لازم الأول تقويني زي ما قويتك و كده تخرجيني."
" ازاي "
" اول حاجة لازم تبطلي تخافي و تبطلي تسامحي و تغفري. لازم ندخل مرحلة جديدة و هي الانتقام. "
" هنتقم من مين بالظبط. "
" نبدأ واحدة واحدة كده. أنا زود ضعفي ضعفك لما سلمى بهدلتك. عشان نرجع احنا الاتنين أقوياء لازم تنتقمي منها. مش انتقام عادي. دي لازم تندم على اللي عملته. "
" بس مش هقدر أعمل كده. هي أقوى مني. و لو عملتلها حاجة هترفد و صحابها هيبدلوني. "
فوجدتها تتألم و تقبض يدها و قالت
" كل ما هتحسي بكده و تقولي الكلام ده أنا ضعفي بيزيد. مين قال انك تنتقمي منها في المدرسة. "
" أمال فين يعني ؟ أنا مبشفهاش غير في المدرسة. "
" اللي هقولهولك تنفذيه لو اتنفذ هيرجعلي جزء من قوتي و انتي هتاخدي حقك. "
" طيب قولي. "
" يوم الأحد عايزاكي في المرواح تمشي ورا سلمى من غير ما تحس بيكي. عشان تعرفي هي بيتها فين و تحركاتها. "
" بس افرضي هي عرفت. "
" مبسش أنا معاكي خطوة بخطوة. أمال مين اللي كان بيكلمك و انتي في الشارع و الفصل. "
" ده انتي. انتي رعبتيني انا افتكرت عندي تهيؤات. حاضر هراقبها بكرة. "
" مش هيبقى الحد بس ده كل الأسبوع هتراقبيها. و عايزاكي تعرفي تفاصيل عن أهلها و عنها و نقط ضعفها. "
" ماشي "
و فجأة اختفت صورة أوهام و تناثىت الخيوط السوداء التي كانت تغطي المرآة. و عادت كما كانت.
و بالفعل جاء يوم الأحد و بعد المدرسة ذهبت وراءها. ظلت تمشي هي و كريم حتى ثم تركها عند المترو فركبت معها في نفس العربة و لكنني كنت مختفية في الزحام الشديد. و بعد ذلك نزلت في محطة حلمية الزيتون و كانت في أحدى العمارات القريبة من محطة المترو.
و قمت باحضار كراسة صغيرة أسجل فيها كل ملاحظاتي عنها. فقضيت طوال الأسبوع أجمع عنها معلومات من مراقبتي لها و من الفيس بوك في تلك اللحظة شعرت بأهمية التكنولوجيا.
سلمى تكره الحشرات و تحب الأحصنة و الكلاب و تخاف من القطط. و دائما ما تبالغ في أحاديثها و أكثر شيء يضايقها أنها لا تكون مركز اعجاب الجميع في أي مجلس. جريئة و بعض الأحيان يسود تصرفاتها نوع من التبجح. تحب اللغات و لكنها لا تحب المواد العلمية. تتحدث كثيرا اجتماعية و منفتحة و لكنها ثقيلة الظل.
تحب التعامل مع الأولاد و تعشق ما يدعى السيلفي فلديها على حسابها على الانستجرام فوق الخمسمائة صورة. و تحب الطعام و لكنها ليست بدينة. لها صوت ضحكة مميز جدا يشبه صوت ضحكة الراقصات في الأفلام.
أنت تقرأ
أيهما أختار ؟
Paranormalبسم الله الرحمن الرحيم تعد هذه القصة هي الأولى لي باللغة العربية و بعض الأحداث مقتبسة من قصص على أرض الواقع أرجو من كل قلبي أن تنال اعجابكم المقدمة لدى كل منا مخاوف و بداخل كل مننا وحش و لكن هل كل منا يستطيع التحكم في ذلك الوحش أو مواجهة م...
