" انت حبك كنه الحكم السعودي ثبته عبدالعزيز ولا تغير ".

الجزء التاسع عشر :

""
لك الله ماخذلتك واترك الوسواس
أحبك وانت فيني وكل مافيني

""

بعد مامشوا البنات مع بتال
جاء فيصل : ابوي يقول السيارات ماتكفي عشان تروحون الليله ، خلوها بكره ونرجع كلنا
رنا بكت بقهر : ليه معلمتونا قبل يروح بتال ليه ليه ليه
الهنوف بهمس بينها وبين نفسها : الحمدلله
فاطمه : الله يجعلها خيره
رنا : وين خيره انا بموت ذلحين بموتت طفشت ياربي طفشت
فاطمه : رنا اقصري صوتس
نفضت يديها و قامت للكرفانه وهي تبكي والهنوف انسدحت على فخذ امها تفكر بحلف اسامه و وش ممكن يسوي

___________________________________________

بعد ما وصلوا نزلهم بتال وراح لدوامه
صاروا شريفه و ريم والعنود ونوره وبناتها يلبسون ويكشخون للعزيمه
مهره : ترى بروح معكم
نوره : حياتس الله
العنود : ريم ماصارت كل ذا شور اطلعي مافيه وقت
نوره : بسرعه ياريم ترى كلنا نبي نتروش
ريم : توني داخله روحوا لحمام جده
العنود : تروح النوري هي وبناتها انا لا حمام جده كاشف والبيت كله عيال
نوره : بناتي خلصوا باقي رند في حمام امي وانا
بشرى : عمه روحي حمامي مافيه احد
نوره : الله يجزاتس خير فكيتي ازمه
سمعوا اسامه ينادي تحت : عنوود وين ثوبي
وقفت العنود عند الدرج : معلق على باب الصاله
اسامه : وين حقي من حق خالد كم مره قلت لا تخلطونها
نزلت العنود : بلا غباء خالد انحف منك شوف الاوسع والبسه
رمى الثياب عليها : طلعيه انتي
خذت الثياب منه بتافف وطلعت ثوبه : ‏‎ها هذا هو
خذه منها وضربها على راسها بخفه وراح يقال انه يمزح بلعت الالم وسكتت ورجعت فوق تكمل شغلها
طلعت ريم تجفف شعرها : بشرى باخذ منتس عبايه
بشرى : وانتي وين عباياتس
ريم : ماجبت الا وحده حقت البر مليانه تراب والعنود معها ٦ عبايات بس اطول مني
بشرى : يمكن تجي عبايتي اطول منتس بعد بس بجيبها
ريم : لا شدعوه الفرق بسيط بس العنود تحب تطول عباياتها
بشرى : ههههههههههههه وانا كذالك بس بجيب تجربين ولا اقولتس تعالي غرفتي
ريم : طيب
مشت معها ريم وصارت تقيس العبايات وكانوا اطول منها بشويي
بشرى : شوفي شنطت رنا اكيد بتحصلين معها ومقاستس
ريم : ذوقها مايضبط على شخصيتي انا احب الناعم الخفيف
بشرى : حرام عيتس عباياتها عاجبتني مرره بس مو حقت اماكن مختلطه لانها اوفر
ريم : اي عشان كذا اقولتس لاكن الله يعين مالي الا هي
راحت تفتش في اغراض رنا واخيرا حصلت عبايه تعجبها
بعد ما جف شعرها راحت لساره تسويه لها ويفي بعد ما خلصت جت العنود مكانها تسويلها ساره شعرها ويفي بعد
بشرى : ريوم تعالي بسوي لتس ميكب يضبط مع تسريحة شعرتس
جت ريم : خففي قد ماتقدرين ما احب الثقيل
بشرى : معليتس اعرف وش يضبط على ملامحتس
بعد ما خلصت ريم سوت مكياج العنود
جت نوره ومعها رنا ورفيف : ساره ولا مشاعل الفاضيه منكم تسوي شعورهن الله يسعدكن
ساره : ويفي بعد؟
ردت نوره وهي ماشيه : شوفي وش يبغون عاد
رند ناظرت ريم والعنود بنص عين : انا ابغى ستريت
رفيف : لا انا ابي ويفي
مشاعل : تعالي عندي يارند ساره عليها الويفي بس
جت رند وجلست وصارت تسويلها مشاعل شعرها القصير الي يوصل لنهاية رقبتها
وساره تسوي شعر رفيف جت مهره توريهم شكلها النهائي : وش رايكم؟
بشرى بإعجاب : من اللي سوى لتس الميكب
رجعت مهره شعرها لورى بغرور : انا
ريم : والشعر؟
مهره : انا بعد
ريم : طيب الشعر يفشل
بشرى : الشعر يبي له استشوار شوي
مهره : انا ابيه كذا كيرلي
العنود : هذا خيرلي مو بكيرلي الله يهديتس
مهره : وش عرفكم انتوا بروح اسال ساره
راحت لساره : وش رايتس بشعري
رند : وعع وش ذا لا فشله
رفيف : ههههههههههههه
مهره : انتي اسكتي محد طلب رايتس
ساره : وهي صادقه وعع فشله
مهره : ‏‎‏‎ها خلصي عدليه لي الله ياخذ العدوا الحمدلله ان شريفه ماشافته دامه كذا يفشل على قولتكم
ساره : ههههههههه دقايق بس
بعد نص ساعه كانوا كلهم جاهزين
وراحوا سعود اخذ اسامه ومهند وريم والعنود
اما شريفه ونوره ومهره ورند ورفيف ومعاذ وفارس وطيف مع خالد