Zawgi
ဤရပ်၀န်း၌နှလုံးသားတစုံရှိသည် -11
_____________________________________
" ကျင်လည်ရာလောက ကချေသည်အမှောင်ယံတွေအမြဲတမ်းတွဲနေလည်းဒီဘဝရဲ့အလည်မျှော်လင့်ခြင်းမင်းရဲ့ရောင်စဉ်လေးရယ်... "။
" ချာတိတ် "
လှည့်ကြည့်စရာမလိုတဲ့အသံပိုင်ရှင်ဟာအကိုပါ။အနားယူချင်လို့ဟိုတယ်ဘေးကဧရာဝတီဆိပ်ကမ်းနားဆီထွက်ခဲ့တာအကိုပါရောက်လာသည်။
" တစ်ယောက်ထဲ ဘာလုပ်နေတာလဲချာတိတ် "
" လေကောင်းလေသန့်ရှုနေတာပါအကို ဒါနဲ့မအိပ်သေးဘူးလားအကို "
" အွန်း အိပ်မပျော်ဘူးေတွးစရာလေးတွေရှိနေလို့ "
အကိုကိုယ့်မော့ကြည့်မိတော့စိတ်ရှုပ်နေတဲ့မျက်နှာထားလေးဟာလည်းတမျိုးကြည့်ကောင်းနေသည်။
" ဘာတွေးစရာတွေမို့ အိပ်မပျော်ရတာလဲအကို "
" လူတစ်ယောက်ကိုချစ်မိရင်အရာအားလုံးဆုံးရှုံးရတယ်မဟုတ်လားချာတိတ် "
ဘာအဓိပ္ပါယ်နဲ့ဒီစကားကိုမေးလဲဆိုတာမစဉ်းစားတတ်ပါ။
" ဘာလို့လဲအကို အဲ့လိုချစ်မိပြီးအဲ့လိုမျိုးဆုံးရှုံးဖူးလို့လား "
ဒီတခါတော့ကိုယ့်အမေးကြောင့်အကိုကပြန်ကြည့်လာသည်။
" ဟုတ်လောက်မယ် "
အကိုကပေါ့ပေါ့ပါးပါးပြောလိုက်ပေမဲ့ပိုးမြတ်စိတ်ထဲတော့မပေါ့ပါးနိုင်ပါ။ အကိုကလက်ထဲကဆေးလိပ်ကိုထုတ်ပြီးမီးညှိနေသည်။လေတိုက်တာကြောင့်မီးညှိမရဖြစ်နေသည်။ ပိုးမြတ်လည်းလက်နှစ်ဖက်နဲ့လေမတိုက်အောင်ကာပေးလိုက်သည်။ အကိုကဆေးလိပ်မီးညှိရင်းပိုးမြတ်ကိုမော့ကြည့်လာသည်။
အကိုနဲ့မျက်လုံးချင်းမဆုံချင်ဘူး။ သဘောကျနေတဲ့အနေထားလေးဘဲကောင်းတယ် ချစ်မိသွားရင်ပိုင်ဆိုင်ချင်စိတ်ဖြစ်ရတယ်အကိုရယ်။
မီးညှိပြီးတော့အကိုကခေါင်းကိုလက်နဲ့ပုပ်လိုက်သည်။
" ကိုယ့်အပေါ်ဘယ်လိုသဘောထားလဲချာတိတ် "
" ဟင် "
အကိုရုတ်တရပ်မေးလာတော့ပိုးမြတ်စကားတွေဆွံ့အသွားသည်။
