نسل الابالسه

البارت الثامن

وصل الي منزل في احدي الاماكن البعيدة عن المدينه وحولها الاشجار والنبات في كل مكان تحرك ليفتح باب المنزل وهي تحركت خلفه تجر ازيال خيبتها خلفها ارتمت علي الاريكه بتعب.
ديفيرا: معدتش قادرة اتحرك اكتر من كدا تعبت.

تجاهلها و وقف دخل الي المرحاض ليأخذ شاور ظل مدة كبيرة في المرحاض وبعدها خرج وهو يرتدي ترنج رمادي اللون وجد الطعام جاهز علي السفرة وديفيرا تخرج من المطبخ تحمل بعض الاطباق.

تايسون: انتي بتعرفي تتطبخي.

ديفيرا: انا بعرف اعمل اي حاجه.

تايسون بسخريه: اه زي انك تدخلي حياه شخص تقلبيها.

ديفيرا بسخريه اكبر: تايسون انت بتضحك عليا ولا علي نفسك بجد انت فاكر اني قبل ما ادخل حياتك كانت حياتك ورديه وفله ولا انت واخد مقلب ولا انت حكايتك ايه بلاش تشوف نفسك عليا يا تايسون عشان انا وانت عارفين انك مش نضيف اووي وحياتك نضيفه عشان تمشي كل شوية تضايقني.

نظر لها بغضب وخرج من المنزل لتجلس بغضب علي الكرسي وهي تنفخ بضيق
اما بالخارج جلس امام المنزل علي الارض وسط الزرع الاخضر وصوت صرصار الليل يصدح في المكان نظر الي القمر وامتلئت عينيه بالدموع يتذكر جيدا تلك الطفله الصغيرة في طفولته كارما الجميله التي قتلت علي ايدي بعض الحثاله الذين يعملون في مافيا الاعضاء تذكر بعدها الشهور الذي قضاها في الصراخ والعويل ورؤيه طيفها والتحدث معها اصابه شئ من الجنون وعندما تأكد عقله وقلبه من موتها المحتوم قرر الانتقام ودخل لعالم المافيا وترك عائلته البسيطه في هذا الحي البسيط بعد ان طردة والده و والدته بسبب عمله الغير شرعي ذهب في طريق الانتقام وضاع في منتصف الطريق لا يستطيع ان يكمل الطريق ولا حتي ان يعود ادراجه

نزلت دمعه من عينه اليسري تيلها اختها وشعور الوحدة يكاد يسحق قلبه ليشعر فجأه بيد ناعمه تمسح دموعها التفتت ليري كارما تجلس بجوارة وتبتسم له ليبتسم لها وفجأه يبدأ وجهه كارما ان يتلاشي ويظهر وجه ديفيرا لينتفض وهو يجلس باعتدال ويمسح دمعته بسرعه كي لا يراها.

تايسون بتوتر وهو يمسح عينه: ااا احم احمم حاجه بس دخلت في عيني.

ديفيرا ببسمه جميله جعلت غمازتها في خدها الايسر تظهر: صدقني انك تعيط دلوقتي احسن من انك تراكم كل دا.

تايسون بضجر: مكنتش بعيط مفيش راجل بيعيط.

ديفيرا: ليه هو حرام ان الراجل يعيط؟؟

نظر لها بتوتر لتمسك كوب ساخن يتصاعد منه الابخرة وتمد يدها به وهي تشرب من الكوب الخاص بها لينظر لها بعدم فهم.

ديفيرا: في زرع نعناع جوا فعملت شاي بالنعناع.

تايسون بصوت مبحوح والم: شكرا.