نسل الابالسه

البارت الثالث عشر

كان يجلس في نفس الشقه المليئه بصور لها وعينه تزرف الكثير من الدموع وهو يتذكرها ويشرب مشروب كحول وبيدة سيجارة وشكله مبعثر لكن وسيم.

فلاش باك
كان يجلس يمتع نظرة بملامحها فهذه المرة الرابعه الذي يأتي في هذا المكان ققط لرؤيتها لا يعلم لكنه يكون سعيد عندما يراها شعور لم يجربه من قبل ابتسم وهي تأكل من السندوتشات التي صنعتها والدته خصيصا له ليأتي ويشاركها طعامه الحبيب ويتأملها.

زينه وهي تأكل: بس غريبه يعني يا حبوب انك مصري الخلقه دى مش بتقول انك مصري

ديلان ببسمه وهو يأكل: بتبقي زي القمر، زى القمر لحد ما تبتدأي تتكلمى بحس انك محتاجه شيشه تفاح.

زينه بضحك: والله بتكلم جد شعر اشقر وعيون ماشاء الله ملونه بميه لون ومعضل طويل وسيم.

ديلان بخبث: مش انتي ثريه ثراء فاحش اكيد شوفتي ناس شبهي يعني.

زينه: اقصد الملامح يا بابا دي ملامح مش مصريه الراجل المصري كدا بيبقي قمر حاجه كدا بتدي  انطباع رجولي بحت.

ديلان بضيق: يعني انتي شيفاني مش راجل؟؟؟.

زينه: لا ياعم راجل بس..

ديلان بهدوء: انا والدي مصري بس جدي كان ليهم اصول رومانيه فوالدي اخد من الملامح الرومانيه دي ومامتي فرنسيه الاصل باباها كان مصري بس حصله حادثه وبتاع فاتجوز واحدة فرنسيه وعاش معاها في فرنسا وجاب بناته اللي ماما واحدة منهم

زينه: بتحب مامتك ولا والدك اكتر.

ديلان: بحب الاتنين زي بعض.

زينه: ايه كلام العيال دا بقاااا اختار حد فيهم.

ديلان بحب وبسمه: مقدرش اختار حد فيهم واسيب التاني بابا عمل كتير اووي عشاني انا واختي التوأم لدرجه انه كان ممكن يموت عاملنا علي اساس اننا اصدقاء مش مجرد اب وابنه او اب وبنته بالعكس لدرجه اني وانا صغير لما ازعل واتعب يجي يقعد جمبي ويقولي مالك انت زعلان يوم ما احور عليه يقلب العالم كله بس عشان ابتسم تخيلي وامي دي ست الكل خوفها وقلقها والاهم حنيتها مش عارف الناس ازاي شايفنها قاسيه الناس مش شايفنها بعيوني الاتنين غاليين علي قلبي جدا ومقدرش اعيش من غير حد فيهم دول اقرب ليا من نفس متأكد ان مفيش حد زيهم.

نظرت له بحزن كانت تتمني ان تجد اهل كأهله الا تبقي يتيمه هكذا دوما تتمني ان يأتي الشخص الذي سيحبها اما هو سمع صوت دقات قلبها العاليه بوضوح شديد علم انها حزينه نظر لها وكأنه يخترق روحها تماما.

ديلان: بس ايه رأيك قي السندوتشات.

زينه: فيها طعم غريب وكأنها معموله بكل الحب اللي في العالم.

ديلان: بس ايه يا زينه مفيش قنوات بتتكلم عنك يعني ولا شايف الفراري مش شايف اي اثر من اثار الثراء الفاحش.