نسل الابالسه

البارت الخامس والعشرين

يقف في الفندق يمسك كأس نبيذ وهو ينظر حوله بحذر شديد، يريد فقط ان يري او يلمح اي شئ خارج عن الطبيعي وسيعلم ان تلك المرأه حضرت فزع عندما وضع احدهم يده علي كتفه.

عزيز بضيق: في ايه يا متخلف انت.

ياسين وهو يسحب كأس النبيذ من يد عزيز: نا اللي متخلف؟؟ ماشي تتلفت حوالين نفسك زي الحراميه كدا ليه، وبعدين اي الزفت اللي بتشربه دا؟؟؟ احنا عايزينك فايق.

عزيز وهو يسحب الكأس بعند: متنساش اني كنت عقيد في الجيش، يعني لو ميه ازازة مش هتأثر عليا.

ياسين: طب بتتمطوح كدا ليه ما تثبت كدا.

عزيز: ياعم نا فايق متقلقش.

ياسين ببسمه: عزيز يا حبيبي خلي بالك عشان لو جهنم ظهرت النهاردة هتبقي ليله سواد علي الكل ماشي.

قالها وهو ينظر علي تايسون الذي يجلس بجانب فتاه ما تبتسم بسعادة حقيقيه وغرور وهي ترتدي فستان قصير وهو كل دقيقه يتأفأف متي ستظهر تلك المرأه؟؟؟

ومن بعيد كانت هي تبتسم بتفشي تجلس علي كرسي لا احد ابدا يستطيع رؤيتها وبسهوله بسيطه فهمت ما يدور حولها، كل هذا كان مجرد خطه منهم لاستدراجها الي هنا

وقفت وخرجت من المكان بأكمله وبعدها تدخل الي سيارة سوداء.

ليث وهو يشعل سيجارته: قولتلك مجرد فخ.

جهنم ببسمه: لحظات وصدقتهم فعلا، اذكياء.

ليث ببسمه خبيثه: بس مش اخبث مني.

جهنم: ناوي علي ايه.

ليث بمكر: هقولك.

قالها وهو يمسك هاتفه لتنظر له جهنم باستغراب ورفعه حاجب لا تفهم ما ينوي ان يفعل.

جهنم: بترن علي مين.

ليث: برن علي فؤاد.

جهنم: مش فؤاد دا اللي عزيز اداله ساعه ديفيرا عشان يصلحها.

ليث: ايوة هو.

جهنم: طب انت عايز منه ايه مش فاهمه برضو

ليث ببسمه: هنصلح الساعه وهخليه يدخلها ليهم جو.

جهنم بتفاجأ: دلوقتي؟؟؟ انت ناوي عاي ايه يا ليث بجد.

ليث بشر: اللي عايز يوصل لبنتي لازم يتمرمط لحد ما يوصلها، مش بنت الليث اللي اي حد يوصلها بسهوله كدا.
ــــــــــــــــــــــــــــــــــــــــــــــــــــــــــــ
في الداخل كان يجلس تايسون بتأفأف بجانب تلك الفتاه التي لا تتوقف عن اخذ الصور لهما او الرقص او التحرك.

تايسون بصداع: ما تبطلي فرك بقا يا بنتي.

ريماس: في ايه يا تيتو بس.

عزيز بضحك: تيتو ههه رد عليها يا تيتو قولها في ايه.

يايين بهمس: لو ديفيرا موجودة كانت خلصت خزنه سلاحها في دماغها.