نسل الابالسه

البارت التاسع عشر

يجلس ينظر لها فقط اشتاق بجنون لملامحها، بعدها عنه اشعره بالخواء وكأن لا حياه بعيدا عنه وهي كذلك فعلا، هي الحياه بالنسبه له، تنهد ورفع رأسه لتتقابل عينيه بعيون ذلك الذي يجلس بشرود كبير ينظر الي اللاشئ.

سادن:عرفت مكانها ازاي يا اسد.

انتبه له اسد لينظر له بشرود وأجاب:مش مهم ازاي المهم انها موجوده دلوقتي.

سادن بغل:الحيوان دا مش عارف انت سبته يمشي ليه ما كان ممكن نخلص عليه بسهوله.

اسد:عشان تقدر تكسب معاركك اثبت للي قدامك انك اضعف منه واقل منه في الذكاء واول ما يديك ضهره ويظهر الامان اطعنه واخلص منه، عشان يبقي ميت مقتول وكمان غبي ومكسور.

سادن باستغراب :طب انت ناوي علي ايه بالظبط عشان اكون فاهم.

اسد:ديفيد مش اول مره يإذي حد يخصني نا متأكد ولو اللي في دماغي طلع صح مش هرحمه.

اسد وهو يقف:نا هروح اشوف ديلان.

سادن:اسد لو سمحت بلاش عتاب ليث كان قاسي عليه جدا.

اسد:صراحه يا سادن انا شايف ان ليث مغلطش في الاول والاخر دا ابنه.

سادن باستنكار:واحنا من امتي بنعامل اولادنا كدا او بنوصل ليهم معلومه بالضرب او الزعيق انت مشوفتوش كان عامل ازاي،دا كان زي الثور.

اسد:لا صح لان مبرر ديلان ملهوش لازمه مش مبرر اصلا ديلان مكنش واثق فينا ودي في حد ذاتها كارثه ممكن تضيعه، ليث عمل كدا من خوفه علي ابنه ولو فاكر ان ليث بقي هادي بعد ما عمل اللي عمله دا تبقي غلطان ليث هيجيب اللي عمل كدا في ابنه ومش هيرحمه، ليث دلوقتي جبروته وقوته هما اللي بيحركوه، الغل متحكم بدماغه والانتقام لابنه عامي عينه عن اي حاجه تانيه ومحدش هيوقفه ونا معاه الصراحه.

تنهد سادن ونظر امامه بشرود ليتركه اسد ويتحرك بخطوات هادئة الي الجناح الخاص بحفيده ديلان، طرق علي الباب منتظر اذن الدخول ليسمع صوت ديلان يخبره بالدخول دخل بخطواته الهادئه ليجد ديلان يجلس علي سريره الوثير الذي كان يتشاركه مع اخته في بعض الاحيان اقترب ليجلس بجواره وهو يضع يده علي خصلات شعره الشقراء.

اسد:ايه يا ديو مش عايز تقعد معانا ولا ايه.

ابتسم ديلان بسمه لم تصل لعينيه وأجاب:مش عايز يا اسد.

اسد:مش عايز تقعد معانا طب ليه؟؟؟

ديلان بحزن:مش عايز او مش قادر،مش عايز اخرج ولا اتكلم ولا قادر اتكلم ولا عارف ازاي هرفع وشي في وش بابا واتكلم يا اسد.

لسد:ديلان يا حبيبي ليث ابوك في النهايه وبيحبك ويخاف عليك ويمكن الطريقه بتاعته كانت صعبه شوي...

ديلان:لا يا اسد الطريقه دي كانت الطريقه الصح بس نا فعلا مكنتش عارف اجي اقول ايه بكل قوتي ونفوذي وسيطرتي مقدرتش احميها!!!!! بعد كل تدريباتي ومعاناتي وتضحياتي في الاخر تروح مني بالطريقه دي.