زهرة الاقحوان Crisantemo

2

والله يا امي ما خليت ميكانيكي ما شاف العربية اي زول بقول كلام براه محتار ما عارف اعمل شنو ، الله بهون يا ولدي ، انت ما تشوف الفيس احتمال تلقى زول يدلك جربتا والله  ، دقائق ارد على المكالمة وارجع ليك ، أيوة يا شهود كيفك ياخ

شنو يا همام عامل فيها تقيل ما بترد من قبيل ، معقولة ياخ بس في موضوع شاغل بالي

، ما تقول لي تصميم بدلة ولا كرافتة ما جاية مع اللوك عشان ما ابلكك 🤣

لالا ياخ ما للدرجة دي ،

ها شنو احكي؟

والله يا شهد ما لقيت ميكانيكي لعربيتي

عادي ممكن تغيرها ما دايرة ليها ذكاء

،

انت  عارفة أنه العربية دي من ريحة ابوي ما بقدر اغيرها

شهد:خلاص متأسفين يا استاذ ، عندي ليك الحل ، ابو صحبتي معلم في الحاجات دي والله

همام: انت جادة

شهد:صدقني  ما حتلقى احسن منه ، دقيقة انا زاتي معاهم طوالي تعال ، ارسل ليك اللوكيشن بس ، مسافة الطريق بتلقاه جا

ما اعدمك يا شهود ياخ 💙

من متين الذوق وكدا ما اتعرفنا يا اخوي ، اقفل عايزة اتونس مع صحبتي ما فاضية ليك

همام:في امان الله طيب 💙

قلتي لي عمو محمد قال ليك تنزلي تتعلمي اللغة الإيطالية في المعهد  بتاعه واي من عمك دا جنتل جنتل ياخ  ، سلفيني ليه يا وانا😂😂

بري والله ما بخاطر بيه لكن ممكن عمتو سعاد أو مريم 😂😂،

الله يجازيك  يا وانا بدل تقولي لي بجمعكم بالحلال بس انت صحبة ما منك فايدة

كويس انك عارفة المعلومة دي يا شهود  😂😂

خلينا من دا يا وانا في زول قريبي جاي لابوك يشوف عربيتو ، مش عمو احمد بجي بعد دا؟

أيوة دا معادو يا شهد صحي النقوم نجهز الغدا لانه امي وبناتا مرقو لخالتو مها

خلاص ارح نمشي اصلا غرفتك دي كئيبة زاتا،😉😉

اجي يالاخت بعد كملتي ونستك حتى قلت كدا ، غلطانة انا عشان قلت ادخلك تشوفي تناسق الالوان دا وتشوفي الفن على أصوله بس اعمل شنو إذا الذوق زبالة 😂💔

زبالة في عينك في زول بعمل غرفتو لون بنفسج وكلها ورود مطقما مع اسمك ولا شنو 😂

يادي اسمي الي عامل بلاوي ، ارحموني يخوانا منكم ، شوفو موضوع غيري ، يكفي انه عاجبني😎

توالت الونسة وحضرنا الغدا اتغدينا مع بابا ، كالعادة انا بعمل البيتزا وشهد يشكروها بدلي ، لأنها قبل ما ارض الصفرة بتكون ورت ابوي المنيو التقول جرسون 😂😂