زهرة الاقحوان Crisantemo

12

فتحت تلفوني الصباح لقيت sms من شهد محتواها أنه هي حتمشي الشغل مع همام لأنها كانت بايتة معاهم قلت كويس عشان اتجاوز اسئلتها ، صبحت على ناس البيت بابتسامة مصطنعة عشان ما يحسو اني لسة بفكر في موضوع أمس بس للحقيقة ما راح عن بالي ثانية ، لبست بنطلون جينز وبلوزة بالاصفر وطرحة اسود باصفر وشوز اسود ، عملت ايلاينر وقلوس بس وطلعت ، وكالعادة صوت عبد الرحمن مسعد بخلق طاقة إيجابية بالنسبة لي ، عن كمية الراحة النفسية الحسيتا وبالزات سورة التوبة 💜💜💜 لوهلة نسيت الحاصل كلو وكأنه ربنا بطيب خاطري بيه

  كما قيل "بطريقة ما سيصـلح اللّه ما بداخلك ،يبني حطامك من جديد، يؤنس وحدتـك ، يُشافـي قلقـك ، يجبر كسـورك وبشكل ما ستشـعر أنك بخـير💜💜💜💜💜💜💜💜💜💜💜💜💜💜💜💜

سبحان الله وصلت الشركة بمعنويات فل ، لقيت شهد منتظراني في الرسبشن حضنتني بعد اطمنت علي كل وحدة مشت القسم بتاعا متأكدة انا صحبة زيها مستحيل ألقى ⁦💗

اليوم كان طويل ومرهق بس في النهاية الفستان كان تحفة على الموديل وميس ميادة وهمام لما شافوه انبهرو بالتعديلات العملناها بالجد نور مصممة ممتازة فرحت انه اتعرفت عليها لأنه حاستفيد منها كتير بعدو مشيت المشغل واتدربت مع خالتو زينب نص ساعة إنسانة طيبانة وعلى نياتها

بعد خلص الدوام طلعنا انا وشهد بعدو مشينا كافي برا الشركة شهد طلبت  وافل ودونات ونيسكافيه لينا بعداك ابتدأ الكلام الما بحبو

سامعاك يا وانة اتفضلي احكي

احكي شنو يا شهد ما انت شاهدة وعارفة الحصل

غايتو إنسانة كتومة خلاص عايزة تقنعيني انك ما بكيتي والموضوع ما فرق معاك !

كان فارق معاي والله بس اتجاوزت الحصل وقررت اي حاجة بتوجع قلبي ما اركز معاها واحاول اتفاداها

حلوو طيب دامك مقررة لزوم الحكي شنو

يا شهد انت عارفة معزتك عندي، وانا لو الموضوع ما كنسلتو كان حكيت ليك و شكيت وبكيت بس ما عندي نية افتحو تاني لأنه حقي اخدتو منها

يروحي  انا كل  همي انك ما تكتمي في قلبك عشان ما تأذي روحك بس هسة اطمنت عليك، وفعلا تستاهل لبنى وشها اتشوه بالكف 😂😂😂 صحي الايفون الجابو عمو محمد حصل ليه شئ😧

لالا اتطمني انكسر الاستيكر بس الحمد لله لأنه كنت حاموت 

معاك حق والله بقى بالشئ الفلاني دا غير أنه جابو عمك الكيوت 😍

من جانب آخر :-

انا كنت شاكي أنه يكون في كانسر للاسف شكي طلع في محلو ، بس انت في المنتصف ، كل ما اسرعنا في الكيماوي بتزيد نسبة الشفاء بس كله بيد الله

ونعم بالله يا دكتور بس هو سرطان في ياتو عضو

في المرئ يا عم احمد ، ممكن تكلم عيلتك ومن بكرة نبدأ الجلسات لأنه احتمال تحصل مضاعفات