زهرة الاقحوان Crisantemo

3

انت يا شهد صحبتك دي منفسنة ولا حاجة ؟

اجي يا همام مالك معاها ، والله قفلت فيني الباب من غير سبب ، قلت احتمال  سايكو أو عندها  شيزوفينيا

اخس عليك يا همام ، وانا طيوبة جدا ما بتعمل كدا الا لو انت استفزيتها 😉

وانا!!!!! دا اسم شنو كمان

غايتو يا همام اي حاجة بتعلق فيها البت اسمها اقحوان ، اسمها حلو زيها ، رأيك شنو اخطبها ليك 😎

نعم!! تخطبي مين لمين ، هو انطباعي الاول معاها كعب دا غير اسمها العجيب كمان ، مستحيل ننفع ما بعض انا واثق 😌

الايام بتثبت لينا يا همام بنشوف 🤣

بعدها همام رجع البيت شكر ابو اقحوان لأمه شديد وأنه رفض بتاتا يشيل  منه القروش بس  لأنه  قريب شهد صحبة بتو، خالتو رويدا عجبها موقف احمد شديد وقالت الا تزورهم في البيت غير أنه  دائما شهد بتحكي ليها عن اصالتهم وطيبة قلبهم 💜

في بيت ناس وانا الكل صحوا من الصباح عشان الطلعة بتاعت المزرعة ، وانا اتخلعت لما لقت جوري وامها شغالين في المطبخ بعملو حلا بانواع مختلفة ، والهول ملان مشروبات غازية ، سألت امها منهم ، قالت ليها بعدين بتعرفي ، دخلت غرفتها وعملت ماسك ومسكت تلفونها ، لقت الناس البعيدين من المزرعة طلعوا عشان يصلوا مع الزمن ، اساسا المزرعة في سوبا على البحر ، طبعا هم بيتهم في المعمورة قريب نص ساعة بتوصلهم ، اللمة باعتبارها يوم مفتوح ، الخريجين ما كانو عارفين أنه اهاليهم شالو ارقام بعض من يوم التخريج واتفقوا على المنيو بيناتهم ، هم متخيلين أنه لما يصلو هناك حتى يطلبوا من المطاعم القريبة للموقع

الساعة 11am كانو كل اهالي الخريجين حضور ، وانا كانت بتفتش عن صحباتها بعيونها ، لغاية ما لمحتهم وجرت عليهم ، طبعا سلامهم بالساعات ، (شوق كتير وهيك🤣)اتفاجأت لما سارة سلمت عليها باطراف أصابعها رغم لهفة وانا واشتياقها ، بس اتجاوزت الموضوع ، ومشت تسلم على باقي الدفعة ، طبعا الشباب كلهم اتفاجئو لما عرفوا اهاليهم قايمين باللمة دي كلها وفرحتهم كانت ظاهرة 💜💜💜💜

بس وانا مفاجئتها كانت غير بإطلالة همام ، وبقت عليها اتنين همام وسارة ، سارة طبيعي تهتم لامرها لأنها كانت صحبتها بس همام موقعه في حياتها شنو هي ما عارفة!

قررت تنشغل بالونسة والضحك وتحسم امر سارة بعدين ،  طبعا اي زول بشوف عيلة وانا بستغرب لأنه وانا الوحيدة اللونها اسمر 🤣، بس لما يدققو في الملامح بلاحظو الشبه 🤣🤣

شهد ولين ما خلو زول ما علقو فيه وانضمت ليهم وانا ما قصروا نهائي ، اما سارة اي مكان تمشيه وانا هي تقوم منه ، نظام ما عايزة تتكلم معاها

اللمة كانت حلوة بكل معنى الكلمة ، لأنه المكان  بارد ومطل على البحر ومزين زينة جميلة ، غير الاكل المعمول بحب وحلا ام وانا الي كل زول قال حيشيل منه ، انتهى اليوم الظابط دا وسط وعود انه لازم ينعاد 💜