زهرة الاقحوان Crisantemo

7

صباح العرس😍

صحينا من النوم بدري أو بالأصح ما نمنا  لقينا الشباب نضفو مكان الحنة بقينا نرتب في البيت  من ناحية الستائر ووالملايات وحاجات العقد ، لانه اصلا في الصالة لبسنا عبايات استقبال بألوان هادئة وميكب هادئ بعد شيكنا على كل الحاجات  ،فطرنا و عملت القهوة سريع عشان نمشي الكوفير  ، جوري حلفت الا تمشي معانا عشان تغير لون شعرها  شفع اخر زمن😂

كنا اصلا راسمين ايدينا، عملت شعري كيرلي مع لونه البني طلع فظيع وجوري عملته اشقر

الميكب ارتست مكيجتنا وظبطنا شعرنا ، بعداك رجعنا البيت عشان نتجهز ، لبست فستاني بتاع سعد قشرة الكان لونو اسود من فوق ضيق ومن تحت فاري  اكمامه دانتيل معاه هيلز بالاحمر ومنكير احمر واكسسري فضة ، شهود فستانا اصفر الهيلز لونه اسود عاملا شعرها كعكعة فوضوية معاها خصل ، اما جوري لابسة فستان اسود زيي وشعرها استريت ، وتين فستانا اصفر زي شهد ، وصلنا الصالة حضرنا العقد لايف بالجد لحظة مؤثرة جدا وقت ابو العروس ختا يدو في يد العريس مهاب دموعو نزلت ، عرفت أنه العروس اختارت راجل مستحيل يزعلها يوم 😍

بعد نص ساعة نادونا برا للزفة.، كويس أنه الكوفير قريب للصالة والا كنا ح نستنا زمن كتير ، فكرة همام أنه بوكيه الورد يكون عبارة عن الوان فستان البنات ،  سألنا من ألوان فساتينا انا وشهد ورؤى وسارة ولين

بحكم أنه ألوانا اسود ، اصفر ، زيتي ، بنفسج ، ازرق ، البوكيه كان عبارة عن لون فساتينا والوردة في النص لون كرفتة الاولاد الي هم همام ومؤيد اخوي الي كان قاشر قشرة  ما خليت تشغيلة ما شغلتها ليه  والثنائيات الباقين  أصحاب العريس

لما طلعنا برا لقينا الورود جاهزة همام بدأ يدي اي ولد البوكيه بتاعو ويوريه الشريكة بتاعتو عشان يدخلو مع بعض ، اداهم كلهم باقي واحد عندو افتكرت يكون بتاع العريس وأنه نساني كنت حادخل جوة بس ناداني ، حتخشي من غيري يا وانا

انا وانت يعني !

ما يكون عندك مانع بس

لالا ما مشكلة ارحكم طيب

ممكن يدك عشان ما افتشك تاني

مديت ليه يدي كنت متوترة شديد ، ما بحب اتعامل مع الجنس الآخر نهائيا

خلاص نحنا حنخش اخر ناس عشان توترك دا يختفئ

كان نفسي اقول ليه التوتر منك انت دا اكتفيت بهز راسي بس

بوكيه العريس كان ورود لونها ابيض في النص ورود لونهم ازرق

دخلو ثنائيات سارة ، منذر) ، شهد ، مؤيد  ) رؤى ، احمد) لين ، فواز ) انا ، همام )  رنا ، مهاب )

اابوكيه بتاعنا انا وهمام كان فيه ورود اسود في نصها ورد احمر ، عاينت لكرفتة همام كان لونها اسود استغربت اللون الأحمر دا جابو من وين وعرف كيف اني حألبس هيلز احمر ، اتذكرت أنه ديزاينر ما حيغلبو يعرف يعني