زهرة الاقحوان Crisantemo

11

وصلت البيت وريت ماما وبابا بخالتو رويدا قالو حيمشو المستشفى بعد المغرب

اتغديت واخدت لي غفوة بعدها ماما صحتني قالت إنهم طالعين اقفلي الباب وخلي بالك من اخواتك لأنه مؤيد ماشي معانا

اديت وتين اللبن وحلفت كان تنوم الا شلت ليها وصلة الشاحن حتى نامت ، اتونسنا انا وجوري بعداك مشت نامت شلت تلفوني واتونست مع شهد قالت لي قالو حيخرجوها بكرة المساء وهي هسة معاهم في المستشفى مشت مع امها

ناس ماما جو الساعة ١٠ ختيت ليهم العشاء وطوالي نمت

صحيت من النوم لقيت sms من شهد كاتبة فيها انها حتجي مع همام لأنها بيتت معاهم

صليت واتجهزت لبست فستان بيبي بلو مع شوز ابيض وطرحة ابيض وشنطة بنفس درجة الفستان شربت قهوتي واتشاكلت مع مؤيد لما خلاص غاظني شلت ايربودز بتاعتو  وجريت ركبت العربية جدعتها في الكرسي ، شغلت قرءان سورة إبراهيم بصوت عبد الرحمن مسعد يا جمال الصوت والهدوء والسكينة 💙💙💙

وصلت الشركة سلمت على الموظفين وكلهم كانوا بتكلمو عن خالتو رويدا

اتذكرت الرسمة والديدلاين بعد ٦ ساعات طوالي بديت ارسم كان عندي فكرة في رأسي قلت يا صابت يا خابت ، استغرقت ٣ ساعات من غير ما ارفع راسي على اي موظف الي كلهم مشغولين برسوماتهم بعداك لونت الرسمة قلت اسلمها ل ليلى بعد تجي

العد التنازلي قرب بعداك اتفاجأت بالساعات الرقمية معلقة في الحائط وميس  ليلى وهي بتقول 10 , 9 ,8 ,7 ,6 ,5 ,4 ,3 ,2 ,1

بعدها شالت الرسومات من كل الموظفين قالت حتراجعا في مكتبا 

ياداب اتنفسنا الصعداء واي واحد بدأ يسلم على التاني كنا في معركة مع الوقت 😂😂😂😂😂

عمار قال يجماعة دا توب شيف فرع همام 🤣🤣🤣🤣

نزلنا كلنا تحت الكافيه واتونسنا بعيدا عن الشغل وشفت الجانب المرح منهم

شفت شهد ياخ كأنه لي شهور ما شفتها ردت فيني الروح سلمت عليها وسألتها من خالتو رويدا قالت اتحسنت

على فكرة يا كرزتي  همام عزمنا كلنا للكرامة بتاعت امو بكرة

جد ! ربنا يتمم شفاءها وما تشوف شر يارب

اللهم امين يارب تسلمي يا كرزتي

انت اي جملة حتعقبيها ب كرزتي بعدين دا دلع جديد ولا شنو

اكتشفناه انا وهمام قلنا حناديك بيه تاني

ابعدو اسمي من دائرة اكتشافك انت وقشران بتاعك دا

بس انا بتاعي مؤيد ما قشران

ضحكت بأعلى صوت 🤣🤣🤣فجأة الناس كلهم قبلو علي اتحرجت جنس إحراج دائما شهد بتدخلني في فتيل 🤣🤣🤣💔💔