زهرة الاقحوان Crisantemo

19

صدقـني لو فقـدتَ ما فقـدت لو كسَّـر الحرمـان أضلاعـك ، ستجتـاز هذه الحيـاة كما لم تجتـزها من قبـل ، فاختـرِ الرضـا يهُـن عليـك العبـور ✨

بعد ١٢ ساعة في الجو ، حطت قدماي على مدينة لندن أرض الاحلام ، الجو كان شتوي ، اطرافي كانت بترجف من البرد ، لحسن الحظ لقيت مستر وليام وهنري منتظريني برا المطار ، سلموا علي وقالوا لي : تبدين اجمل واصغر من الصور 😍

شكرتهم ومشيت معاهم على اتجاه السيارة الي حتقودني الى مدينة أكسفورد الي وصلناها بعد ٣ ساعات لأنه الشوارع زحمة ، على طول الطريق كنت بتأمل المباني ، الكافيهات ، المطاعم ، الأزقة ، الأشجار ، كل شئ كان مبهر بطريقة لطيفة ، نزلت مع مستر هنري ووليام جامعة أكسفورد الي اتخلعت لما شفتها ، من أعرق الجامعات في العالم ، ليها حق تكون محط أنظار الناس 😍💜💜، عملت اجراءاتي وشلت جدول الدراسة وعنوان و مفتاح الشقة في الداخلية الي حأنزل فيها ، اديت العنوان لواحد من سواقين الجامعة وأبرزت ليه بطاقة المنحة ، نظرات الاحترام الي شفتها في عيونه حسستني بالعظمة 🙈💜💜، ودعت مستر هنري ووليام وشكرتهم ، وصلني السواق وقال لي : ممكن جدول الدراسة لأنه على اساسه حانسق معاك الزمن ، اديته ليه ، اصلا حأنزل بعد اسبوع ، دخلت المبنى العظيم دا وكنت على حافة الانهيار من التعب ، الرسبشن كانت عندها معلوماتي كلها ، وصلتني شقتي ، لما فتحتها اتفاجئت من المنظر ، كانت عبارة عن غرفة ومطبخ صغنن و هول صغير وحمام ، الارهب من كدا كان معلق استيكر صغير مكتوب فيه 

well come to chevening scholarship , beautiful lady Oqhowan Ahmed 🙈🙈💜💜

لما شفتها دموعي تلقائيا نزلوا،  حسيت دي اول خطوة في تحقيق الحلم ، غرفة النوم كانت مطلية بالبنفسج والابيض،  والسرير ناعم ومريح وعلى جنب كانت في طاولة دراسية بالابيض ، المطبخ كانت فيه اواني حلوة منسقة ، الصالة كان فيها طقم جلوس وسفرة فيها كرسيين ، كان في واي فاي بدون باسويرد ، فتحته وضربت مكالمة فيديو لناس البيت  ، هم فايتننا بساعة بس ، اتونست معاهم وفرجتهم على الشقة، بعدو قلت ليهم عايزة انوم لاني تعبانة قلت لو ما ضربت ليكم حتلحقوني هنا بالافكار السوداوية تبعكم 🤣🤣🤣🤣🤣 

كعادتي ما بقدر اتأقلم على حتة جديدة بسرعة ، بس التعب كان مسيطر غفيت من دون ما احس ، صحيت صليت الفجر وتاني واصلت نوم ، لغاية الساعة ٩ ، فتحت الشباك المطل على الشارع لقيت  الجو خرافي والناس كلهم بتريضوا، الحماس شالني ، كنت جايبة معاي لبسة رياضية لبستها ومعاها اسبورت ابيض ، وبوتل ونزلت تحت ، لقيت كم بت من المجمع بتاعنا نازلين برضو اتعرفت عليهم كانوا متحجبات زيي 😍، اتنين اماراتيات( نوفا ، ميرا ) ، وحدة تونسية اسمها كارمن ، اتواعدنا نتلاقى بعد ساعتين في البيدروم بتاع المجمع نشرب كوفي مع بعضينا ، اتلاقينا وابتدينا نحكي عن حياتنا وكدا ، كانوا ظريفين خالص بس برضو كنت ماخدة حذري منهم  حسب توصيات ماما، تخصصاتهم كانت مختلفة عني ، بس قالوا حيعرفوني بناس مجالي بعدين