زهرة الاقحوان Crisantemo

6

رجعنا انا وهمام مبسوطين سبحان مغير الاحوال ، الساعة ٤حنبدأ نزين طوالي عشان ما نتأخر يا وانا

طيب تمام

لقيت شهد جابت الفساتين طلعو حلوين شديد ،

اها أن شاءالله لقيتوالحاجات العايزنها يا وانا

كلو تمام حتتفاجئي بعدين 😍😍

اموت في المفاجئات انا 😉

طبعا لقيتهم منتظريني اعمل ليهم القهوة ، عاد اتعلى وما اتدلى انا ما عارفة من غيري كان حيعملو شنو  😌

بعد ظبطتها ليهم صليت العصر واتوجهت للحوش الورا الحيتعمل فيه الحنة ، لقيته اصلا نضيف وفيه نجيلة صناعية ومقاعد خشبية نظام بنابر وعنقريب العريس، لقيت همام نفخ البوالين هو وأصحابه وبدأ يزين بيها

لما المغرب اذن كان المكان جاهز الي هو سرير العريس مزين بورود لونها احمر واسود مفروش ملاية الجرتق لونها احمر  جنبه البنابر مرصوصة ومزينة بشرائط احمر واسود  ، قدام السرير مختوتة الصينية بتاعت الجرتق ذات اللون الاحمر فيها اواني فخارية لونها احمر واغطيتها بالاسود ، في نصها موجود صحن الحنة والشموع ، في صينية على جنب فيها الحاجات الجافة صحون لونها اسود فيها تسالي و فول سوداني ودوم ، لالوب ، قنقليز ، حلويات مشكلة و شوكلت وشيبس أي صحن مزين بورود لونها احمر ، في الجهة الأخرى في بوفيه مفتوح فيه فطائر ، مشروبات غازية ، اقاشي ، شاورما ، بيتزا ، فواكه وعصائر واخيرا التراث كاسات الرز باللبن الي كانت إضافة حقيقية لأنه كان معمول بطريقة عصرية إضافة لجوز الهند والفستق والفول السوداني الى خلوه رهيب شديد 💜💜

الاضاءه أضفت للمكان إطلالة جميلة ، انا وهمام بعد خلصنا الشغل اتبهرنا صراحة ،

ما خلينا زول يشوف المكان نهائي ، بعدها همام قالي خلاص امشي اجهزي يا ستهم ما قصرتي نهائي +طلعت مبدعة ما زي ما كنت متخيل😊

كنت متخيل اني افشل صح 😒

انت خليتي الكلام دا كله  وقبلتي على آخر كلمة 😂

رجعت تاني لحركاتك دي 😒

المهم انك اثبتي نفسك امشي ما تتأخري ، الشغل معاك كان رائع 😍

طبعا سكتني دخلت جوة وانا مبسوطة

ما شفتي يا شهد  الحوش بقى رهيب كيف

الحوش ولا همام البقى رهيب انت قايلاني ما جايبة خبر ،

كل القصة أنه صرنا أصحاب ما يروح بالك لبعيد

أصحاب ياعينيا طيب بكرة نشوف

المهم تعالي شوفي هدية مهاب والله عزانا عزة

هدية ومهاب ما يكون اخوك داير يموت الحقيه يا شهد يورينا قروشو وين 😂😂

حتى انا ما صدقت والله