زهرة الاقحوان Crisantemo

13

اهـدِنا الصراط المستقيم ، لأن الطـرق اختلطت وتشابهـت ، والاحلام تشوهـت ، والعزائم فتـرت، والقلوب زاغـت، والرؤى غائمـة، والبصيرة ضعيفـة ، والحق والباطل امتزجـا، وصِرنـا حيارى ضِعافـا .. ننوى الخير وقلّمـا نفعله ، ونفعل الشـر وإن كُنا لا ننويـه، تائهـون دون هُداك يا اللّٰه فاهدِنا الصراط المستقيـم✨✨

صحيت بصوت مسج في الايميل بتاعي مكتوب فيها اكتوبر الوردي، تلقائيا عرفتهم  ناس مبادرة إطمّني للتوعية بسرطان الثدي ، دقيقة انا كيف نسيت أنه شهر أكتوبر مخصص للتوعية بسرطان الثدي، ما رديت على الرسائل لأنه زمن الدوام قرب ، عملت الروتين المعتاد وطلعت لشهد ، اتحركنا ورجعنا لونستنا الي كنت مفتقداها جدا ، اليوم كان ضاغط شديد لأنه قضيناه كله في المشغل،  وأنواع القماش تشيب الراس،  بعدين يجي واحد راسه مربع يقول دا هسا تصميم ليكم !! النوعية دي مفروض تلبس شوال ما ملابس 🌚🌚

نهاية اليوم جونا همام وليلى قالو في مسابقة تصميم فستان لمدة ٤ ايام، الفائز حيحضر run way لأزياء مصممين مشاهير من ضمنهم همام،  حيكون في ايطاليا 😍😍😍

واي من الحماس 🔥🔥🔥 بس ليلى خربت لينا الفرحة ، لما قالت حتشتغلو تصميم يومين بس،  ولازم الفستان يكون لونه اسود،  الطول  اختياري،  بس ادخال اللون البرتقالي والأخضر والأزرق  اجباري !!!!

هي الالوان دي مستحيل تتلبس مع بعض،  كيف فستان واحد يجمع اللالوان دي؟!!!

كدا أصبح الفوز سراب بالنسبة لي بس قلت اعمل العلي 💔💔

الشركة كلها كانت بتتكلم عن المسابقة،    رجعت البيت منهكة شديد،   جاتني رسالة في الايميل لقيتهم محددين زمن المسابقة من صباح بكرة الساعة ٩ ، وعاملين poll فيه اشارك أو لا اشارك

لما صوتا على المشاركة لقيت المصوتين ٣٠٠شخص ،  اتحمست جدا عشان اشوف افكار المصممين بعدين،  وزاد حماسي لما شهد قررت تشارك مع كرهها الشديد للتصميم،  بس النصيحة ايطاليا تستاهل  المعافرة 😍💜💜

رجعت البيت لقيت بابا وماما وعمتو مريم قلت اللهم اجعله خير ، عمتو مريم قامت على حيلها وسلمت علي ولا كأنها قالت الكلام السئ داك ، سلمت عليها ببرود عشان  خاطر بابا بس،  لو وحدة تانية كنت طردتها لأنه انا ما بقدر انافق ، لو شايلة في قلبي من زول بكون ظاهر علي

سألتني من الشغل ردي كان بآخر نفس عايزة اعرف سبب مجيئها بأي طريقة،  بعدو فتحو مواضيع جانبية طوالي قمت ، مستحيل عمتو تجي زيارة ودية لازم اعرف السبب 🌚

لقيت جوري جهزت ليها عصير سألتها من سبب زيارة عمتو قالت ما عارفة

غفيت من غير ما اشعر ، صحيت بصوت ماما قومي يالعروس !!اتخلعت شديد،  قالت لي لو عايزة تعرفي باقي التفاصيل انا وابوك في الهول ، الليلة يعني الموضوع جدي 😯