زهرة الاقحوان Crisantemo

20

يسوق اللّٰه لك أحداً من أقصى الارض فيجمع بينكما من غير  سابق معرفة ولا معياد، ثم يقضي حاجتك على يديه

وأنت الذي لو طُفـتَ الأرض شرقاً وغرباً ما كنت تدري بمن تنزل حاجتك...

انها ألطاف الله التي يُدبرُك بها من حيث لا تشعر فاطمئن دائماً✨

-الشعراوي*

صحيت بمكالمة دولية من عمو محمد ، اتدوشت ورجعت ليه ، بعد السلام والسؤال عن الحال ، قال لي: والله يا وانة همام دا اتقدم ليك وانا وامك ومؤيد موافقين عليه، بس الرأي رأيك وانا حسب خبرتي ومعرفتي بلغة الجسد والعيون، انكم منسجمين مع بعض واكيد انتي موافقة صح ؟!😂😂

على قد ما كنت مخلوعة من تصرف همام المفاجئ على قد ما كنت مبسوطة شديد ، بس من جواتي كنت متخوفة من الجاي، عمو محمد بعدها قال لي:  مفروض تستخيري اول بعدها ورينا قرارك بس لازم تتذكري أنه البوقف معاك من قبل مايكون بيناتكم رابط ، تخيلي الحياة معاه بعد تكوين الرابط الحقيقي💜

ضربت لشهد عشان افهم منها الحاصل، قالت لي: همام خلى لبنى من زمان ، ما عرفنا السبب شنو ، وخالتو رويدا اكتر وحدة فرحانة بقرار همام لمعلوميتك يعني😍

قلت ليها: دائما بتفهميني حبيبي يااخ

غايتو يا وانة انا مصاحباك قريب ١٥ سنة ما حصل قلتي لي بحبك، ما كنت قايلة الحب عندو عدوة فعلية 🤣🤣🤣

ما عاوزة اخرب مودي ، عشان كدا ما ح أرد عليك ، بس اكيد ما حأنكر اني مشيت معاك كل الخطاوي الممكنة 🙈🙈🙈

مشيت الجامعة بمزاج عالي ، صحباتي ما خلوني الا حكيت ليهم ، انبسطوا لي جدا ، اساسا هم كان عندهم خلفية عن الموضوع، كان عندنا تسليمات، بعدها طلعنا لجامعة كامبردج الي عندنا فيها سشن عن اللاقمشة ، الاحلى مافي الموضوع الاغاني الحماسية والكواريك في الباص ، حقيقي كامبردج بقاعاتها وطلابها ودكاترتها وبيئتها تبهر الواحد ، النفسيات كانت في السماء ، التوثيق اهم حاجة بالنسبة لينا ، السشن كان في قاعة مؤتمرات بعد انتهينا  اتفاجئنا ببرسنتيشن درجاتنا ، ماهو ما ممكن درجات شغلنا على التصميم تتعرض على العالم كله 🤣🤣، بتوفيق من الله اسمي اتصدر القائمة ، اصحابي صرخوا اكتر مني، الاسلايد كان فيه لوحتي واسمي جنبها ، بعدها وزعوا لينا شوكلت ومشروب بارد ،  وطلبوا مني اطلع الاستيج ، اتفاجئت بمديرة جامعتنا معاها اللوحتين بتاعيني وهي بتقول: لقد تعرضت اقحوان للسرقة قبل الديدلاين مما اضطرها الى اعداد لوحة جديدة ، لحسن حظها أن صاحب السارق أخبرني كل ما جرى ، اقحوان أمامنا اليوم ومتصدرة القائمة ليس لأنها صاحبة لوحتين أو تعرضت للسرقة ، بل لانها إنسانة طموحة وواثقة من نفسها ، كلا اللوحتين مصممتين بطريقة مبهرة ،

I sure will be a great designer in the world 🙈🙈🙈

"وتظُـن من فرط لُطفـه بك أنك عبده الوحيد "💜💜💜