زهرة الاقحوان Crisantemo

17

يعيـش الإنسـان وهو كاتـم بقلبـه ثلاثـة أربـاع خيباتـه وحزنـه و يأسـه وبؤسـه ومأساتـه..... وينفجـر اذا وقعـت قهوتـه من يـده.

احمد توفيق *

حاولت قد ما اقدر اتجاوز الحصل، عشان كدا اخترت اواصل في العمل الطوعي، الي وقفته من سنتين ، فتشت القروبات بتاعت المنظمات الحمد لله لقيتهم ما طلعوني ، بقيت كل ما ارجع من الشركة امشي اجتماعات المنظمات ، كنا شغالين في مشروع كسوة شتاء للأيتام وبعده كان في احتفال باليوم العالمي للسرطان في استراحة جوانا امل ، عن كمية الحزن الاتملكني لما شفت الاطفال رغم الصعاب والوجع البحسوا بيه ، بفرحوا لما الناس يزوروهم وهم جايبين ليهم شوية شوكلت أو بوالين ، رغم بساطة الاشياء دي بس بتعني ليهم كتيير ، القناعة العندهم احنا الكبار فاقدنها،  حمدت الله على نعمة العافية واتمنيت ليهم عاجل الشفاء ،  دموعي نزلت بدون ما اشعر ، اتفاجأت بواحدة من الأطفال بتمسح لي دموعي وهي بتمد لي باونتي وقالت لي : ممكن يا خالتو ما تبكي لأنه انتي حلوة والبكاء للاشرار بس ، ضحكت على كلامها وحضنتها بالجد الاطفال ديل ملائكة الرحمة زي ما بقولوا ليهم،  اقل شعور بحسوا بيه 😭💜💜💜

طلعت بمود تاني من الحتة دي، صحيح أنه جليس الاطفال لا يتعب 💜، بقيت كل ما ألقى فرصة بمشي ليهم ، اتعودت عليهم جدا بقوا أسرتي التانية 😍😍

لقيت مكالمة من شهد رجعت ليها قالت لي: وانة جاتك مكالمة من رقم غريب؟

ياداب فتحت تلفوني بس ما كان في مسد كول الا منك انت وهمام خير في حاجة ؟

هو  في  الحقيقة   لبنى وهمام كان المفروض يحددوا يوم لكتب الكتاب بتاعهم يوم وفاة ابوك ، بس لما همام عرف بالخبر جا عليكم،  واهو للان ما فاتح لبنى بالموضوع،  وهي طبعا جن جنونها وقالت انتي السبب،  وألفت سيناريوهات من عندها ،  أنه همام عينو عليك عشان كدا أجل الزواج،  وانتي عارفة باقي أمور البنات ، عشان كدا اي رقم غريب يضرب ليك ما تردي عليه ، تفادياً لوجع  الرأس من الكائنة دي

والله صدعتي بي يا شهد ، خليها تضرب عشان ازفتها معاها ، هي قايلة نفسها منو اصلا ، شكلو الكف بتاع المرة الفاتت ما كفاها 🤣🤣

لا عذر لمن انذر يا وانة ، احسن تسمعي كلامي والله

خلاص يا شهد انا بعرف اتصرف شكرا ليك

فتحت تلفوني لقيت رسائل من رقم غريب اول ما قريت الرسالة انفقعت بالضحك كانت كاتبة فيها : يا خطافة الرجال، انا من اول يوم ما ارتحت ليك  🤣🤣🤣🤣🤣

طوالي عملت ليها بلوك ما ناقصة جهل شفع انا 😪، شكله البلوك حرقها بقت تضرب لي بأرقام كتيرة  ولا اترددت وبلكتهم كلهم  😒😒

لقيت همام مرسل لي في الايميل طريقة تقديم لمنحة تشيفننغ البريطانية لدراسة الماجستير