زهرة الاقحوان Crisantemo

8

جات شهد داخلة شافت عيوني مورمة من البكاء ، اترميت في حضنها ومافشلت في مواساتي ابدا ، بديت احكي ليها عن شعور الخيبة وأنه جد ما قادرة اصدق أنه خسرت ،دا كان طرف الخيط لحلمي الكبير في أنه الاقي إلي صعب وعفاف بس خلاص الحلم اصبح سراب 😔💔💔💔

انت عارفة يا وانا أنه من ترك شيئا لله عوضه خيرا منه ، دا قضاء وقدر واكيد الخير حتلقيه قدام بس لازم تصبري عشان تلقي العوض ، الشيطان شاطر ما تخليه يلعب بيك ، هسا قومي صلي ركعتين وخلي الخسارة تكون بداية لحلم جديد عشاني يا وانا

عملت القالتو لي ، ما خليت دعاء ما دعيتو في سجودي ، عسى ولعل أن يهدأ قلبي ، ودعيت لشهد برضو لأنه ما عارفة بدونا كان حاكون كيف

طبعا شهد من يوما ما بتحب التصميم كانت مكتفية بالرسم ، عندها مرسم بتقضي فيه كل وقتها

ودعت شهد بعد تحانيس ووصايا كتير منها ، قبل ما اصل البيت مشيت شارع النيل ، قعدت قرابة الساعتين بتأمل في النيل والقهوة في يدي

معقولة لكن القهوة دي بقت عصير ياخ

أتلفت لقيتو دا همام ، ما اتفاجأت من جيتو اصلا شهد بتكون حكت ليك

جاي تشمت أو تواسي يا استاذ

شماتة ايه معاذ الله ، في زول بشمت في صحبتو

كل الحكاية أنه الخير لقدام ما هنا بس 💜

اليدو في النار ما زي الموية يا همام ، زول موفق في حياتو المهنية زيك مستحيل يكون جرب شعور زي دا

بتعرفي شنو عني عشان تقولي الكلام دا ، انا  حاولت ٤ مرات وفشلت بس ما استسلمت ابدا من اول مرة زيك ، اتعلمت من اخطائي لغاية ما بقيت همام القدامك دا ، المشوار طويل وقد يكون النفق مظلم بس لابد يكون في ضوء آخره ، انت بيدك البتقرري  تمشي في الطريق دا ولا لأ ، بس تعرفي رغم طولة لسانك والنرجسية تبعك انا واثق انه حتكوني إضافة حقيقية في مجال التصميم ومؤثرة في مجتمعك كمان

نرجسية ولساني طويل قولت لي 😒

عيبك انك بتركزي على كلمتين وبتخلي باقي الكلام 😂

ما علينا ناس البيت منتظرنك قالو تلفونك مقفول نمشي ؟

معاي عربيتي يسلمو

طيب في امان الله ، ممكن تفكري في كلامي تاني وانا حاكون منتظرك في المشغل بتاعي اوك😊

حاضر شكرا ليك شديد 💜

وصلت البيت قبل ادخل اتلاقيت مع ماما في الشارع ، وانا ممكن تمشي المشتل بتاعي ضروري لأنه ظهر لي موضوع فجأة عارفاك تعبانة بس عشان خاطري

حاضر يا ماما بس ممكن اعرف الحاصل شنو

بعدين بوريك شيلي lunch box دا وبعد المغرب تعالي البيت طيب ما تنسي تنظفي المشتل وتسقي الزهور لأنه الليلة ما مشيت نهائي