زهرة الاقحوان Crisantemo

18

"أتساءل أحيـاناً كيف سيـكون ذلك العـوض الذي ينسيني سنوات البـكاء وكأني لم أبـكـ يوماً ؟! كيف سيختـفي جرحاً كنت أتحسـسه حـتى أجد مكانـه زهـرة أنبتـت من مطـر جـبر اللّه لي "

السيرتونين والادرينالين ما خلوني انوم ، كنت منتظرة التقديم يفتح بفارق الصبر ، عدت الايام وأتى اليوم المنتظر ، فتحنا الموقع بتاع المنحة في لابتوب مؤيد كنا قاعدين كلنا في الصالة معانا همام ، جاوبنا على الأسئلة ، كان من ضمنها ترشيح ٣ جامعات مميزة للطالب عشان يتم الاختيار ، اخترنا اكسفورد نمبر ١ بعدها امبريال و كامبردج ، كنت بجاوب على الأسئلة بشغف ولهفة

، عرفنا أنه النتيجة حتطلع بعد شهر حتترسل في الايميل ، انتظرنا الشهر بفارق الصبر،  تاني قالوا لسة بعد اسبوع حيعلنوا النتيجة (زي مرمطة نتيجة الشهادة السودانية 😒)

طلعت على الدوام اليوم كان ضاغط شديد، شهد تلفونا كان قافل كهرباء وعندها شغل بالتلفون، اديتها تلفوني تشتغل بيه ، من دون الايام كنت كل ما اخلص شغل همام يجيب لي اوراق تصميم يقول لي راجعيها ،  قربت اخنقه لمن صدعتا قلت تاني لو جا داخل حأرميهم في وشو بس ما جا تاني 🤣🤣🤣

شهد جابت لي تلفوني قافل بعدها قالت لي : ام سوري والله تلفونك طفى + انا ماشة لناس رغد مع همام يبدو انك حترجعي براك البيت ، رجعت البيت وانا ما شايفة قدامي من التعب ، لقيت البيت هادئ ، طوالي طلعت غرفتي ونمت ، صحيت بصوت مؤيد قال لي : ناس البيت مجتمعين عند ناس خالتو لمى في بيت العيلة لأنه عمو محمد ولموية جو من السفر ، طوالي نطيت من السرير وانا بصرخ عادوا الغوالي المنتظرين 🔥🔥

مؤيد قال لي: بالمناسبة الحلوة دي حتلبسي على ذوقي الليلة ايه رأيك

ورينا فنياتك يا مستر يلا 🤣🤣

طلع لي بنطلون ابيض فيه ورود بالبنفسج وهاي نيك بنفسج فاتح ، توربان ابيض وشنطة فيها اللونين وشوز عاليه بالابيض  معاها رينق بنفسج ، عملت ميكب خفيف ولبست الاوت فيت طلعت مع ايودي  ، قال لي : حأكلم همام يشغلني معاكم شايفة الذوق اللبسي دا 🤣🤣

اسمها حلوة الشماعة يا بيب 😌🔥

حمر لي طوالي سكت ما ناقصة شحطة في الشارع باللوك الرهيب دا 😴

وصلنا لقينا الكل مجتمعين ، سلمت على العرسان بشوق ، اتونسنا لما خلاص اجتمعنا على السفرة الجرس ضرب اتفاجئت بشهود وهمام ، عمو أصر عليهم يقعدوا معانا ، ماما قالت لي : اطلعي فوق يا وانة شوفي صينية  البيتزا  نسيتها في الفرن

طلعت المطبخ الفوق ما لقيت اي صينية في الفرن ، اخدت زمن وانا بفتش في الرفوف عسى ولعل في زول فضاها في بوكس،  بس  ما لقيت ، نزلت تحت اتفاجئت بمنظر السفرة،  كانت مزينة بالورود والشموع وفي نصها في زي لوحة مقلوبة ، استغربت الحاصل ، لما شافوني نزلت كلهم صفقوا اتهجمت شديد ، ماما حضنتني وقالت : فخورة بيك شديد انا وابوك زاتو حيكون فخور بيك ،   توالت التبريكات والإعجاب بي،  وسط الدراما الحاصلة دي انا ما كنت فاهمة شئ ، عمو محمد اخيرا نطق : يا جماعة براحة على البت خلعتوها ، مد لي اللوحة كان مكتوب فيها