زهرة الاقحوان Crisantemo

4

صحيت بصوت خالتو لمى ، سلمت عليها  ، قالت لي بعد تدوشي شوفي الكيس دا ، طلعت من الحمام فتحت الكيس لقيت فيه فستان بنفسج  نص كم سادة فيه فيونكة في النص ، معاه شبشب فيه فيونكة  لونه بيج واكسسري بالفضي وطوق رفيع ، طبعا انبسطت شديد شديد ، خالتو لمى إنسانة مذوقة بكل معنى الكلمة ، نزلت تحت وانا مبسوطة لقيتها بتلف في السامبوسة

إن شاء الله الهدية عجبت الديزاينر بتاعتنا

حبيبتي يا لموية اكيد عجبتني ، يخليك لي يارب 💜💜💜💜

ممكن تلبسيهم هسا

مين يعصى امرك ، امرك يا حلو💜

الليلة المعنويات فل قلتي لي 🤣

امشي سلمي على الباقين بعدين بنواصل كلامنا

لقيت خالتو مها وجنات وعيالهم سلمت عليهم ، بعدها جات داخلة شهود تنبح من الباب 🤣🤣

نضفنا البيت بقى يلمع وطلعت الشفع برا في الحديقة أولهم وتين ، ما ناقصين جوطة احنا ، لبست اوت فيت خالتو لمى ، وشهد  عملت لي ميكب خفيف ، اتصورنا بعدها نزلنا تحت ، اي زول بعلق على اللوك والإطلالة النهائية طبعا شعري لونه كركداوي (على قول وتين شعرك الاحمر دا 🤣)

بعد شوية جو داخلين عماتي واولادهم  وعمو محمد 

اي زول بجي داخل بكون شايل هدية لما احترت الهول اتملا بالهدايا

ماما نادت مؤيد يدخلا غرفتي ،طبعا هو شم الوضع شديد 🤣🤣

(يعني اشيلها انا مثلا وانا ست الكرامة) 😌

طبعا سماح ما زحت من جنب مؤيد ، اي مكان يمشيه هي وراه عملتها ظاهرة 🤣

شهد نبذتها جنس نبذ لمن فترت 🤣

بعد الفطور خالتو لمى وسماح كانو بجهزو في القهوة والاكسسري بتاعتها ،النصيحة ظبطوها بس شهد قالت كعبة (الاخت غيرانة🤣🤣)

غايتو يا شهد القهوة دي اظبط من البتعمليها انا ما عارفة ليه ما عجبتك 😎

كلمة تانية يا وانا بدفق فيك الفنجان دا 😠

ريلاكس يا بيبي ما قدر دا لكن 🤣🤣

لين جات داخلة مع القهوة وقعدت تشكر فيها وشهد خلاص ما فضل ليها الا تكفتنا 🤣🤣

بعداك لمينا عدة القهوة وعماتي حلفن الا يرصو الغداء براهن لأنه خالاتي رصو الفطور

(عاد ما اتعرفنا لكن 🤣)

الليلة يوم الصدمات العالمي شكلو 😉

بعد الغداء ، جات الشغالة تغسل العدة والضيوف خلاص بدو يمشو واي زول بجي يسلم علي ويبارك لي التخريج ويديني هدية ، طبعا بابا ناداني عشان اسلم على الرجال شلت طرحتي وجريت طبعا الرجال كتار شديد ، لمن يدي وجعتني ، اتفاجأت لما همام سلم علي اكيد  حيكون عزموا بابا😒 ،  وكمان قال لي لو احتجت لأي حاجة انا موجود لاني ديزاينر برضو 😒، الكلام دا قدام بابا عشان كدا ما قدرت احرجو