عثرات

" العَـثره الرابعة "

لـتنسوني مـن تصويتـكم + تعليقاتـكم + رأيكـم بالبارتـوت عَـثراتي ♥
٭

٭

" هديـه الأسـدي "

٭

٭

" عزة النفس هي أن تتقمص دور المكتفي بأي شيء وأنت فى أمس الحاجة لكلّ شيء "

~~~~~♪~~~~~♪~~~~~

_ راح ادفعلچ دفعه اولى ومن شهر اليجي تستلمين راتب شهري ان شاء الله

لُبنا _ علي ماعرف شلون اشكرك ماتعرف شگد اني محتاجة هذا الشغل وفرحانة بي كُلش

علي _ احنا اصدقاء ماكو بينا شكراً ، اني فرحان اكثر لان دعمچ الي بالموضوع هو الدافع الاكبر حتى استمر . اريد اطلب منج طلب اذا ماكو زحمه

لُبنا _ اكيد تفضل

علي _ تعرفين أسامة صديقي الي دائماً وياي بالجامعة ؟

لُبنا _ اي هذا الصاك شبي هههههههه

علي _ اني احچي جد مو شقة لُبنا صديقي راح يجي يشتغل وياي طبعاً صديقي ماتعرفينه ، لذلك اذا بيوم حاول يحچي او يتقرب منچ الي اريده منچ ابد متنطي وجه هذا طلبي واتمنى ماترديني

لُبنا _ تنهدت لان ماعرف شبي يعني واذا حجة وياي ! ' ماشي تدلل اصلا انا ما اعرفه فخلاص '

علي _ جيد يلا اوصلچ للبيت من باچر يبلش دوامچ دكتورة لُبنا

لُبنا _ رفعت اكتافي وباوعتله بغرور ' احم يلا امشي واري وصلني '

علي _ ههههههههههههه يلوگلچ الغرور

لُبنا _ ههههههههه اعرف

وصلني للبيت استقبلتني نبع الحنان

الام _ ها يمة بشري شصار

لُبنا _ رحت حضنتها وبقيت ادور بيها بنص المطبخ ' لچ يوومم بنتچ دكتورة دسمعيني يوووووووم '

الام _ ههههه اي بنيتي اسمعج بعد گلبي بنيتي ربي يوفقچ وينور دربچ ويبعد عنچ اولاد الحرام

لُبنا _ يعمري انتِ يـ ست الكل ، يلا اروح اخذ شاور وانزل اساعدچ

الام _ ماعندي شي بس ننتضر ابوچ حتى نصب الغده

لُبنا _ اوكي هسه طيارة اسبح واجي

صعدت لغرفتي وسديت الباب وسندت ظهري علية وتسللت دمعة هاربه رغماً عني ، الكل يشوفني انسانة مرحة وبشوشه بس محد يعرف شنو بداخلي محد يعرف بشنو مريت ولا شنو عانيت ، محد يعرف شلون خلصت خمس سنوات من عمري بالجامعة شلون چنت ابخل على نفسي حتى بطل المي حتى اوفر فللوس الملازم واحتياجات الكلية ، ابوي رجال بسيط على گد حالة معاق اعاقة ولادية مايگدر يشتغل ، امي اااااه يا امي مرأة اقل ما يقال عنها فقيييره ، امي لوحيده لاهلها بسبب انو بيبيتي چانت مريضة قلب متگدر تخلف وهذا المرض وراثي فـ امي ورثته منها ومگدرت تخلف بس اني وصلت بيه للموت .