عثرات

" العَـثره الثلاثـون والأخيـره "

لـ تنس
وني من تصويتكم + تعليقاتكم + رأيكم
لان يهمني كلش
يـ حيل حيلي
♥
٭
٭
" هديـه الأسـدي"
٭
٭
"ليس بالضرورة ان تكون الاشياء العميقة معقدة ولا ان تكون الاشياء البسيطة ساذجة ، ان الانحياز الفني الحقيقي هو كيف يستطيع الانسان ان يقول الشيء العميق ببساطة"

_____________________________

" لُبنا "

ضغوطات الحياة ومواقفها الصعبه
عباره عن اختبارات النه
القوي راح يصمد ويجتازها
والضعيف من اول موقف يخذل
نفسه !

مَرت عليه هواي سوالف وضغط بس
چنت واثقه من الله ثم نفسي
ان اني مغلطانه ولا گاعد اسوي شي غلط
اذا چنت مظلومه الله وياي وهو ياخذ حقي
هشي چان كلش يريحني
من اسولف ويا عقلي الباطني بي ان اني
انسانه بحالي أأدي فروضي ،
اطيع الله ، اعرف اصول ديني
ملتزمه بـ حجابي ، بـ صلاتي
اعرف ربي ونبي وامامي وامشي على
منهجهم ودائماً انتخي بيهم معقوله يخيبوني ؟
حاشى الهم

بتسمت براحه من بعد الصداع النفسي
الي يكأب حياتي من ابقى افكر بأمور خارج
نطاق حياتتي
ذكرت خنجر ، ممكن هو التعويض الألاهي
الي دوم الناس تدعيلي الله يعوضني

ممكن خنجر هو العوض الي اني چنت انتضره
ممكن چنت متخيلته غير
بس الله عوضني بي ، واكيد ماكو احلى
وافضل من عوض الله

دوم نسمع جملة ' المره مالها غير بيت
رجلها '
چنت انتقدها كلش شنو رجال
وشنو المره مالها غيره
المره مجتمع ، مره تربي جيل
مره تخرج اجيال
متگدر تعيش بدون رجال !!
شنو هذا المنطق التعبان !
شنو التفكير الجاهل هذا ، المره تدرس
وشهادتها وراتبها وبعد محد لا رجل ولا غيره

بس !! ثبتتلي الحياة كلامي خطأ
الرجل هو قوة المره
المره لو الأب ما كبرت
المره لو ما اخ محد يسندها
المره لو ما زوج تبقى بدون أهل !!!!
نعم الزوج هو العائله الثانيه
المرأه من تتزوج وتكون أسره وعائله
راح يكون الها أهل هيه كونتهم

وخنجر هو صار اهلي
سندني مثل اخوي الي چنت دوم اتمنى
يصير عندي أخ
چان زوج ونعم منه ، صار بمثابة أبوي
وأمي وأختي وكلشي

واهم شي انطاني شي تحلم بي
كل انسانه وتحب تجربه وتعيش شعوره
وهو الأمومه
خنجر زرع حُبه بداخلي على شكل
ثمره تكبر بأحشائي ويوم من الايام راح
تكون هاي الثمره هيه نتيجة العوض

قطع موجة افكاري دلهم

دلهم : ها وين صافنه