عثرات

" العَـثره الرابـع والعشـرون "

لـ تنسوني من تصويتكـم + تعليقاتكـم + رأيكـم
لان يهمني كلش
يـ حيل حيلي
♥
٭
٭
" هديـه الأسـدي "
٭
٭
صَفنات وجمُر عِلى الأيّد
ونلَف الحِزن مَثل الجگايّر لَف

_____↓________↓__________↓_________

" لُبنا "

من بعد الموضوع الي حچه بي خنجر ويا اهله
وشفت ردت فعلهم
عتزلت عنهم أكلي ، گعدتي كلشي وحدي
واذا صادف وطلعت وهنه موجودات لازم يسمعني
حچي
سرى خلت دوبها من دوبي لو تسمعني حچي
ولا تخليني گح.... لا بر..... لا سا......
لا ام الز.....
كل كلمه تجي على بالها تحچيها
لو تخبث وصلت بيها ملابسنا الي اغسلهن
واشرهن بطلاع الروح
اجي والگاها شامرتهن بالسطح وكلهن طين
وارجع اغسل من جديد
حملي صار ثگيل وگوا اتحرك وهاي سوي
هيچ بيه روحي تحترگ من القهر
خنجر يطلع من الصبح لليل شغل ومن يجي
ما احچي ويا شي
لان هو تعبان اني مو ازيد همه
ابقى اقهر بنفسي واسكت واسكت واسكت
الى ان فاض الصبر والسكوت بقى يكتم على گلبي

چنت گاعده اسوي چاي اريد اتريگ
وبطني واصله لخشمي بعد سبوع وادخل بشهري
ولتعب ماكل نص حيلي
واريد انضف لان مثل ما گاعده وياهن انضف
وياهن
هنه مايقدرن تعبي من الحمل بالعكس
يوم الي تنضيف عليه لبيت يصير هوسه
چنت حتى حمويني اغسل ملابسهم وياي
وما اهتم اگول خواني ويفيدوني ويوگفون وياي
بس طلعت غلطانه والكل صار ضدي

خليت القوري على الطباخ ورحت اطلع لملابس
الوصخه حتى اغسلهن
خليتهن بالحمام ورجعت للقوري شفتها تشرب
چاي گلت مو مشكله عادي
ولو هيه من يسون شي حتى لو يبقى منه يشمرنه
بالزبل خاف اني اكل منه
اني محچيت غلست
رحت اريد اصب چاي واشوف لقوري فارغ
هو مو مال يخلص من اول گلاص اني مسويه
هوايي سألتها

لُبنا : الچايي وين راح ؟

سرى : ذبيته بالمجاري

هي گالت هيچ اني شطت گبيت عليها

لُبنا : وانتِ منو منطيچ أذن تذبي
اني مسويته واجيتي شربتي
تشمريه ليش بيچ مرض !!!

سرى : مرض بگلبچ حترمي نفسچ
لا اگوم حظچ اطيحه سا....
ام الز....

لُبنا : اني الحچي مالتي مو وياچ ويا
اخوچ هو يخليلچ حد
اني ما تحمل هاي المهزله اكثر من هيچ

سرى : اوي خفت اي گليله گليله
هو اخويه عربانه الچ دفعينه منا يندفع
دفعينا مناك يندفع
خوش لگيتيلچ عربانه تكفخين بيها

وما اشوف الا صوت زمخة حتى اني خلسني

خنجر : سررررررى