عثرات

" العَـثره السـابعه "

لـتنسوني مـن دعمكـم + تعليقاتكـم + تصويتكـم
ورأيكـم كلـش يهمنـي
يـ حيل حيلـي
♥
٭
٭
" هديـه الأسـدي "
٭
٭
" كن عزيزا واياك أن تنحني مهما كان الأمر ضرورياً , فربما لا تأتيك الفرصة كي ترفع رأسك مرة أخرى..."

~~~~~♪~~~~~♪~~~~~

" لُبنا "

رغم صوته الهادئ بس چان يخوف
: هاي المره وصلتچ بدون لا
اكتلچ ولا اذبحچ بس المره
الثانيه ما اضمن نفسي

صفنت بي لثواني فقط من بعدها
خليت رجليه تتحكم بالموقف
طگيتها ركضة بدون ما التفتت
دخلت للمستشفى الهث يمةة
يخوف چنة عتويي
لاوالله العتوي ماخاف منه هلگد

وصلت لمكتبي شفت زهراء گاعده
تكنك صحت بصوت گمزت گمزه
مخليه ايدها على گلبها وصافنه
شويه وهدت عليه

زهراء : حيوانة چلبة خوفتيني
شلون هيچ سوين اجه گلبي
يوگف

لِبنا : اوي الرقيقه شسالفه
وبعدين بس اني خفت انتِ
هم لازم تخافين

زهراء : شنو منو خوفچ

سولفتلها على ابو خزره بقت تضحك
لُبنا : هي اكو شي يضحك
صوجي ما گمزتچ گمزه اقوه
وصدگ وگفت گلبج

زهراء: ولي لا اگوملچ ،
يلا عدنا مراجعين

رتبت گعدتي مال عقال الي
يشوفني ولا يگول هاي نفسها
الي چانت تتناگر

مَر اليوم والثاني الى ان صار اسبوع
مستمره بعملي وكلش احبه وهذا شي
بسبب زهراء وعلي كلش مونسيني

گعدت الصبح من وكت كلش
بس مو مال ارجع انام
فسبحت وشسورت شعري
ومزاجي رايق بلشت
البخ بوجهي واكثر
عكس كل مره
خطيت الالاينر
ولمسكاره ، الحمره الجوزي
وشعري القصير
عندي اصباغ سبرية مؤقتة
خليتها لشعري لون ماروني
ولبست فستان ماروني ربع ردن
قياس 90 ، شوز ابيض،لبست تاج ناعم
ابيض وحزام ابيض زين خصري
چنت مغرمه بكلشي
اني صح مرتبة واهتم بنفسي
بس ما ابالغ بأناقتي
ومكياجي
دوم لبسي رسمي او بنطرون وقميص
بس اليوم جذبني شكلي وقررت دوم اهتم
بشكلي لان هذا شي غير نفسيتي بمجرد
مشفت انعكاسي على المراية

اخذت جنطتي البيضة وضميت جهازي ونزلت
امي مسويه ريوگ وگاعده هيه وابوية من شافوني
عيونهم بقت تلمع ، لدرجه خجلت

كملت ريوگ وطلعت تصل بيه علي
: الوو

علي : هلا صباح الخير

لُبنا : صباح النور خوماكوشي

علي : لا بس اني قريب على بيتكم انتِ وينچ

لُبنا : شوي واوصل يم الشارع العام

علي : تمام انتضرچ اني

سديت الاتصال وبقيت امشي وصلت
لمحت سيارتة ، صعدت ويا صفن عليه
خرب حضي شبيهم مشايفيني
كلساع واحد صفن بوجهي
: احممممم شبيك صافن