عثرات

" العَـثره الـتاسع عشـر "

لـ تنسوني من تصويتكـم + تعليقاتكـم + رأيكـم
لأن يهمنـي كلـش
يـ حيـل حيلـي
♥
٭
٭
" هديـه الأسـدي "
٭
٭
لِما رسمتَ لي الحُب بَحراً
ومَا أنتَ إلا سَراب ؟

___↓_________↓__________↓________↓__

" لُبنا "

كلامه فرحني هذا الشي راح يعتبر
ابني مثل ابنه ، اخذناا صور لطفل
وعرفنا الجنين ورجعنا للبيت
طول طريق محد حچه كلمه
وصلنا للبيت نزلت بدون أي كلام

مَر اليوم بشكل طبيعي وستمرت
ايامي على هذا الشكل بلأضافه الى
تجهيزاتي للعرس
چانت حركتي صعبه حملي كلش متعب
ومابيه امشي ، اغلب جهازي زهراء كملته
ذوقهاا حلو بـ اختيار الاشياء
وجهازي كله ملابس نوم
ونصائحها الي ما اخلص
لبسي ، خلي ، گعدي ، نامي ، روحي
ونصيحتها المعتاده

زهراء : أقرب طريق لـ گلب الرجال
معدته فـ انتِ بيچ ما بيچ طبخي
اعرفچ فاهيه وبيضه ما تعرفين
بس تعلمي

وخلصت ايامي هيچ الى أن صار يوم
العرس

يوم العرس
چان شي هادئ اني ماردت هوسه لان
تعبانه من يوم الخطوبه الى العرس
ماحچيت ويا خنجر يعني شهرين !!
هو خلاني على راحتي بس ما تركني
ابد ، شنو اشتهي يجيلي قبل لا أگول
عبالك يحس بيه
يسأل عليه ، كليوم يتصل بـ امي
ويسأل عليه

گعدت من الصبح لازم اروح لصالون
سبحت و غسلت شعري
شسورته ، خليت زهراء تحف وجهي
وحواجبي لان امهات الصالون يدمرن الحواجب
لو يگطمنهن لو يخففنهن واني حواجبي
ثخان احبهن بس ترتيب

لـ 11 كملت كلشي غيرت ملابسي
وطلعنا بس اني وزهراء للصالون
وصلنا صايره هووسه
بقينا گاعدين فوگ الساعتين
ظهري نكسر من الگعده
تلث ساعات يلا اجه دوري
وبقيت گاعده ساعتين ترتب
بيه ، هاي اني حافه وجهي و حواجبي
ومكياجي هادئ ماخليتها تخلي شي
ثخين وساعتين
لو مكياج سموكي چان بقينه خمس ساعات

كملنا كلشي وتصلت بـ خنجر حتى يجي
نص ساعه وصل يمي هو
و صديقه جايب امه وامي ، لبست البرگع وطلعت
صعدت يمه بالصدر وزهراء ويا امي
شغل اغنيه هادئه
خلت اعصابي ترخخاا
و نعست لو ما وصلنا چان نمت

نزل يم بيتهم واجا فتح الباب الي
وساعدني حتى انزل
دخلنا جوا والهوسه واصله لـ ستار
والاغاني والرگص
شافتنا خالته دخلنا وهيه طگيها بـ هلهوله
يگول رادار خمس دقايق هيه تهلهل
بقيت فاكه حلگي عليها شلون عدها قابليه
ما تتنفس
گعدت على كرسي مخلينه بلأستقبال
بيتهم زين لا چبير ولا صغير
نزعني خنجر البرگع وضربله صفنه بوجهي
اني ملامحي هادئه وطفوليه
ومكياج هادئ مخلي ملامحي كلش حلوه