عثرات

" العَـثره السادسـه "

لتـنسوني من لايكاتكـم + تعليقاتكـم + متابعتـكم
يـ حيل حيلي
٭

٭

" هديـه الأسـدي "

٭

٭

" هذا الأسى لا يمكن شرحه، إنه من النوع الذي يجعلك صامت فقط لا أكثر "

~~~~~♪~~~~~♪~~~~~
"

لُبنا "
مَر شهرين على شغلي ويا علي چان كلش
متفهم ، التزمت بعملي وقدمته بافضل
طريقه .
بهاي الفتره صارت زهراء صديقتي الروح
بالروح دائما نسولف سوا
الاوقات الي ماكو مراجعين نگعد سوا
ومرات علي يشاركنا گعداتنا

زهراء : افف تعبت والله لو ما العيشه
چان بطلت

لُبنا : يمعودي ستعاذي من الشيطان وستچني
ترا شغلچ مريح گاعده وتنطين حجز ،
اكو ناس تشتغل عماله حمدي ربچ وشكري

زهراء : اي هو الناقص اشتغل عماله حتى تكمل

لُبنا : ههههههههه المايعه تشتغل عمالة ،
حتى بس شيليلچ طابوگة تگولين أوويي
تَعبوت راح اگعود

زهراء : نننننننننه يلا نلصمي ترا اگوملچ

لُبنا : ماتخوفين چلبي لچ

زهراء : اااااا ؟ يا الله خلـ اگومم

لُبنا : عزااا صارت صدگ خيه اشاقه شبيچ

بتسمت : هههه اي ماتجين الا بالعين الحمره

باوعت الها صفح ولمحت علي جاي بأتجاهنا

علي : ها صبايا شلونكم اموركم 

البنات : الحمدلله ، ماشي الحال

علي : بنات ابن صديق ابوي عندة المهرة
مالتة تعبانه كلش ، خلونا نروح لبيتهم لان
مايگدر يجبها والولد متعلق بيها
بحيث منهار عليها
فـ بسرعه ستعجلن

تحركنا بسرعه اخذت ادواتي الطبيه ولابكوتي
وتوكلنا ويا علي بسيارتة
مشينة مسافة ربع ساعه دخلنا منطقه
تخطف الانفاس بجمالها مچنا متوقعه اكو
هيچ مكان بغداد
منطقه مخصصه بس للاشخاص
الي بالدولة وعلى مدخلها حراس
ويم كل بيت حراس وشكلهم
يرهب عضلتهم والاسود
وصلنا يم بيت چان اكو حارس
خزرني بنضره حسيت رجليه
خدرت من الخوف شبي هذا !!

صرت ورا علي الي چان يحچي ويا
چان رده رفع لاسلكي معرف ويامن حچه
شويه وفتح الباب ودخلنا اني صرت
چني زيبگ ركضت جوا بسرعه حتى ما لمحه

چان بيتهم ڤيلا مدري قصر شكلة يأسر
النظر كلش جمممميل
حديقه خضراء ولازهار بأبها الالوان
ولاشكال ، وچان اكو طريق بنص الحديقه
يؤدي للـ قصر وعلى كل جانب من الطريق
نافوره حجمها متوسط
دخلنا للقصر الي احلى من الحديقه ومن المنطقة
ومن كلشي ، التخم الملكي الابيض
الي بنص الاستقبال يقابلني درج مغلف ببساط
احمر ، الستائر لونها احمر على جوزي
شي چان من العصر الفكتوري
حبست انفاسي واطلقت سراح
عيوني تتمعن بهذا الجممال
قاطع خلوتي الخدم الي اشرولنا بأتجاه
ممر توجهنا كلنا لممر الي اتضح
انو يأدي للحديقه الخلفيه الي تحوي اسطبل
من الخيول اخذونا لمكان الخيل الي مريضه