عثرات

" العَـثره الخامـس عشـر "

لـ تنسوني من تصويتكـم + تعليقاتـكم + رأيكم
لان كلش يهمني
يـ حيل حيلي
♥
٭
٭
" هديـه الأسـدي "
٭
٭

معَ الوقت أدركت أنه لا بأس من الأختفاء
لمدة بعيداً عن الناس تختلي بنفسَك بعيداً
عن ضجيج العالم الخارجي ، فترة تجالس
فيها نفسَك تلملم شتاتَك ، وتعود إلى الخارج
بالطريقة التي أردت تشكيل نفسَك عليها .

______↓___________↓_________↓_____

" لُبنا "

چان الوقت يمُر بطئ وكأنه يحاربني
مرات نكون مؤمنين ومتأكدين من شي بس
بداخلنه نغالطه ونگول لا مو صح الى ان نسمعه
والصدمه من نسمعه ننصدم ولا كأن احنا وتوقعنا

چانت حالتي هيچ قبل شهرين بوقت الحادث
چنت شاكه اكو شي خطأ ، چان كلشي يثبتلي
اكو شي خطأ ، تصرف خنجر ويا احمد
وضعي المرزي ، النزيف ، لعبان النفس ،
شهيتي المقطوعه ، كرهي لأكلاتي المفضله
واهمها ابتعاد احمد عني من بعد مچان ظلي

چان عباله بأبتعاده راح يصحح شي !!
معقوله متوقع اكون حامل !!
لو اني محملت چان ممكن ازوج شخص
حبني ، انطاني حُب ، ثقه ، اهتمام
وبـ ليلة عرسنا وكتشفت أن اني مو بنيه
شنو چان راح يكون موقفي ؟

معقوله الانسان يكون حقير الهاي الدرجه
بحيث يسلب اعز شي عند البنيه وهو شرفهاا !
وبدون متدري ، يستغل ضعفها وعدم وعيها !

چان عقلي وتفكيري كله متخربط تمنيت افهم
شي بس مو گادره انطق ، شي مو سهل
بين يوم وليله تصيرين حامل وانت ممزوجه !!!

بين لحضه والثانيه تكونين حامله طفل بأحشائچ
وراح تكونين مسؤله عنه !!

بين دقيقه والأخرى تكونين بنيه مغتصبه !!
تغتصبين ، وطيبين ، وتحملين وانتِ موداريه
عن شي !!

خرجت عن صمتي بـ سؤالي لـ سماا
: شلون صار كل هذا

باوعتلي بعيون حايره ، خايفه ، متوتره
: راح اسولفلچ كلشي بس سمعيني
بدون ما تقاطعيني ، اني راح اسولفلچ لان
اعرف بـ اخوي غلطان وماهتم بي اني اريده
يتعاقب لان بنات الناس مو لعبه
وهو ماقبلها من صارت عليه فـ شلون يقبلها
عليچ

هزيت راسي اريدها تكمل
اردفت : قبل يومين من الحفله نزلت اشرب
مي وشفت احمد يسولف ويا رجال لفت انتباهي
اسمچ فـ بقيت اسمع چان يگله

احمد: نظام الحفله راح يكون اقنعه الكل يلبسها
انتم والحرس ، فـ هنا تطمن محد راح يعرفك
اريد منك بـ يوم الحفله راح تجي وياي بنيه
تقدملها عصير
وتخلي حبايتين من هاي بي
ورا ساعه اذا مافقدت الوعي
ترجع تنطيها وحده
مفهوم ؟