عثرات

"العَـثره الثامـن والعشـرون "

لـ تنسوني بتصويتـكم + تعليقاتكـم + رأيكـم
لان يهمني كلش
يـ حيل حيلي
♥
٭
٭
" هديـه الأسـدي "
٭
٭
" لا تثق في برائة وجهي فأنا احقر من الشيطان اذا حاولت الإستهانه بي..!!

________________________________

" لُبنا "

شعرت برخص نفسي ومشاعري
واني ويا انسان المفروض يكون ستري
وغطاي ، حاولت اعبرله عن أسفي وحبي
بس قابلني بكلمات جارحه !

خنجر : وين الجديد انتِ بكل مره وبكل مشكله
تواجهنا تديرين ظهرچ وتنهين كلشي
شي طبيعي عندچ ، ماتعرفين تواجهين
ولا عندچ شجاعه للمواجهه راح تبقين
دومچ تتهربين من مشاكلچ بصوره تخليچ
انتِ الصح والمقابل هو الخطأ

لُبنا : الانسان الي مينفع ويا المواجهه
نتهرب منه افضل

گلت كلامي وطلعت محاولت اسمعه
او اناقشه اكثر وكلامه الاخير كلش جرحني
اني انسانه فاشله وضعيفه
راح ابقى دوم هيچ ما اواجهه وأتهرب حتى من
نفسي ، مشاعري ، احاسيسي

بس هو ما نطاني مجال للنقاش جرحني
وهاني !
مهما يكون ابقى انثى رقيقه احتاج حُب
احتواء
بادرت حتى ارجع كلشي بينه افضل بس
هو شسوه نطق كلام ممكن بنت الليل متقبل
بي !!

فـ كيف واني زوجته ؟
حسسني اريد بس قربه وكاتله نفسي
حتى يتقرب مني !
حسسني اني رخيصه واريد بس
يصير شي بينا !

گعدت بالحديقه وبقيت ابچي بكل حرگه
ماگدر كل ما امسح دموعي واگول مو مهم
اني اعرف نفسي شنو كلامه بس حتى يقهرني
ترجع كلماته تتردد بذهني وتحرگ گلبي
اكثر من قبل

بقيت على هذا الوضع للفجر صليت
ودعيت ربي يبرد گلبي وگمت اشتغل
النومم ابد مزارني راسي مصدع ونعسانه
بس ماگدر انام

نتضرت دلهم گعدت وتريگنا وحچيتلها الصار
بقت تنصحني
كلامها يريحني وتفقنا على يوم نروح
لـ زهراء نتقدم رسمي

شگد مچنت متحمسه لموضوع جهاد من
زهراء طفاها موقفي ويا خنجر

مَرت اليوم واليومين واني ما اختلط
بـ خنجر حتى من يحاول يحچي وياي
ماحچي كلامه مو سهل حتى انساه وكأنو
ما حچه شي !

صار الاربعاء وستعدينا حتى نروح لبغداد
گعدنا من صبح وبلشنا نجهز بنفسنا
من اخر موقف ويا خنجر عتزلت غرفتي
بقيت انام لو بلأستقبال لو ويا دلهم
وادخل للغرفه من خنحر يطلع اخذ الي احتاجه
وانضفها واطلع

كملت تجهيز نفسي وبقيت ادور على عباتي
ماكو ، ذكرت مجبتها من الغرفه
رحت بكل همه وحماس نسيت خنجر
مقرره مادخل بوجوده

دخلت للغرفه ورحت ادور عليها لگيتها واجيت
اطلع واشوف خنجر بوجهي گمزني

لُبنا : ييمةة عزاا اسم الله شنو هااي
هاااي انتَ الله ياخذك اجيت توگف گلبي
وخر شكبرك