عثرات

" العَـثره السادس والعشـرون "

لـ تنسوني من تصويتكـم + وتعليقاتكـم +
رأيكـم لان يهمني
يـ حيل حيلي
♥
٭
٭
" هديـه الأسـدي "
٭
٭
تحظى بثقة الآخرين خير لك من أن تحظى بحبهم

____________________________

" لُبنا "

چنت مُصره على رأيي وناهيته اريد اطلگ
وما ابقى ولا ثواني بس !!
چان للقدر رأيي ثاني
من بعد كلام وتقنيع وحچي دام لساعات
واني ممقتنعه ومحضره جنطتي وگاعده
وهو فوگ راسي يحچي واني ولا كأنما
اسمع

اخر شي طگت روحي وهو ماكو بس يحچي
گمت رگعت الجنطه بالگاع وبقيت اصيح

لُبنا : شتفهمنييي گلي شتفهمنيي كافي
تعبت حس بييية تعبببت
الى متى ابقى اتحمل واسكتتتت
اهلك ماكو سالفةة ماسوها ماكو حچاية
ماحچنها
لا خلني گح... لا بر... لا سا.....
كافي انتَ وين لگيتني بشوارررع فهمني
لگيتني بالملاهي ، شفتني بيت دعاااره
حتى اني گح...
شايف يمي ولد ترااا ما صايره هاااايي
بعز حملي وتعبي اشتغل وانييي ممتكفلةةة
ب

يكمم ما مسؤؤلةة عن اكلكمم وشربكممم
وتنضيففكم
شنو الخلتةة اختك ماسوووتة
بعز تعبي اغسل الملابس واشرهنن
تجي اختك تشمرهن بالگاااع ليشششش ؟
اسوي الاكل يزود اضمه هنه يذبنه ليششش ؟
اختكك قتلت طفل ما جاايي لدنيا ما
مسويلها شي ليششش ؟
انتَ رجلي لو رجلهن فهمنييي
يغارن مني لان مزوجتك لو شنووو فهمنيي
تعببببت مابيةة اتحمل بعدد تعبببت
كلشي والا حدد كااافي خلاصص

خنجر : بس خليني اتفاهم وياچ والي
تردينه يجريلچ بس خلينا نتفاهم
يعني هو كلشي يصير ولازم ننهي كلشي
بينا
هاي العوائل يصير بينها انواع المشاكل
بس خلينا نتفاهم ونوضح كلشي بينه
وبعدها الي تردينا يجرالچ

لُبنا : من بعد كلامك كلشي اريده يصير
واني مُصره على الطلاق

خنجر : دللي بس خلينا نتفاهم والي تردينه
يجرالچ ، تعالي گعدي اهدئي خلينا نسولف

گعدت على اعصابي اريده بس يكمل
حتى انهي كلشي واخلص لان تعبت نفسيتي
وگمت احس نفسي عايشة ويا وحوش مو بشر

خنجر : يابة راح ابلش من البداية وانتِ
سمعيني وبعدها الچ الحق الاختيار
اول شي حقچ تعصبين وتنفرين مني ومن
اهلي ما اگلچ اهلي صح
لان اهلي الغلط راكبهم من راسهم لرجليهم
والغلطان الاساسي اني
اي اني غلطان قبل لا هما يغلطون لان ورطتچ
الغلط من حچيت بسالفة حملچ
بس ماعرفت شلون اتفاده الموضوع
شحچي وشأگول !!

صدگيني لو يرجع الوقت ماراح اقحمچ
بالموضوع كله
بس چانت العله بگلبي
حبيت برائتچ ، اسلوبچ ، هدوئچ
وكل مره چنت انجذبلچ اكثر
حاولت هواي ابعدچ عن احمد بس انتِ
چنتي بهدوئچ تجذبينه اكثر
وچنت اعرف احمد مراح يفوتها هيچ
هواي حچيت وياا ونصحته وگتله لبنية
من أهل الله وبنية فقيره لا تقحمها بمشاكلك
وعالمك
بس هو مقتنع بكلامي ولا هتم بي
ومن غلط غلطته يلا عرف حجمها احمد مستحيل
يحب لان انسان عايش حياته ويا
العصابات والمافيات
وميخلونه يزوج الا انسانه منهم والا ليش
ممزوج وهو بهذا العمر !!