عثرات

" العَـثره العشريـن "

لـ تنسوني من تصويتكـم + تعليقاتكـم + رأيكم
لان يهمني كلش
يـ حيل حيلي
♥
٭
٭
" هديـه الأسـدي "
٭
٭
ثم ماذا ؟

ثم فَقدتني حتى ضَيعتني
ولأن لا اعلم أين اجدَني ،

______↓_______↓_______↓_______

" لُبنا "

بقيت صافنه عليه هذا شنو گاعد يحچي
شنو لبة گلبي ، هذا شبي عزززا
بس لا شارب
قربت وجهي اشم انفاسه ماكو ريحت
شرب على اساس اعرف الريحه وگاعد اشتم
گبر
ما بقى شي واتسودن عن قريب كلش
بعدت روحي واشوف هذا مبتسم بوجهي
ابتسامته كلش توترني احس نفسي بوضع
مخزي من يبتسم
وفعلاً چنت بوضع مخزي حاضني بين ايدي
وجهي قريب على وجهه واشمشم چني بزونه !!
شحس مادري
اجتلي لحضة ادراك بـ وضعي خليتي ايدي
على صدره وبكل قوتي دفعته
رجع ليوره وصارت بينه مسافه
تفاجأت من نفسي هاي اني هيچ
دفعته وصلته لهناك !!
يممممه اني قوية حطيت بي دفعه
طيرته ، حسيت نفسي باتمان مسويه فد
شي
ولا عبالك مجرد دفعه
يلا التحفيز حلو احفز نفسي عسى ولعل
اصير باتمان

رحت طلعتلي مخده وبطانيه وخليهن
بالگاع ونمت
بقيت افكر شنو راح يصير وياي
ليوم خلص باچر شنو ضاملي
وشلون راح يخلص
شلون راح اعيش ويا خنجر
بـ مكان واحد ؟

بقيت بدوامة افكاري الى ان
نمت ، گعدت على صوت خرخشه يم
راسي ، فتحت عيوني واشوف خنجر فوگ
راسي ويمه صينيه بيها چاي
، جبن ، بيض ، مربى ، زيتون ، گيمر عرب
وعلاگة بيده يفتحها بيها صمون
مبين حار لان العلاگه بيها رطوبة البخار
من شفت المنظر بطني بقت توصوص

لُبنا : اگلك اريد اغسل وين

خنجر : گومي لبسي شي حتى نطلع تغسلين
واشوفچ البيت حتى بعد انتِ تندلين

لُبنا : تمام ثواني

گمت لبست روب يصير فوگ لملابس
هو اني لابسه تراك عليمن لابسه هذا ؟

لُبنا : اگلك اني لابسه تراك ومابي شي
خليني اطلع بي !؟

خنجر : لا ، شوفي لُبنا حياتچ يم بيت اهلچ
تختلف عن حياتچ يمي
اني هنا بيتنا بي اخوتي
يطلعون ويطبون انتِ كل وقتچ حجابچ على راسچ
وملابسچ مستوره
ما اجبرچ على دشداشه اني
اذا تردين لبسي تراكات بس لازم
طوال وعراض شرط
مو تراك التشيرت مالته طافر
فوگ من الط....
وضاب على جسمچ ما اقبلها اني

يممه صرت طماطه من الخجل بسبب
كلامه يحچي كلشي بدون تكلفه ولا خجل
لا مبينه راح اصمد الله ياخذني وين ورطت
نفسي ، لبست الروب
وخليت الحجاب على راسي
هو طلع قبلي واني ورا واشوفلك
ناس فوگ ناس
ماتدري شنو سالفه
ناس نايمه وناس تاكل
وناس تسولف
ماكو ربط ابد