عثرات

" العَـثره الثالث عشر

لـتنسوني من تصويتكم + تعليقاتـكم + رأيكـم
يهمني كـلش
يـ حيل حيلي
♥
٭
٭
" هـديه الأسـدي "
٭
٭
لا يمكن لإنسان أن يحمل في صدره كل ذلك بمفرده، لكنني فعلت

~~~~~♪~~~~~♪~~~~~

" لُبنا "

چان الحضور بالحفله عدد لا بأس بي
كل المعازيم لبسهم رسمي ولبنات فساتين مشابهه
لفستاني حسيت نفسي بـ حفله ملكية !

المكان ، الحضور ، نظام الحفله ، ترتيبها
كلشي ملكي حبيت الأجوواء چانت هادئه
مسيقى كلاسيكية مريحة لسمع ، اضواء هادئة
تسمحلك النظر بكل نقطه بكل أريحيه
بوفيه مفتوح على جانب ايسر من الصالة
ويقابلها من الجانب الايمن بار للمشروبات !

وموزع على ملئ الصاله بكل نقطة حراس
هيئتهم ضخمه ولابسين رسمي اسود
واقنعه !!
ماعرفت المغزى من الاقنعه شنو ؟
ليش لابسينهن يعني
حتى الگرسون الي يهتمون بالضايفه لابسين
اقنعه !!
معقولة هيچ نظام عملهم
ستغربت الوضع بس غلست شعلية بيهم
عسا ما يلبسون گونية ( جيس الي يحتوي الطحين )

مليت حضور هواي وكلهم ما اعرفهم ويباوعولي
توترت حسسوني فضائيه ونوب احمد
گاعد يم مجموعه زلم ويسولفون ماعرف بـ شنو
بس شكلهم چان جدي كلش وملامحهم حاده
وفوگ راسهم حراس قسم مقنعين وقسم لا

استكشفت ان المقنعين تابعين لـ احمد
ولغير مقنعين لـ زلم الگاعد وياهم

تقدم گرسون قدملي عصير رفضت لان
چانت نفسي مسدوده وماشتهي أي شي
لكن ! أصر علية اشرب مچنت اعرف سبب
أصراره والغباء موهبه اكيد شربتة !

راح واني
بقيت صافنه على احمد والزلم الي يمه  احلل تصرفاتهم
ملامحهم بس ماكو جامدين حتى من يحچون
بالكاد شفايفهم تتحرك ستمرو على هذا الحال
ماعرف لشگد من الوقت بعدها گام واحد من
الزلم وسلم على احمد بالمقابل احمد هم گام
وتحركو للبار يشربون !!

تركهم احمد وتقدم بأتجاهي نحنه ومد ايده
: ممكن تسمحيلي بـ هاي الرگصه اميرتي

الكل التفت علينا خجلت شلون ارفض فشله
مديت ايدي خليتنا بـ أيده لزمها وتوجهنا لنص
الصالة تغيرت المسيقى
الى مسيقى صاخبة نوعاً ما معده لرگصه المتفق
عليها !!

بقينا نرگص والكل بقى يتوافد لموقع الرگص
همستلة : ما راح انساها الك شلون تفشلني
هيچ وتطلب مني ارگص گبال الكل وانتَ تعرف
ما اقبل بس ستغليت الوضع

ضحك واردف : صرتي تعرفيني خوش
نقطه

لُبنا : مستحيل اعرفك انتَ انسان غامض
،متنعرف ، متنحمل وتصرفاتك احسها مدروسه
وهذا الشي كلش يقلقني