عثرات

" العَـثره التاسـع والعشـرون "

لـ تنسوني من تصويتكـم + تعليقاتكـم + رأيكـم
لان كلش يهمني
يـ حيل حيلي
♥
٭
٭
" هديـه الأسـدي "
٭
٭
‏"في وقتٍ ما، سيكون أول ما تضعه هو النقطة لأنك تعرف معنى أن تُهدر الفواصل دون جدوى."

_________________________________

" لُبنا "

گعدت على لمسات خفيفه على وجهي
فتحت عيوني بخفوت لان احسهم ثگال
مگدرت افتحهن والضوه ضرب بعيوني
بقيت اصرخ من الألم الي حسيته
حسيت الضوه خترق راسي هيچ شدة الوجع
چان مؤذي
بس اصوات وهوسه حتى الأصوات ما گدرت
اميز صوت منو !
چان كل همي اعرف شنو بيه
نسيت كلشي الحادث ، خنجر !!

واحد صاح خنجر !!

أسم مألوف !
خنجرر !! خنجرر !!

لزمت راسي وبقيت اعيط
: اطلعووووووو برااااااااااا
راسسسي ااااخ راسييي
راح ينفجر راااااسي ااااخ يمه راسسسيي
برررررا ماااريد صوتتتت صوتكممم براسي
عيونيييي ليش مااا اشوفف عيوننني

الدكتور : اطلعو خلي نفحص المريضه
ونگلكم بالنتائج حالياً الاجهاد مو زين
ممكن يصير عدها نزيف داخلي بسبب
الضغط الي گاعديصير على راسها

اسمع بس مو گادره استوعب !
وجع راسي وعيوني ماگدر اركز او افهم
اني منو ؟ وليش هنا ؟
كلشي مگاعد اذكر !
كل همسه احسها عباره عن صوت عااالي
يخترق طبلة أذني
وينساب لراسي الي بقت حَبه وحده وينفجر
من ألم الي احس بي
 
حسيت على ايد خشنه تسحب ايدي
وتلزم كفي وتحتضنه بين ايدها
بعدها تطبع قبله هادئه ، بشفايف مرتجفه
حسيه بخشونة الشفايف على ايدي
دليل على انو هاي شفايف يابسه ومتقشره !!

ترك ايدي وحسيت بوخزه ومن بعدها ما حسيت
بشي دخلت بسبات عميق
ماعرف شگد چانت مدة هذا السبات
فزيت من سباتي المريح
فتحت عيوني على كيف احسن
الوجع ختفى ، نتبهت للمكان مستشفى !

غرفه وأجهزه طبيه لتفتت نص لتفاته
حتى اشوف جهه الثانيه راسي وجعني
خليت ايدي على راسي تحسسته
ملفوف بقماشه ماعرف شنو
حاولت اتحرك احس نفسي مقيده
الغرفه تخنگ ، ريحة الديتول وصوت الأجهزه
سببلي توتر ، حاولت اگعد ماكو
فقدت اعصابي

: طلعووووووني تعالووووو وينكممممم
طلعووووني حقرررراء

شويه واجت مجموعه اطباء وياهم
ولد شكله مبهذل وعيونه حمر دم ويباوعلي
بخوف !!

لُبنا : انيي انييي وين ،
ليش جايبيني هنا ؟

الدكتور : عزيزتي انتِ مريضه وصارلچ
اسبوع هنا دخلتي غيبوبه والحمدلله تعديتيها