عثرات

" العَـثره الواحـد والعشـرون "

لـ تنسوني من تصويتكـم + تعليقاتكـم + رأيكـم
لان كلش يهمني
يـ حيل حيلي
♥
٭
٭
" هديـه الأسـدي "
٭
٭
" أن لم تكن لي فَمن لي
يا مالك كُلي وأقلي "

____↓________↓_________↓________↓____

" لُبنا "

قررنا اني وخنجر اروح لبيت احمد منا لحد
ما يكمل العقد وينتهي كلشي يخص احمد
بشرط ابتعد عن احمد وعن أي مكان يتواجد
بس احمد ، واذا احمد حتك بيه
راح نضطر نگول احنا مزوجين وبوقتها شنو
يريد يصير خلي يصير مدام مزوجين ماكو
شي نخاف منه بعد

يوم الثاني گعدت من الصبح حضرت نفسي
لبست عبايتي
طبعاً غيرت ستايلي كلش من الجوراب
للبنطرون
صار لبسي كله عبايه سلاميه
كملت لبسي وطلعت اشوف خنجر وين
حتى نروح لبيت احمد

لگيته نايم بـ حجر امه ومخليه ايدها
على راسه وتلعب بشعره
منظرهم كلش حلو تحسهم لوحه متكامله
حنيه ، انكسار ، تعب ، عطف

صحت بصوت خافت
: خنجر

رفع راسه عن حجر امه ومسح عيونه هنا عرفت
چان يبچي !!
لعد شگد متحمل الى درجه بچه
عمتي ام خنجر باوعتلي بنظره مكسوره
ماعرفت افسر نظرتها شنو
معقوله تعرف !!
لا مستحيل خنجر حلف ما يحچي
لأحد عن أي شي ويستر عليه
ما يفضحني  اعرف مستحيل يحچي عني

طلعنا متوجهين لبيت احمد طول الطريق
محد حچه ولا كلمه ، بالي كله بقى
بوضعه وبنظرة عمتي الي
بقيت افكر ليش هيچ باوعت
يمكن گال الها هيه امه !!!
لا ميسويها خنجر هو وعدني
بين الگال وما گال عقلي بقى مشغول
اسئله ؟
لا هسه هو بأي حال واني اسأل هيچ اسئله
وخاف اسأل ويزعل يگول اني
گتلچ ما اگول !!
بقيت محتاره وعقلي شوش

وصلنا لبيت احمد ودخلت وكل هذا
وخنجر ما نطق بكلمه وضعه كلش خوفني
عليه
خنجر رجال ونعم منه
ماكو أي شخص يتقبل بنيه مغتصبه
ماكو رجال يزوج وحده حامل بطفل حرام
بس خنجر تقبلني واني مغتصبه وحامل
ساعدني ، ساندني
ممكن أهلي لو يعرفون ما يساندوني
مثله
ورغم كل هذا ماكو يوم عَيرني
ولا سمعني كلمه تغثني
ولا طالب بحق من حقوقه
ويگدر يطلب ويجبرني !!
بس هو چان رجال وگد وعده وكلمته .

دخلت للبيت ماكو احد
رحت للمطبخ محد !
قررت اصعد لغرفة سما
وصعدت واسمعها تحچي وتبچي
: شهبار عفيه احچي الصدگ انتَ
بيك شي
..........لعد ليش صارلك فوگ السنه ونص
ماكو ................
هو شنو ماكو شي انتَ وين چنت مختفي
................ اي خفت وليش ما اخاف
انتَ وگفت وياي
ما انسى شلون وگفت بوجهه امك
ولا شلون صرت ضد اخوك
لو واحد غيرك چان سند اخو وطُز بنت عمه
منو بس انتَ ساعدتني
لذلك ما انساك ومن يمسك شي اخاف عليك