عثرات

" العَـثره السابـع عشـر "

لـ تنسوني من تصويتكم + تعليقات بين الفقرات
رأيكم يهمني كلش
يـ حيل حيلي
♥
٭
٭
" هديـه الأسـدي "
٭
٭
قُل للذي ملأَ التشاؤم قلبهُ
‏ومضى يضيقُ حولنا الآفاقا
‏سرُّ السعادةِ حُسن ظنِّك بالذي
‏خلق الحياةَ وقسَّم الأرزاقا

____↓_______↓________↓____

" لُبنا "

طلب خنجر چان صدمه بالنسبه الي اني
اعتبره صديق شلون ازوجه ، بقيت صافنه
بوجهه طلبه غريب وصعب

كلشي يعرف شلون يطلب مني هيچ طلب !!

ما انطيت أي ردت فعل بس صافنه
قاطع صمتي صوته وهو يگول
: اذا ما موافقه بكيفچ هاي حياتچ
وما اجبرچ اكيد

نزلت راسي اول مره اشوفه كـ أي ولد
مو خنجر الصديق ، الأخ ، السند
: بس طلبك صعب ، شلون هيچ
واحمد اذا عرف شلون ؟

خنجر : هذا درس لـ احمد راح يكون اخر
مرحله بالـ عذاب ، من بعدها اذا چان فعلاً
يحبچ وحارب اني اطلگچ وانتِ ترجعين اله
وتزوجون وتكملون حياتكم

لُبنا : ومنو گال اني اريده اصلاً اكرها لأن
بسببه گاعد اعاني ، بسببه راح انجبر
اسوي اشياء ما اريدها كلش اكرها
ومستحيل بيوم اكون اني ويا سوا

خنجر : لعد نزوج نعلمه درس ومن تلگين
الانسان الي يستاهلچ ، بس گليلي واني بيومها
اطلگچ

لُبنا : خليني افكر موضوع يحتاج تفكير
وعقلي مشوش

خنجر : براحتچ اخذي وقتچ ، اني اريد
اساعدچ وانتقملچ مو گلتي لو اختك شسوي
لا سامح الله اختي لو بمكانچ ، شنو اگدر اسوي
يعني ؟
من تكون بين نارين ومحتار فختار الحرب
البارده لتعذيب ، واني ختاريتها حتى اعذب احمد
من راح ازوجچ هنا راح يخسر ثنين
لبنيه الي يحبها وصديقه
وطبعا خسارته مو اصعب من خسارتچ
فـ يتعلم ما يخطي خطوات تأذي الطرف المقابل

بتسمت بوجه وكملت طريقي لـ داخل البيت
بقى عقلي مشغول بطلب خنجر
جزء بداخلي موافق وجزء غير موافق

گلت ما أسرع لان الموضوع صعب
صح راح ينقذني من هواي مشاكل لان بطني
بلشت تكبر بشكل ملحوظ رغم المشد الي احسه
يگطع من انفاسي يضغط بشكل قوي
بس شسوي بطني بارزه وفاضحتني

مَر يومي افكر بالموضوع ما غاب عن بالي ابد
الى أن قررت اوافق لان ماكو احد احسن من
خنجر اگدر أأمنه على نفسي وابني

بأخر فتره تعلقت بالروح الي بداخلي
حسيتها جزء مني ، مستحيل احاول اتخلى
عنه حتى لو الكل وگف بوجهي
هو شنو ذنبه اجه للحياة بـ هيج ضروف