عثرات

" العَـثره الثامـن عشـر "

لـ تنسوني من تصويتكم + تعليقاتكم
رأيكم لان كلش يهمني
يـ حيل حيلي
♥
٭
٭
" هديـه الأسـدي "
٭
٭
حين أمنحك وقتي، فأنا أمنحك جزءًا لن
أستردّه مِن حياتي فأرجو أن لا تجعلني أندم.

_____↓_________↓___________↓____

" لُبنا "

الهوسه وترتني خفت احمد عرف وراح يخرب
كلشي ، گلبي بقى يدگ كل قوته حسيته
راح يطلع من مكانه
شويه واشوف واحد طلع من بين الازدحام
وبيده سلاح هنا كل قطره دم مابيه
يتقرب بـ أتجاهنا !!
نظراته مركزه على خنجر !!
يبتسم بتسامه ماعرف افسرها !!

تقرب اكثر فتح باب سياره وگال
: لك عااار تخطب وما تعزمني
اليوم انخلك نخل گ....

خنجر ضحك : يمتى رجعت غير
چنت مسافر سرسري

ضم السلاح بخصره : والله ماكو واحد سرسري
غيرك تعرس وماتعزم خويك يا عيب الشوم عليك

خنجر : كافي لا ضل تلغي خلي ندخل
مخطوبتي تعبت ولعبت نفسها من وجهك

: هجم بيت الباميه شگد تنفخ مخطوبته
هو ، شلون قبلت بيك ماعرف
يمكن ماتعرف سوالفك السرسريه

خنجر : جهاد كافي شنو نبقى هنا لصبح اليوم

جهاد : مستعجل مفلفل شبيك مشايف مره
الك ما طايره ، انا صاحبك يوم هنا باچر مو هنا
هسه لازم تحضني وتشهگ من اشتياقك الي

خنجر : هسه احطك واچفص بطنك مو احضنك
واشهگ لك عار وخر منا لا انوم السچينه براسك

جهاد : گ.... ماعليك عتب ، خويه شفتي شلون
يهدد ترا هذا مجرم مو فقير
لا يغرچ بكلامه رئيس مافيا هذا

بقو يتناگرون فوگ النص ساعه هذا جهاد
نريده يسكت ماكو منين ما نجي يطلعنه
صفح اخرشي خنجر عاط بي صوت
ذاك عتذر وراح

لُبنا : عززا دوخني شگد يحچي

خنجر : اذا نفتح حلگه بعد ماينسد ، هذا ضلعي
مستحيل انسى وگفاته ولا شنو سوا علمودي

لُبنا : ليش شنو سوا ؟

خنجر : خليها بعدين اسولفلچ واحتمال چبير
نروح للبصره هناك نستقر لان احمد من يعرف
بزواجنه مستحيل ابقى عنده

ضل عقلي يجيب ويودي من احمد يعرف
شنو يصير ، دخلنا للقاعه وناس كومه ماعرف منين
اجو اني ماعندي اقارب هوااي بس زهرا واقاربها
وكم جيران من جوارينا