عثرات

" العَـثره العاشـره "

لـتنسوني من تصويتكـم + تعليقاتكـم + رأيكم
يـ حيل حيلي
♥
٭
٭
" هديـه الأسـدي "
٭
٭
" العلاقات التي تبدأ بالكذب لا تدوم طويلاً أما التي تبدأ بالصراحة فهي لا تبدأ أصلاً ..! "

~~~~~♪~~~~~♪~~~~~

" لُبنا "

بلشت شغلي يم احمد چان مرافقني مثل
ظلي وين ما اروح گدامي اتعس ايامي
ابلش يومي من صبح الله ادعي يخلص
على خير لو ماشوف احمد كرهتة كلش
بابا حالتة ستقرت شوية من نرفعت التهمه
عنه
كالعاده گعدت الصبح بدلت ملابسي الي
صرت ماهتم شنو البس ابد لان اي شغف
ماعندي لو ما شويةة عيب اطلع بالتراكسود
توجهت لبيت احمد
اول ما وصلت شفت ابو خزره سلمت عليه
بتسمت ورد السلام !!
اي اي لا تستغربون صار صديق وكلش
حباب عكس مچنت متوقعته صدك اذا
گالو لاتحكم على الانسان من مظهره
شگد چنت احس احمد حباب بس طلع
حقير ، نذل
وابو خزره چنت احسها يخوف بي صار
أماني .

من عرف ماعندي احد واني وحيدة اهلي
گال : عتبريني اخوچ والي يندگ بيچ اطلع روحه

رديت علية بالشقة : حتى لو چان احمد
عقد حواجبة : حتى لو چان احمد ليش هو احمد منو

ستغربت ردت فعله وفرحت بنفس الوقت انو
اكو شخص ميخاف منه واذا بيوم تأذيت بوگفة
عند حدة .

بلشت شغلي ويا الريم الي صار وضعها كلش تمام
كلش چنت فرحانه بأنجازي
كلش احب مهنتي لان اساعد كائن مايعرف
يعبر عن ألمة وشنو يأذي

اجه الطرگاعة احمد شگد مكروه نوب من اشوفه
يضحك اموت قهر يضحك عليه الحقير
: ها شلونچ
باوعتلة صفح : شعليك شلوني ما لوني
رجاءٍ لاتجي من اني هنا كلش اضوج من اشوفك

ضحك : سبب وجودچ هنا حتى اضوجچ منو گلچ
جبتچ تتونسين هنا ، المهم اجيت ابلغج بشي
عندي حفله الاسبوع اليجي اريد تحضرين بيها

درت وجهي : لا والله خاف ماتقبل لا احضر ولاشي
ترا اني هنا علمود الريم مو حتى ألبي طلباتك الي ماتخلص ، كافي شنو شايف روحك انتَ ترا والله ابطل

احمد : الچ منا للأسبوع اليجي اجازه الحفله السبت
تجين وانتِ ممنونه لان تعرفين اني مصدر رزقچ
تبطلين وين تشتغلين منو يشغلج اخلي عليچ علامة
اكس من بعدها محد راح يباوع بوجهچ

باوعت عليه منقرفه : اييييه انتَ شگد مكروه لك
داده منو گال اخاف منك عادي بطلني واني ماريد اشتغل

تقرب من يمي وهمس : اممم اوك ابطلچ بس من
يخلص العقد اذا بطلتي قبل انتهاء العقد تعرفين
العواقب

خليت عيني بعينه وبلعت ريگي : اوك احضر بس وخر ، شگد لزگة ويلا اريد الاجازه من هسه حتى
اجي للحفله