عثرات

" العَـثره الرابـع عشـر "

لـتنسوني من تصويتكـم + تعليقاتكـم + رأيكم
لان كـلش يهمنـي
يـ حيل حيلي
♥
٭
٭
" هديـه الأسـدي "
٭
٭
فَمن آوى إلى اللَّه آواهُ
‏وَمن فوَّض أمرَهُ للَّهِ كفاهُ

__________________________

" لُبنا "

رجعني خنجر من بعد مطلع من يم
الدكتوره ، روحنا لـ صيدليه شترينه علاج
والمرهم الي كتبته الي
صعدت الغرفتي ، امي ماتعرف الموضوع
وهاي ثالث چذبه

خليت المرهم خف الوجع شويه شويه
نفسيتي تعبانه كلش ماعرف احس
مو مجرد شي شربته وأذاني !!

ليش خنجر هيچ يتعامل ويا احمد
صح هما اصدقاء بس يحترمه وماشفته
يوم قلل من احترام احمد گدامي وكله
سيديو أستاذ يصيحله بس ليوم صاحله
احمد !!

احسيت اكو شي معقوله يخص الشغل
او مشكله بينهم ، احمد كلش يحترم
خنجر وحتى مايتأمر عليه يمكن
احمد عصب وغلط بحقه لذلك
خنجر زعل عليه وهيچ حچه !!

كلشي توقعت ، وخليت اكثر من احتمال
بالي ، بس ابد متوقعت  ولا تخيلت هذا
الشي يكون صاير
احمد يسوي هيچ ؟
ليش ، شنو سبب !
طيب احمد حقير اعرفه بس
خنجر صديق واخ ليش هيچ
ضُم عليه هيچ موضوع خطير !

مَر يوم ويومين صارت ايام
الى ان مَر شهر بـ هذا الشهر ابد
ما وصلت لـ بيت احمد انطاني اجازه

اهلي بقو يسألون ليش گتلهم اخذ الريم
للخارج علاج افضل لان يهتمون بالحيوان
مو مثلنا اهلي صدگو لان بتهم ماچذب
وهاي رابع چذبه !!

خلال هذا الشهر وضعي تحسن والوجع والنزيف
ختفن الحمدلله ، بس ما زال النحول بـ جسمي
أكلي قل ونفسي تلعب من اغلب الأكلات الي
چنت احبها

گعدت الصبح اجر بروحي جر صاير النوم
شي مقدس عندي أُمنية حياتي
انام السنه كلهاا وما اشبع نوم
أنام بـ 9 واگعد بالـ 10 كله ونعسانه
بدلت ملابسي الي صارت اغلبها فساتين
عريضه لان سمنت ،
وضعي تعب نفسيتي كلش
لا اكلي مثل البشر لا گعدتي وضعي كله
مخربط ورغم كلشي سمنت صدگ اذا گالو
الشي من تهمله ينعدل

كملت تبديل ونزلت شفت اهلي يتريگون
بيض عيون ، چاي ، زيتون ، جبن
صارت روحي بالزيتون حسيته فاكهه من الجنه
رحت ركض لزمت الصحن واكل بشراهه تلاثه تلاثه
امي بقت تحچي عليه : على كيفچ يمه لا تغصين
شبيچ تهومشتي فجأه

لُبنا : ماما حبابه سكتي جوعانه ومماكله شتهيته
شنو مايصير حرام

الام : لا مو حرام بس اكلي على كيفچ انتِ كلش
خربتي وين چان اكلچ كله اتكيت يا يوم لزمتي
الزيتون هيچ واكلتي ، وضعچ دمرني وبالي
مهلوك من التفكير ياخوفي ياخوفي من الضمه
الزمن