عثرات

" العَـثره الثامـنه "

لـتنسوني من لايكاتكـم + تعليقاتكـم + رأيكـم
يـ حيل حيلـي
♥
٭
٭
" هديـه الأسـدي "
٭
٭
" مضت سنين طويلة
لا أذكرها..
غِبتُ فيها عني ولا زلت أنتظرُني
أِشتقتُ جداً إليّ و إلى أحاديثي
و همومي الصغيرة و أُمنياتي الكبيرة...
أفتقدني
منذ أن كَبُرت ! "

~~~~~♪~~~~~♪~~~~

"

لُبنا "

تفاجئت من حركتة بقيت
جامده حس عليه بتعد
: خفت كلش عليچ
ليش چنتي تبچين

بقيت صافنه بوجهه اريد اشوف
تعابيره همست : ليش خفت

تقرب عليه اكثر : خفت اخسرچ
خفت بعد ما اشوف ما تعرفين
شنو صار بية من سمعت صوتچ
تبچين احچي شبيچ منو وياچ

درت وجهي وبتعدت عنه
: شكرا لأهتمامك ماكو شي
بس العلاج چان قوي على الريم
وخفت يصير بيه شي واروح بيها

جر نفس ورد : تدرين اني كلش متندم
لان عرفتچ على احمد وخليتچ تهتمين
بصحة الريم

باوعتله مستغربه : ليش ؟

شتت نضراته : لان احمد صعب ومزاجي
بكل دقيقه مزاجه يتغير لذلك اني كلش متوتر
ان شاء الله تخلصين ويخلص العذاب النفسي

معرف ليش حسيت اكو شي ثاني
بس محچه الا الشي القليل

توكلت على الله اني دسوي
واجبي والحافظ الله
دخلت للمستشفى اني وعلي
كملت شغلي وطلعن لبيتنا

مَر يومين ورجعت رحت لبيت احمد
كل عاده ابو خزره يستقبلني بس
هلمره مايخوزر يمكن بعده مستخطيني
دخل للأسطبل گبل بلشت بعلاجها وچان
شريكنه هاي المره احمد شريك خفيف الظل
بحيث طول فترة تواجدي كلمة محچه غير السلام
دعيت الله مايصير بيها مثل المره السابقه
حقنتها وتنظرت نص ساعه ومرت ونتظرت شويه هم
وچان وضعها عالِ العال فرحت ضميت مستلزماتي
اريد اطلع ستوقفني احمد
: دكتوره اذا ممكن
نگعد شوية نسولف

لُبنا : بخصوص شنو
احمد : اشياء عامه
لُبنا : اسفه ماعندي وقت لازم
ارجع للمستشفى عندي مراجعين

تقرب عليه وباوع : طيب بخصوص
اخر مره حقنتي بيها الريم ونتفضت

يمكن لو يذبحوني وقتها قطره دم ميلگون
بيه من گد الخوف الي حسيت بي
بقيت اجر الحچي جر : هااا ءء اي عاديي
بس هو هذا لازم ارجع مراجعين

احمد : اعتقد من الافضل الچ
نسولف بالعاده اني ماحب اسولف
بسرعه اتعامل ويا الاشياء
بس هالمره انتِ تختلفين
واريد اسولف وافهم بعدين احدد
نوع الاضرار وعقوباتها

بلعت ريگي گوا : استاذ اني الي عليه سويتة
عقاب على شنو و ترا لا عبالك تخوفني والله
اشتكي عليك خوش