Win အိမ်တော်ထဲကို ဝင်လာတဲ့အချိန်မှာ အကုန်လုံးက မျက်စိမျက်နှာ ပျက်နေကြသည်။ မကြည့်ရဲသလို ပျာယာခတ်နေကြသလိုမျိုး အမူအယာတွေကြောင့် စိတ်ထဲတစ်မျိုး ဖြစ်သွားပြီး အခန်းဆီသို့ အပြေးအလွှားသွားကြည့်မိလိုက်သည်။
"ဘာလုပ်နေတာလဲ ခင်ဗျားက "
အခန်းတံခါးကို ဖွင့်ဖွင့်ချင်း မြင်လိုက်ရတဲ့ မိထွေးဖြစ်သူက Win တို့ အခန်းထဲ၌ စိန်ပြေနပြေ ထိုင်နေသည်။ သူ့ပုံစံက Win အလာကို စောင့်နေသလိုမျိုးဘဲ။
"ပြန်လာပြီလား "
"Phi Bright ရော Phi Bright က ဘယ်မှာလဲ "
"အဟွန်းဟွန်း စကားလေး တစ်လုံးနှစ်လုံးဘဲ ပြောရသေးတယ် ထွက်သွားပြီလေ "
လှောင်ရိပ်စွန်းနေတဲ့ အပြုံးတွေ မျက်နှာဘေးတွေက ဘာကို ရည်ညွှန်းနေသလဲဆိုတာ တွေးကြည့်နေစရာမလို။ အခန်းထဲတောင် ဝင်ထိုင်နေပုံထောက်ရင် Phi Bright နဲ့လည်း တွေ့သွားကြပြီ ထင်သည်။
"ဘာ! ခင်ဗျားသူ့ကို ဘာပြောလိုက်တာလဲ"
"တို့က ဘာမှသိပ်မပြောရသေးပါဘူး သူ့ဘာသာ မခံမရပ်နိုင်တွေ ဖြစ်သွားတာ "
မျက်ဝန်းတွေသည် အဆုံးထိမှောင်မိုက်သွားခဲ့ပြီး ဘာကိုမှမမြင်တော့။ Phi Bright သိသွားပြီဆိုတာနဲ့တင် ဆောက်တည်မရတော့။
"စောက်ပိုစကားမပြောနဲ့ မေးနေတာ ဖြေ "
"Win!! မင်း ကိုယ့်အမေကို လွှတ်လိုက်စမ်း "
Win ရှေ့က အမျိုးသမီးကို အင်္ကျီစဆောင့်ဆွဲရင်း မေးလိုက်မိတော့ အခန်းထဲသို့ နောက်ထပ်ရောက်လာတဲ့ Don က Win လက်ကို လာဆွဲဖြုတ်ရင်း ဆောင့်တွန်းပစ်သည်။ ရုတ်တရက်မို့ Win လည်း ကြမ်းပြင်ပေါ်သို့ လဲကျသွားတော့သည်။
"ဒုန်း! အ့"
"သခင်ငယ်လေး သခင်ငယ်လေး အဆင်ပြေရဲ့လား "
အနားရောက်လာကာ ထူပေးလာသူက အိမ်ထိန်းတော်ကြီး။ Win လည်း အနားရောက်လာတဲ့ အိမ်ထိန်းတော်ကြီးအား Phi Bright အကြောင်းသာ အလောတကြီး မေးမိသည်။ ပူလောင်နေပြီမို့ ရှက်ဖို့လည်း သတိမရတော့။
YOU ARE READING
My Investigator
Fanfiction"ကျုပ်ဘဝမှာ ဘယ်တုန်းကမှ ခံစားချက်တွေကို ရှေ့တန်းမတင်ဖူးဘူး လူသတ်သင့်ရင် သတ်တယ် ရိုက်သင့်ရင် ရိုက်မယ် ပိုက်ဆံရမယ်ဆို ဘာမဆိုလုပ်မယ် ပိုက်ဆံက ကိုးကွယ်ရာဘဲ " -- Bbright crd coverphoto #BrightWin Fan Fic
