My Investigator

MI -19

မြေအောက်ကားလမ်းလေးထဲ ကားတွေအပြည့် လူတွေအပြည့် ဖြစ်နေသည်။ လက်နက်ကိုယ်စီကိုင်ထားတဲ့ လူတွေက အမှုစစ်လေးနှင့် Bbright အနား အဘက်ဘက်ကနေ တိုးဝှေ့ပြေးလာနေကြသည်။ အမဲဝိုင်းဖျက်တော့မည့်ပုံပင်။ Bbright နှင့် အမှုစစ်လေးလည်း ကျောချင်းကပ်ကာ တိုက်ခိုက်ရန် အသင့်အနေအထားနဲ့ ပြင်ဆင်ထားလိုက်သည်။

"ဟေ့ကောင်တွေ! အပြတ်ရှင်းလိုက်ကြစမ်း "

အမိန့်ပေးသံအဆုံး ညာသံပေးကာ ပြေးဝင်လာတဲ့ လူအုပ်ကြီး။ ရှေ့ဆုံးကနေ ပြေးဝင်လာတဲ့သူရဲ့ ရင်ဝတည့်တည့်ကို Bbright ဆီးကာကန်ပစ်လိုက်သည်။ တစ်ချက်ထဲဖြင့် ပြန်မထနိုင်တော့။ တစ်ယောက်ချင်းဖြစ်စေ အုပ်စုလိုက်ဖြစ်စေ အနားကပ်လာသမျှ လူတွေကို လက်ဗလာဖြင့် ရှင်းထုတ်ပစ်ခဲ့သည်။ အမှုစစ်ကလေးမှာလည်း ထို့နည်းတူပင် ပြန်ကာ တိုက်ခိုက်ခဲ့သည်။ ဒီအ​ခြေအနေမှာ ရောဂါအခြေအနေ ကောင်းမွန်နေတာကဘဲ ကျေးဇူးတင်ရမလိုပင်။ 

"အင့် ခွပ်! "

"ဒုတ်! "

"သေမလို့ လောနေတာလား ခွေးမသားရဲ့ "

Bbright က အရှေ့ဘက်မှာ တိုက်ခိုက်နေတုန်း နောက်ကနေ ခေါင်းကို သံတုတ်ဖြင့် လာဝင်ရိုက်တာကြောင့် ခေါင်းက ပူခနဲ ဖြစ်သွားပြီး သံတုတ်နဲ့ လာရိုက်တဲ့ ကောင်ရဲ့ ဦးခေါင်းကို ကားဘော်ဒီဖြင့် မိတ်ဆက်ပေးလိုက်သည်။ သွေးတွေကို ဖြာခနဲဘဲ။

"အာ့ အာ့ လက် လက် "

"နာလား နာတယ်ပေါ့ "

လက်ကို လိမ်ချိုးရင်း မေးနေရာမှ ထွက်လာတဲ့စကားသံတွေ။ အမှုစစ်ကလေးကလည်း တစက်ကလေးတောင် ညှာတာမှု မရှိခဲ့ပါ။ တိုက်ရင်းခိုက်ရင်း လက်ထဲ ဓားရောက်လာရင် ဓားကိုအသုံးပြုပြီး တိုက်ခိုက်ကာ တုတ်ရလာရင်လည်း တုတ်ကို အသုံးပြုကာ တိုက်ခိုက်တတ်တဲ့ အမျိုးအစားလေးပင် ဖြစ်သည်။

"ငါ့ရဲ့ နာမည်ပြောင်က ဘာလဲ သိကြလား ဟမ်! "

တိုက်ရင်းခိုက်ရင်းနဲ့ အံကြိတ်ကာ မေးလာတဲ့အသံ။ လက်သီးဖြင့် မျက်နှာတည့်တည့်ကို ထိုးချပစ်လိုက်ပြီး

"ငါ့နာမည်ပြောင်က လူသတ်သမားတဲ့! အဟက်! "

အမှုစစ်လောကမှာ Win ကို နာမည်ပြောင်ပေးထားတာက လူသတ်သမားတဲ့လေ။ အကိုင်အတွယ်ကြမ်းတဲ့အပြင် တိုက်ခိုက်တဲ့ စွမ်းရည်ကလည်း အပြည့်အဝမို့ တော်ရုံကောင်တွေလောက်က သွားကြားထိုးရတာလောက်တောင် မခက်ခဲပေ။ လက်ထဲက သံတုတ်ကို မြဲမြံစွာ ဆုပ်ကိုင်ထားရင်း တိုက်ခိုက်နေခဲ့မိသည်။ လွင့်စင်လာတဲ့ သွေးစတွေကလည်း အမှုစစ်ကလေးရဲ့ ခန္ဓာကိုယ်ပေါ်မှာ ကပ်ညှိလို့နေပြီ။ တစ်ဖက်ကလည်း အတုံးအရုန်း ဖြစ်လာသလို အမှုစစ်လေးတို့နှစ်ယောက်လည်း ခြေကုန်လက်ပန်းကျလာနေပြီ။