🍂𝑺𝒉𝒐𝒐𝒍
ជីមីនដើរប្រញ៉ាប់ប្រញ៉ាល់រួសរាន់ជើង រត់ផងដើរផងព្រោះខ្លាចចូលទៅក្នុងសាលាមិនទាន់ ព្រោះតែថ្ងៃនេះគេមកដល់យឺតខកម៉ោងជាងរាល់ដងដោយសារតែនៅជួយម៉ាក់របស់គេនៅឯផ្ទះ ណាមួយគេគ្មានអ្នកណាជូនមកនោះទេ គឺគេត្រូវដើរមករៀនដោយសារតែផ្ទះរបស់គេក៏នៅជិតៗនេះដែរ ។
ភឹប!!
« អ៊ុះសុំទោស! » រាងតូចឱនរើសសៀវភៅដែលជ្រុះព្រមទាំងមិនភ្លេចពោលពាក្យសុំទោសទៅកាន់អ្នកខាងមុខដែលគេបានរត់បុកតាមការគួរសមរបស់គេ
« ឯង! »
« លោកយ៉ុន! » ក្រោយឮសម្លេងនិយាយប្រហែលៗគេក៏ងើបសម្លឹងមើលមុខរបស់មនុស្សម្នាក់នោះទើបដឹងថាគេគឺជាយ៉ុនហ្គីមនុស្សដែលនៅក្នុងចិត្តរបស់គេ នឹកគិតដល់នាយរាល់ថ្ងៃ ហើយថ្ងៃណាមួយគេតែងតែស្រម៉ៃថាគេបានជួបនាយហើយនិយាយជាមួយនាយផ្ទាល់ៗបែបនេះ ហើយថ្ងៃនេះគេពិតជាបានជួបមុខនាយពិតមែន ប៉ុន្តែគេបែរជាមានអារម្មណ៍ថាភ័យខ្លាចទៅវិញ
« យ៉ាងម៉េច? »
« ខ្ញុំ...ខ្ញុំសុំទោសលោក...គឺមិញនេះ...»
« ដើរគ្មានភ្នែកមើលទេហ្ហេស? » មិនទាន់ទាំងបាននិយាយចប់ផង នាយស្រាប់តែច្រឡោតឡើងហើយបោះពាក្យសម្ដីៗ
ធ្ងន់ៗគម្រោះគម្រើយដាក់គេមកវិញព្រមទាំងលើកដៃបោសខ្លួនប្រាណធ្វើដូចជាខ្ពើមរអើមខ្លួនគេណាស់អ៊ីចឹង រាងតូចឈរស្ងៀមញ័រដៃទទ្រើតទម្លាក់ទឹកមុខចុះមួយរំពេច
« ខ្ញុំគ្មានចេតនាទេ! ខ្ញុំសុំទោសលោកយ៉ុន »
« គ្មានចេតនាឬមួយក៏ចង់ដើរមកបុកយើងបែបនេះ ហើយចង់ទាក់ទាញចំណាប់អារម្មណ៍ទៅវិញទេ? »
« លោកនិយាយពីអីហ្នឹង? »
« កុំមកធ្វើពើ! មនុស្សប្រភេទឯងនេះណ៎ាស ពូកែទាក់ទាញចំណាប់អារម្មណ៍ ឃើញនៅស្និទ្ធស្នាលជាមួយកូនប្រុសលោករដ្ឋមន្ត្រី ប្រហែលជាប្រគល់ខ្លួនឱ្យគេបាត់ហើយផងក៏មិនដឹង! » យ៉ុនហ្គីពេបជ្រាយសម្លឹងគេលើក្រោម និងនិយាយពាក្យទាំងប៉ុន្មានដែលនាយបានគិតនិងកំពុងវាយតម្លៃលើរូបគេ ក្មេងនេះសម្រែៗ ទាំងក្រធ្វើខ្លួនមឹសៗបែបនេះថាមិនត្រូវទេនៅក្រោយខ្នងមាយារំអួយទាក់មនុស្សប្រុសបោកគេយកលុយមកប៉ុន្មាននាក់ហើយក៏មិនដឹង
YOU ARE READING
🌺សម្អប់បេះដូង❤️🔥( ចប់ )
Fanfictionស្នេហារវាងឪពុកហើយនិងកូនចិញ្ចឹម កាច់កុង មានះ ចិត្តរឹង ទុក្ខសោកលាយឡំជាមួយនិងក្ដីឈឺចាប់ ។ រងចាំមើលថាតើរាងតូចម្នាក់នោះគេអាចយកឈ្នះបេះដូង របស់លោកឪពុកចិញ្ចឹមចិត្តរឹងម្នាក់នេះបានដោយរបៀបណា ? Taekook / Yoonmin សរសេរដោយ : ចន ថេយ៍វី✍️ ២៥/០៧/២០២៣
